From Wikipedia, the free encyclopedia
Շարքային Փիսֆուլը (անգլ.՝ Private Peaceful), 2012 թվականին ռեժիսոր Պետ Օ'Քոննորի կողմից նկարահանված դրամատիկ ռազմական ֆիլմ։ Սցենարը գրել է Ռիդ Սայմոնը 2003 թվականին Մայքլ Մորպուրգոյի (անգլ.՝ Michael Morpurgo) գրած համանուն վեպի հիման վրա[2][3]։ Այս ֆիլմում իր դերը դարձել է վերջինը դերասան Ռիչարդ Գրիֆիտսի համար[4]։
Շարքային Փիսֆուլը անգլ.՝ Private Peaceful | |
---|---|
Երկիր | ![]() |
Ժանր | դրամա, ռազմական ֆիլմ և վեպի էկրանավորում |
Հիմք | Private Peaceful? |
Թվական | 2012 և հոկտեմբերի 12, 2012 |
Լեզու | անգլերեն |
Ռեժիսոր | Պետ Օ'Քոննոր |
Դերակատարներ | Ջեկ Օ'Քոնել, Ռիչարդ Գրիֆիտս[1], Ֆրենսիս դե լա Տուր[1], Ջոն Լինչ[1], Ալեքսանդրա Ռոուչ[1], Մաքսին Փիկ[1], Ջորջ ՄաքՔեյ[1], Հիրո Ֆայնս Թիֆին[1] և Էլայն Փաուել[1] |
Երաժշտություն | Ռեյչել Փորթման |
Պատմվածքի վայր | Դևոն |
Տևողություն | 100 րոպե |
Պաշտոնական կայքէջ |
Շարքային Փիսֆուլը բանտախցում սպասում է մահապատժին և պատմում 20-րդ դարի սկզբին Դևոնշիրում ապրող աղքատ ընտանիքի մասին։ Երկու եղբայրներից կրտսերը՝ Թոմոն, դպրոց գնալու առաջին օրը հանդիպում է Մոլլիին ու սիրահարվում նրան։ Ավագ եղբայրը՝ Չարլին, միշտ պաշտպանում էր նրան, երբ միասին փախչում էին Վուլֆ տատիկից, ով սիրում էր մերկ լողանալ ու հուսահատության էր հասցնում իրենց մորը՝ Հեյզելին, ով կորցրել էր ամուսնուն անտառահատման ժամանակ տեղի ունեցած դժբախտ պատահարի արդյունքում։ Այդ ժամանակ երկու եղբայրները չնչին գումարի համար աշխատում են նախկին գնդապետի մոտ։ Հետագայում Չարլին ու Մոլլին սկսում են հանդիպել. Մոլլին հղիանում է, և նրանք ամուսնանում են գյուղի եկեղեցում, սակայն քահանան հրաժարվում է խփել զանգերը։ Եղբայրները գժտնվում են, սակայն երբ Թոմոն, ստելով իր տարիքի մասին, կամավոր մեկնում է մասնակցելու Առաջին համաշխարհային պատերազմին, Չարլին նրա հետևից գնում է Ֆլանդրիա։ Այնտեղ նրանք ականատես են լինում գազային հարձակումների, գերմանական զորքերի հրաձգությանը, իրենց ընկերների սարսափելի մահվան, սերժանտ Հենլիի արհամարհական վերաբերմունքին։ Գերմանացիների վրա հարձակման ժամանակ Չարլին չի ենթարկվում սերժանտ Հենլիի ուղղակի հրամանին և մնում է վիրավոր Թոմոյի հետ չեզոք գոտում։ Արդյունքում Չարլիին մեղադրում են վախկոտության մեջ, և նա կանգնում է ռազմական դատարանի առաջ։ Առավոտյան՝ մահապատժի ժամանակ, Չարլին մահանում է իր սիրած «Oranges and Lemons» մանկական երգը երգելով. նա ուրախ է, քանի որ Թոմոն խոստացել է հոգ տանել Մոլլիի ու իրենց նորածին որդու՝ Փոքրիկ Թոմոյի մասին[5][6][7][8][9]։
Դերասան | Դեր |
---|---|
Ջորջ Մաքքեյ | Թոմո Փիսֆուլ |
Սեմյուել Բոտոմլի | երիտասարդ Թոմոն |
Ջեք Օ'Քոննել | Չարլի Փիսֆում |
Հիրո Ֆայնս-Տիֆին | երիտասարդ Չարլին |
Ռիչարդ Գրիֆիտս | գնդապետ |
Ալեքսանդրա Ռոուչ | Մոլլի Մոնկս |
Իզի Մեյքլ-Սմոլ | երիտասարդ Մոլլին |
Ֆրենսիս դե լա Տուր | տատիկ Վուլֆ |
Ջոն Լինչ | սերժանտ Հենլի |
Մաքսին Պիկ | Հեյզել Փիսֆու |
Պոլ Ռեդի | կապիտան Ուիլկինս |
Էնթոնի Ֆլանագան | սերժանտ |
Էլին Փաուել | Աննա |
Դևիդ Յելլանդ | գեներալ Հեյգ |
Ջեյմս Լորենսոն | մայոր Ֆիտսպատրիկ |
Պոլ Շեգեր | կապրալ |
Ֆիլմի ստեղծումը ֆինանսավորել են ավելի քան հարյուր փոքր ներդրողներ[10], որոնք հատկացրել են երեք կամ հինգ հազարից մինչև 10 հազար ֆունտ ստեռլինգ։ Նկարահանումներն անցկացվել են Անգլիայում, իսկ մարտերի տեսարանները՝ Իպսվիչի սահմաններում գտնվող հատուկ ֆերմայում[11]։ ԱՄՆ-ում ու Կանադայում ֆիլմի վարձույթի իրավունքները ձեռք է բերել «BBC Worldwide North America» ընկերությունը[12]։
2014 թվականին ֆիլմը ներառվել է 11-14 տարեկան դպրոցականների համար նախատեսված ծրագրում[13], իսկ գիրքը Գրական ազգային հիմնադրամի կողմից երաշխավորվել է Առաջին համաշխարհային պատերազմի սկսվելու հարյուրամյա տարելիցից առաջ գրադարաններում տարածելու համար[14][15]։ Դրա հետ կապված՝ ֆիլմի պրոդյուսեր Գայ դե Բոժյոն ասել է, թե «ֆիլմն արժանացել է ուսուցիչների բարձր գնահատականներին որպես ուսումնական օժանդակ նյութ Առաջին համաշխարհային պատերազմը ներկայացնելու համար՝ հավատարիմ մնալով Մայքլի օրիգինալ վեպին։ Ուսումնական հաստատություններում աճող համոզում կա, թե «Շարքային Փիսֆուլը» իդեալական նախագիծ է հարյուրամյակի համար. այն ոչ կանակալություն է, ոչ ուռա-հայրենասիրություն և ոչ էլ սենտիմենտալիզմ»[16]։
Սկզբում նախատեսվում էր, որ ֆիլմի երաժշտությունը գրելու է Մարկ Նոպֆլերը[17], սակայն հետո այդ գործն ստանձնեց Ռեյչել Փորտմանը[18]։ Քսաներկու երգերից կազմված սաունդթրեքը թողարկվել է 2012 թվականի հոկտեմբերի 22-ին[19][20][21]։
# | Անվանում | Տևողություն |
---|---|---|
1. | «Promises to Keep» | 3:07 |
2. | «Private Peaceful» | 1:51 |
3. | «Ten to Midnight» | 1:17 |
4. | «Wee, Sleekit, Cow'rin» | 2:34 |
5. | «Dust to Dust» | 3:04 |
6. | «Grandma Wolf» | 1:11 |
7. | «Old Hound» | 0:38 |
8. | «Looking for Work» | 1:47 |
9. | «Tommo Watches Molly» | 1:38 |
10. | «No Tomorrow Could Ever Be As Good As Today» | 2:15 |
11. | «Oranges and Lemons» | 1:23 |
12. | «Tommo Joins Up» | 1:23 |
13. | «Sentry Duty» | 1:17 |
14. | «Gas Attack» | 1:22 |
15. | «Suffer the Little Children» | 1:29 |
16. | «Counter Attack» | 0:50 |
17. | «Molly Writes to Tommo» | 1:18 |
18. | «Bayonet Training» | 1:17 |
19. | «Inspecting Rifles» | 2:09 |
20. | «Father's Watch» | 1:32 |
21. | «Firing Squad» | 2:55 |
22. | «I Think I'm in Love» | 1:49 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.