Շամպայն (մարզ)

Շամպայն (անգլ.՝ Champagne), պատմական մարզ Ֆրանսիայում, Սեն և Մառն գետերի ավազանում։ Գլխավոր քաղաքը՝ Տրուա։ Միջին դարերում Շամպայն եղել է կոմսություն։ 12—13-րդ դարերում հայտնի էր տոնավաճառներով։ Ֆրանսիայի թագավորական կալվածքներին միանալուց (1284, իսկ վերջնականապես՝ 1361) հետո մինչև 1790 թվականը ունեցել է նահանգի ստատուս։ 17-րդ դարի վերջին Շամպայնում առաջին անգամ կազմակերպվել է փրփրուն գինու՝ շամպայնի արտադրությունը։

Անվան այլ կիրառումների համար տե՛ս՝ Շամպայն (այլ կիրառումներ)

Բնակավայր
Շամպայն
Դրոշ Զինանշան
Երկիր	Ֆրանսիա
Հիմնադրված է	1361 թ.
Պաշտոնական լեզու	Champenois? և ֆրանսերեն
Շամպայն (մարզ) (Ֆրանսիա)
Շամպայն Վիքիպահեստում

Շամպայնի ներկայիս տարածքում են գտնվում Արդեններ, Մառն, Վերին Մառն, մասամբ նաև Էն, Սեն և Իոն դեպարտամենտները։ Տարածությունը 31,3 հազար քկմ է, բնակչությունը 1,8 մլն (1975)։ Կա մետաղամշակություն, մեքենաշինություն, տեքստիլ, տրիկոտաժի, սննդի (հատկապես՝ փրփրուն գինու), փայտամշակման և թղթի արդյունաբերություն։ Գյուղատնտեսության մեջ գերա կշռում է հացահատիկի (ցորեն, գարի, եգիպտացորեն) մշակությունը և խաղողագործությունը։ Զարգացած է անասնապահությունը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 447)։

Վիքիպահեստն ունի նյութեր, որոնք վերաբերում են «Շամպայն (մարզ)» հոդվածին։