Միհաելա Կամբեյ (ռումիներեն՝ Mihaela Valentina Cambei, նոյեմբերի 18, 2002[1], Dofteana, Բակեու, Ռումինիա[2][3]), ռումինացի մարզուհի, ծանրորդ, 2023 թվականի Եվրոպայի առաջնության չեմպիոն, 2021 թվականի Եվրոպայի առաջնության բրոնզե մեդալակիր, 2018 թվականի ամառային պատանեկան Օլիմպիական խաղերի մրցանակակիր, 2017, 2018, 2019 թվականների Եվրոպայի պատանիների և աղջիկների առաջնությունների եռակի չեմպիոն։
Կենսագրություն
Միհաելա Կամբեյը ծնվել է 2002 թվականին։ 2017, 2018, 2019 թվականների Եվրոպայի պատանիների և աղջիկների առաջնություններում մինչև 48 կգ քաշային կարգում դարձել է չեմպիոն։ 2019 թվականի Լաս Վեգասում տեղի ունեցած աշխարհի պատանեկան առաջնությունում ռումինուհին զիջել է միայն ուզբեկ մարզուհի Նիգորա Աբդուլաևային նա նվաճել արծաթե մեդալ։
2018 թվականին Միհաելա Կամբեյը մասնակցել է Բուենոս Այրեսում տեղի ունեցած Պատանեկան ամառային օլիմպիական խաղերին և մինչև 48 կգ քաշային կարգում նվաճել բրոնզե մեդալ[4]։
2021 թվականի ապրիլին Մոսկվայում տեղի ունեցած Եվրոպայի առաջնությունում ռումինուհի ծանրորդը մինչև 49 կգ քաշային կարգում 180 կգ արդյունքով դարձել Է Եվրոպայի առաջնության բրոնզե մեդալակիր, իսկ «հրում» վարժությունում նվաճել է փոքր արծաթե մեդալ[5]։
2022 թվականին Բոգոտա քաղաքում տեղի ունեցած աշխարհի առաջնությունում Կամբեյը մինչև 49 կգ քաշային կարգում զբաղեցրել է չորրորդ հորիզոնականը, իսկ «պոկում» վարժությունից նվաճել է փոքր արծաթե մեդալ։
2023 թվականի Երևանում տեղի ունեցած Եվրոպայի առաջնությունում մինչև 49 կգ քաշային կարգում, երկամարտի 198 կգ արդյունքով նվաճել է ոսկե մեդալ՝ սահմանելով Եվրոպայի երեք ռեկորդ։ Նա նաև առանձին վարժություններում նվաճել է երկու փոքր ոսկե մեդալ։
Նվաճումներ
Արդյունք | Քաշ | Թվական | Մրցաշարի վայր | Պոկում | Հրում | Ընդհանուր քաշ |
Բրոնզ | մինչև 49 կգ | 2021 | Մոսկվա, Ռուսաստան | 80,0 | 100,0 | 180,0 |
Ոսկի | մինչև 49 կգ | 2023 | Երևան, Հայաստան | 92,0 | 106,0 | 198,0 |
Ծանոթագրություններ
Արտաքին հղումներ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.