Մայքլ Չիմինո (դերասան)
From Wikipedia, the free encyclopedia
From Wikipedia, the free encyclopedia
Մայքլ Չիմինո (անգլ.՝ Michael Cimino, նոյեմբերի 10, 1999, Լաս Վեգաս, Նևադա, ԱՄՆ), ամերիկացի դերասան։ Առավել հայտնի է «Անաբելը վերադառնում է տուն» ֆիլմում կատարած Բոբ Փալմերիի և Hulu հեռուստաալիքի «Սիրով, Վիկտոր» հեռուստասերիալում կատարած Վիկտոր Սալազարի դերով, հեռուստասերիալը հանդիսանում է 2018 թվականին թողարկված «Սիրով, Սայմոն» հեռուստասերիալի սփին օֆը[1]։
Մայքլ Չիմինո | |
---|---|
Ծննդյան թիվ՝ | նոյեմբերի 10, 1999 (24 տարեկան) |
Ծննդավայր՝ | Լաս Վեգաս, Նևադա, ԱՄՆ |
Քաղաքացիություն՝ | ԱՄՆ |
Մասնագիտություն՝ | կինոդերասան և դերասան |
IMDb։ | ID 7630848 |
Ծնվել և մեծացել է Նևադայի Լաս Վեգաս քաղաքում։ Հայրն ունի իտալագերմանկան ծագում, իսկ մայրը՝ պուերտոռիկյան[2][3]։ Տարրական դասարաններում բախվել է ռասիզմի` ասելով, որ երեխաները նրան գցում էին գետնին և հարվածում, ասում էին, որ նա խավարասերներ է ուտում, սակայն նա ասում է, որ այդ փորձությունները նրան ավելի կարեկցող են դարձրել այլոց նկատմամբ[4]։ Իր դերասանական կարիերան սկսել է ութ տարեկանում, երբ միացել է եկեղեցու մեկ այլ անդամի դասավանդած դերասանական արվեստի ուսուցման խմբակին[5]։ Ավագ դպրոցը շուտ է ավարտել՝ ցանկանալով խորանալ դերասանական արվեստում և որոշել է չընդունվել քոլեջ[6]։
Նկարահանվել է GEICO ընկերության գովազդային հոլովակում և 2016 թվականին Nickelodeon հեռուստաալիքով հեռարձակվող «Հուսադրողները» սերիալում[7]։ 18 տարեկան հասակում տեղափոխվել է Լոս Անջելես[8]։ Դերակատարում է ունեցել 2019 թվականին թողարկված «Անաբելը վերադառնում է տուն» սարսափ ֆիլմում, որտեղ կատարել է Բոբ Փալմերիի դերը։ Նա զվարճանում է կիթառ նվագելով և ունի իր «Everything I Own» երգը, որը ֆիլմի սաունդթրեքն է[9]։
2019 թվականի օգոստոսին հրապարակվել է, որ կատարելու է Վիկտոր Սալազարի գլխավոր դերը Disney+-ի «Սիրով, Վիկտոր» հեռուստասերիալում[10]։ Հեռուստասերիալը հետո հեռարձակվել է Hulu-ով, որտեղ պրեմիերան կայացել է 2020 թվականի հունիսին[11][12]։ Նա խորհրդակցել է իր գեյ զարմիկի հետ, որպեսզի կարողանա դարձնել Վիկտորի կերպարը ավելի հասկանալի և իրական[13]։
Չիմինոն հետերոսեքսուալ է, այնուամենայնիվ իր կողմնորոշման մասին ասել է.
Ես չեմ ուզում ինձ դնել տուփի մեջ և այնպիսի իրավիճակում, որ եթե 10 տարի անց ես հանդես գամ որպես բիսեքսուալ կամ գեյ, ես պաշտպանեմ իմ ինքնությունը, որը հավատարիմ կմնա ինձ[14]։
2020 թվականին միացել է «Սև արկղի» հնչյունավորման թիմին, որը գիտաֆանտաստիկ սցենարով մուլտսերիալ է[15]։
2021 թվականի հունիսի 15-ին թողարկել է իր առաջին սինգլը՝ «Love Addict»[16]: Առաջին անգամ երգը կատարել է 2021 թվականի հունիսի 3-ին Good Morning America շոուի էպիզոդի ժամանակ[17]։
Տարի | Անվանում | Դեր | Նշում |
---|---|---|---|
2016 | Շանգրի Լա Սյութ | Երիտասարդ Թեյջո | |
2019 | Անաբելը վերադառնում է տուն | Բոբ Փալմերի | |
2021 | XII Ցենտուրիոն | Միգել | փոսթ փրոդքշն |
Տարի | Անվանում | Դեր | Նշում |
---|---|---|---|
2017 | Training Day | Երիտասարդ Սադիք | Էպիզոդ՝ «Թունելային տեսողություն» |
2018 | Շան օրեր | Դեջ | Կարճամետրաժ |
2018 | Կատակով զբոսանք | Բրլայդեն | Էպիզոդ՝ «Բավականին զիլ ավագ դպրոցի համար» |
2020–ներկա | Սիրով, Վիկտոր[18] | Վիկտոր Սալազար | Գլխավոր դեր |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.