Մակարոն

Մակարոն (իտալ.՝ maccheroni), տարբեր տրամագծերի և երկարությունների խողովակների տեսքով մակարոնեղեն^[1][2][3]։ Խողովակաձև մակարոնների թվին են պատկանում փետուրները, եղջյուրիկները և խխունջները։

Մակարոն
Ենթատեսակ	մակարոնեղեն
Առաջացման երկիր	Իտալիա
Հիմնական	ցորենի ալյուր
Macaroni Վիքիպահեստում

Հայերենում «մակարոն» բառը փոխառվել է ֆր.՝ maccaroni և գերմ.՝ Makkaroni լեզուներից, որոնք իրենց հերթին այն վերցրել են իտալ.՝ maccheroni բառից։ Բառի ծագումը կարելի է կապել հուն. μακαρία (մակարիյա) բառի հետ^[4], որը նշանակում է «ապուր գարու ալյուրից կամ հատիկներից», որը մատուցվել է մահացածների հիշատակին^{[5][6][7][8][9][10][11][12][13]}։

Արտադրություն

Եղջյուրիկներ

Համաշխարհային շուկայում առաջարկվող մակարոնեղենն ունի նախնական բաղադրիչների տարբեր բաղադրատոմսեր և արտադրության տարբեր տեխնոլոգիաներ։

Բարձրորակ մակարոնեղենի պատրաստման համար հրամայական է օգտագործել ալյուր այսպես կոչված կոշտ ցորենի հատիկներից։ Կոշտ ցորենի սորտերը սովորական սորտերից տարբերվում են հացահատիկի մեջ գլյուտենի ավելի շատ պարունակությամբ։ Սա պատրաստի արտադրանքը դարձնում է արտաքին տեսքով գեղեցիկ և հաճելի՝ ուտելու համար. բարձրորակ մակարոնեղենը պահպանում է իր ձևն ու առաձգականությունը ջրի մեջ եռացնելուց հետո։

Քանի որ հացահատիկի մեջ գլյուտենի քանակը կախված է ցորենի հասունացման վերջին փուլում չոր և արևոտ եղանակից, մակարոնեղենի ալյուր պատրաստելու համար հարմար հացահատիկ կարող է արտադրվել միայն երկրագնդի որոշակի վայրերում։ Կոշտ ցորենի սորտերը մեծ և կայուն պահանջարկ ունեն համաշխարհային շուկայում, ինչն էլ պայմանավորում է նման հացահատիկի բարձր գները։

Խխունջներ

Ազգային ավանդույթներ

Ավանդաբար Իտալիայում մակարոնեղենը եփում են al dente և մատուցում տարբեր սոուսների, հավելումների հետ, որոնք հատուկ ստեղծված են խոհարարական մասնագետների կողմից՝ ճաշատեսակին ավելացնելու համար։

Միացյալ Նահանգների ազգային խոհանոցում նման սոուս է տարբեր բաղադրատոմսերով պատրաստված կետչուպը։

Այլ երկրների խոհանոցներում մակարոնեղենը հաճախ միայն խավարտ է, որը մատուցվում է մսի կամ այլ ճաշատեսակների հետ։

Մակարոնեղենն ավանդաբար տարածված արտադրանք է աշխարհի շատ երկրների բանակներում և հաճախ պահանջված է հեռավոր ուղևորությունների ժամանակ։ Նման հանրաճանաչությունը պայմանավորված է նրանով, որ մակարոնեղենը՝ որպես կիսաֆաբրիկատ, ունի փոքր քաշ, երկար պահպանման ժամկետ, փաթեթավորման և տեղափոխման հեշտություն և եփման համեմատաբար պարզ ու արագ եղանակներ։

Ծանոթագրություններ

1. Maccheroni47473hb, History of Maccheroni (it)
2. Oxford Dictionary, Macaroni Արխիվացված 2012-07-18 Wayback Machine
3. https://dizionari.corriere.it/dizionario_italiano/M/maccherone.shtml Dizionari - Corriere
4. μακαρία, (def. III), Henry George Liddell, Robert Scott, A Greek-English Lexicon, on Perseus Digital Library
5. Macaroni Արխիվացված 2020-03-13 Wayback Machine, on Compact Oxford English Dictionary
6. "Macaroni", Online Etymology Dictionary
7. Macaroni, on Webster's New World College Dictionary
8. Andrew Dalby, Food in the Ancient World from A to Z, Routledge, 2003, on Google books
9. Reader's Digest Oxford Complete Wordfinder
10. Dhirendra Verma, Word Origins, on Google books
11. Mario Pei, The story of language, p.223
12. William Grimes, Eating Your Words, Oxford University Press, on Internet Archive
13. Mark Morton, Cupboard Love: A Dictionary of Culinary Curiosities, on Google books

Գրականություն

• Макаронные изделия // Товарный словарь. Том 5 / Гл. ред. И.А. Пугачёв. — М.: Госторгиздат, 1958.
• ГОСТ 31743-2017. Изделия макаронные. Общие технические условия.

Վիքիպահեստն ունի նյութեր, որոնք վերաբերում են «Մակարոն» հոդվածին։