Կարաչայներ (ինքնանվանումը՝ կարաչայլներ), ժողովուրդ։ Հիմնականում բնակվում են Ռուսաստանի ԴաշնությանԿարաչայ-Չերքեզական Հանրապետությունում։ Թիվը՝ 245 հազար։ Խոսում են կարաչայա-բալկարերեն։ Ազգության ձևավորմանը մասնակցել են տեղացի լեռնական ցեղերը, ալանները, բուլղարները, ղփչաղները։ Կարաչայների մեջ մինչև 19-րդ դարի կեսը պահպանվել էին ավատատիրական-նահապետական հարաբերությունները։ Անցյալում զբաղվել են քոչվոր անասնապահությամբ։
Տեղեկությունը այս հոդվածում կամ նրա որոշ բաժիններում հնացել է: Դուք կարող եք օգնել նախագծին՝ թարմացնելով այն և դրանից հետո հեռացնել կաղապարը:
Կարաչայ տղամարդիկ (19-րդ դարի լուսանկար)
Խորհրդային Միության տարիներին զարգացել է գյուղատնտեսությունը, արդյունաբերությունը, ստեղծվել է գիր։ 1943 թվականի վերջին, 1944 թվականի սկզբին խորհրդային իշխանությունը կարաչայներին բռնի տարաբնակեցրեց Ղազախստանի և Միջին Ասիայի տարբեր շրջաններում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 302)։