From Wikipedia, the free encyclopedia
Կամպոս (հուն․՝ Κάμπος), գյուղ Հունաստանի Հանրապետության հարավում, վարչականորեն՝ Պելոպոնեսի պերիֆերիայի կազմում[1]։
Գյուղ | |||
---|---|---|---|
Կամպոս | |||
հուն․՝ Κάμπος | |||
![]() Կամպոսի Սուրբ Բարբարա եկեղեցին | |||
Երկիր | ![]() | ||
Պերիֆերիա | Պելոպոնես | ||
Համայնք | West Mani Municipality? և Commune of Kabos, Messinia? | ||
Խոսվող լեզուներ | Հունարեն | ||
Բնակչություն | 422 մարդ (2011) | ||
Ազգային կազմ | Հույներ | ||
Ժամային գոտի | UTC+2, ամառը UTC+3 | ||
| |||
Այստեղ է գտնվում Ավիայի շրջանի քաղաքապետի նստավայրը։ Ըստ 2011 թվականի մարդահամարի տվյալների՝ գյուղի բնակչությունը կազմում է 422 մարդ[1], ամբողջովին՝ հույներ։
Կամպոս գյուղը տեղակայված է Հունաստանի հարավային հատվածում՝ Պելոպոնես թերակղզու վրա։ Գտնվում է ծովի մակարդակից 350 մետր բարձրության վրա։
Ռելիեֆը ցածրալեռնային է, իսկ կլիման՝ մերձարևադարձային։ Կլիմայի ձևավորմանը նպաստում են Միջերկրական ծովից եկող տաք օդային զանգվածները։ Ամենատաք եղանակը հուլիսն է, իսկ ամենացուրտը՝ հունվարը։
Ներկայիս Կամպոսի տարածքում կատաղի կռիվներ են մղվել Հին աշխարհում՝ Պելոպոնեսյան պատերազմների ընթացքում։
Հունաստանի անկախության պատերազմի տարիներին այն կարևոր հենակետ էր հույների համար։ Տեղի բնակչությունը կռվում էր թուրք զավթիչների դեմ։
Ներկայումս Կամպոսը փոքրիկ գյուղ է Հունաստանում։ Այստեղ գործում է հիմնական և ավագ դպրոց։ Գյուղում կան բազմաթիվ պատմամշակութային հուշարձաններ, այդ թվում միջնադարյան բյուզանդական եկեղեցի, որը կրում է Սուրբ Թեոդորոսի անունը։ Այն հարուստ է որմնանկարներով։ Բացի այդ, գյուղում գործում է նաև Սուրբ Հովհաննես փոքր եկեղեցին, որի մանրանկարները արվել են 13-րդ դարում։
Այստեղ է գտնվում նաև Զարնաթա ամրոցը, որը պաշտպանական նկատառումներով օգտագործվել է զարգացած միջնադարում։
Կամպոսում է ծնվել Հունաստանի թագավորության վարչապետ Ալեքսանդրոս Կումունդուրոսը։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.