![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b0/Forms_of_government_parliamentary_2021_December.svg/langhy-640px-Forms_of_government_parliamentary_2021_December.svg.png&w=640&q=50)
Պառլամենտական համակարգ
From Wikipedia, the free encyclopedia
Պառլամենտական համակարգ, ժողովրդավարական կառավարման ձև է, որում գործադիր իշխանության նախարարները հաստատվում են և հաշվետու են օրենսդրությանը կամ պառլամենտին։ Գործադիր և օրենսդիր թևերը փոխկապակցված են։ Պառլամենտական համակարգում պետության ղեկավարը հաճախ տարբեր է կառավարության ղեկավարից։ Այս համատեքստում նախագահական համակարգում պետության ղեկավարը նաև կառավարության ղեկավարն է և ամենակարևորը, գործադիրը իր լիազորությունները չի ստանձնում օրենսդիր մարմինից։
![](http://upload.wikimedia.org/wikipedia/commons/thumb/b/b0/Forms_of_government_parliamentary_2021_December.svg/320px-Forms_of_government_parliamentary_2021_December.svg.png)
Խորհրդարանական ժողովրդավարություն ունեցող երկրները կարող են լինել սահմանադրական միապետություն, որտեղ միապետը պետության ղեկավարն է, իսկ կառավարության ղեկավարը գրեթե միշտ խորհրդարանի անդամը (ինչպիսիք են Դանիան, Նորվեգիան, Ճապոնիան, Մալայզիան, Շվեդիան և Միացյալ Թագավորությունը) կամ խորհրդարանական հանրապետությունները, որոնց մեծ մասն ունեն նախագահ որպես պետության ղեկավար, սակայն կառավարության ղեկավարը ընտրվում է խորհրդարանի կողմից (Իռլանդիա, Գերմանիա, Հնդկաստան, Իտալիա, Հայաստան և Սինգապուր)։ Քիչ խորհրդարանական հանրապետություններում, ինչպիսիք են Բոտսվանան, Կիրիբատին և Հարավաֆրիկյան Հանրապետությունը, կառավարության ղեկավարը նաև երկրի ղեկավարն է, սակայն ընտրվում է հաշվետու է խորհրդարանին։ Երկպալատանի խորհրարաններում կառավարության ղեկավարը հաճախ, բայց ոչ միշտ, ստորին պալատի անդամ է։
Պառլամենտարիզմը Եվրոպայում հիմնական կառավարման ձևն է։ Եվրոպայի 32 անկախ երկրներից 32-ը ունեն խորհրդարանական համակարգ։ Այն նաև մեծամասնություն է Կարիբյան ավազանի և Օկեանիայի երկրների համար։ Աշխարհի մյուս հատվածներում խորհրդարանական համակարգը այսքան տարածված չէ, ավելի հաճախ Բրիտանական կայսրության գաղութներում, մասնավորապես Վեստիմնստերյան համակարգով երկրներում։