From Wikipedia, the free encyclopedia
Ինդի-խաղ (անգլ.՝ Indie game, անգլ.՝ independent video game-ից թարգմանվում է ինչպես «անկախ համակարգչային խաղ»), համակարգչային խաղ ստեղծված առանձին ծրագարվորողի կամ փոքր կոլեկտիվի կողմից առանց ֆինանսական հովանավորման։ Ինդի-խաղերը մեծ աճ գրանցեցին մասնավորապես 2000-ական թվականների երկրորդ կեսից։
Ինդի խաղերի շարքին են պատկանում այնպիսի խաղեր, ինչպիսք են Braid, World of Goo[1], Super Meat Boy և Minecraft-ը[2][3]։ Այդ թվում վերջինը ստեղծվել է մի ծրագրավորողի կողմից, և վաճառվել է տասնյակ միլլիոնավոր օրինականերով։ Այդ խաղը սահմանել է ռեկորդ, դառնալով ամենաշատ վաճառված ինդի-խաղը[4][5]։
Ինդի-խաղերի համար չկա համընդհանուր սահմանում, սակայն կան որոշ յուրահատկությունները, որը ունեն այս տիպի խաղերը[6][7][8][9]։ Որպես կանոն ինդի-խաղերը ստեղծվում են անհատի, ոչ մեծ կոլեկտիվի կամ փոքր անկախ ընկերության կողմից[7][10]։ Ինչպես նաև խաղերը այնքան մասշտաբային չեն, ինչպես ֆինանսական հովանավորմամբ ստեղծվածները։ Ինդի-խաղեր մշակողները չեն ունենում ֆինանսական ապահովածություն հրատարակության կողմից, և սովորաբար ունենում են փոքր բյուջե կամ ընդհանրապես չեն ունենում ֆինանսական միջոցներ[6][7][9][11][12]։ Անկախ ինդի-մշակողները չունեն գործառական[8] կամ ստեղծագործական սահմանափակումներ[7][9][13] և հրատարակողի համաձայնության կարիքը չունեն[6], նույնը չենք կարող ասել մասշտաբային խաղերի մասին։ Նույն կերպ խաղային դիզայներների որոշումները նույնպես չեն սահմանափակվում նախագծի բյուջեով[13]։ Բացի դա, որքան փոքր է կոլեկտիվը, այնքան ավելի վառ է արտահայտվում կոնկրետ մշակողի ինքնությունը[14]։ Ոչ մեծ կոլեկտիվը, լայն հնարավորությունները և սահմանափակումների բացակայությունը հիանալի պայմաններ են ստեղծում ինդի խաղերի համար[6][10][14][15][16][17][18] ref name="GameTunnelInnovation"/>[19]։
Ֆինանսական աղբյուր գտնելու նպատակով, մշակողնեը կարող են դիմել քրաուդֆանդինգի, հրատարակչի փնտրմանը[11][20][21] կամ ստեղծել խաղի մշակմանը օգնող համայնք[22]։ Եթե նախագիծը չի ունենում հրատարակիչ, մշակողները օգտագործում են համացանցով առաջարկվող թվային դիստրիբուտացիան[23]։
Չի կարելի ինդի-ծրագրավորողներին շփոթել սիրողական-մշակողների հետ քանի-որ, եթե վերջինիս համար սա հոբբի է ապա ինդի-մշակողները նպատակաուղղված են նոր ապրանքի թողարկմանը[8]։ Բազմաթիվ սիրողական մշակողները ստեղծում են հավելյալ ֆայլեր արդեն իսկ ստեղծված խաղի համար։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.