From Wikipedia, the free encyclopedia
«Ժանտախտի տարվա օրագիր» (անգլ.՝ A Journal of the Plague Year), Դանիել Դեֆոյի պատմական վեպը, որն առաջինը թողարկվել է 1722 թվականի մարտին[1]։
Ժանտախտի տարվա օրագիր անգլ.՝ A Journal of the Plague Year: Being Observations or Memorials, Of the most Remarkable Occurrences, As well Publick as Private, which happened in London During the last Great Visitation In 1665 | |
|---|---|
 | |
| Հեղինակ | Դանիել Դեֆո |
| Տեսակ | գրավոր աշխատություն |
| Ժանր | նամակավեպ և պատմավեպ |
| Բնօրինակ լեզու | անգլերեն |
| Նկարագրում է | Լոնդոն |
| Երկիր | .svg){kind=small} Միացյալ Թագավորություն |
| Հրատարակման տարեթիվ | 1722 |
Ստեղծագործությունն իրենից ներկայացնում է Մեծ ժանտախտի ժամանակ մարդկային գոյատևման փորձի մասին վեպավորված հաշվետվություն։ Գործողությունը տեղի է ունենում Լոնդոնում 1665 թվականին։ Պատմությունը կառուցված է մոտավոր ժամանակագրությամբ, թեև առանց գլուխների կամ մասերի բաժանելու։
Իր գրքում Դեֆոն քիչ աշխատանք չէ կատարում ճշմարտանման արդյունքի հասնելու համար՝ նկարագրելով կոնկրետ մարդկային շրջապատը, փողոցները, և նույնիսկ տները, որտեղ տեղի են ունեցել այս կամ այն իրադարձությունները[2]։
Վեպը կարելի է համեմատել Սամյուել Փիփսի օրագրերից ստացված իրական հաշվետվությունների հետ, որոնք գրվել են ժանտախտի ժամանակաշրջանում։ Դեֆոյի շարադրանքը, թեև ռոմանականացված է, շատ ավելի համակարգվածնև մանրամասն է, քան Փիփսի շարադրանքը։
Բացի այդ, վեպը կարելի է համեմատել «Նշանվածները» վեպում ժանտախտի նկարագրության հետ, որի հեղինակը իտալացի գրող Ալեսանդրո Մանձոնին է։ Չնայած որոշ նմանակումներին (օրինակ, երկու վեպերը գրվել են շատ տարիներ անց՝ համաճարակի ավարտից հետո), երկու գրողներն էլ օգտագործում են տարբեր ոճական մեթոդներ. Դեֆոյի աշխատանքը լի է դետալներով, բայց գրված է անվախ ոճով, իսկ Մանձոնին ոչ միայն վերստեղծել է Միլանի ընդհանուր մթնոլորտը, այլև վերլուծել է ժանտախտի անհատական արձագանքը իրեն բնորոշ բանաստեղծական զգայունությամբ։
«Ժանտախտի տարվա օրագիր, որը պարունակում է դիտարկումներ և հիշողություններ ինչպես հասարակական, այնպես էլ զուտ անձնական իրադարձությունների մասին, որոնք տեղի են ունեցել Լոնդոնում 1665 թվականի վերջին մեծ փորձության ժամանակ։ Գրված է այն քաղաքի բնակչի կողմից, որն այս ամբողջ ընթացքում Լոնդոնից չի հեռացել»։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
