From Wikipedia, the free encyclopedia
Թոքամիզ, պլևրա (լատին․՝ pleurae՝ կող, կողք, պատ), մարդու և որոշ ողնաշարավոր կենդանիների կրծքի խոռոչը և թոքերը ծածկող շճաթաղանթ։ Կաթնասունների թոքամիզն ունի 2 թերթիկ՝ ընդերային, որը սերտաճում է թոքի հյուսվածքին, և առպատային՝ պատում է կրծքի խոռոչի ներքին պատերը (կրծքամիզ)։ Թոքամիզի առպատային թերթիկը բաժանվում է կողային, ստոծանային, միջնորմային և գագաթնային հատվածների։ Թոքամիզի ընդերային և առպատային թերթիկների արանքում գոյություն ունի ճեղքանման տարածություն, որը կոչվում է թոքամզի խոռոչ։ Այն լցված է շճային հեղուկով, որը շնչառության ժամանակ փոքրացնում է 2 թերթիկների միջև եղած շփումը։ Թոքամիզն սնուցում են միջկողային, կրծքային ներքին և ստոծանիական զարկերակները, նյարդավորում են թափառող, միջկողային և ստոծանիական նյարդերը։
Թոքամիզ | |
---|---|
![]() | |
Տեսակ | անատոմիական կառուցվածքների դաս |
Ենթադաս | serous membrane?, viscus serous membrane?[1] և անհատական անատոմիական կառուցվածք |
Մասն է | pleural sac? |
Կազմված է | parietal pleura? և visceral pleura? |
Լատիներեն անվանում | cavum pleurae, cavum pleurale, cavitas pleuralis |
MeSH | A04.716 և A10.615.789.736 |
Foundational Model of Anatomy | 9583 |
Terminologia Anatomica 98 | A07.1.02.001 |
Terminologia Histologica | H3.05.03.0.00001 |
Նկարագրված է | Բազմահատոր տեղեկագիրք |
![]() |
Առպատային թոքամիզը զգայուն է ցավի հանդեպ, առպատայինը՝ ոչ, քանի որ վերջինիս մոտ քիչ են նյարդային վերջավորությունները[2]։ 70 կգ քաշ ունեցող ֆիզիկապես առողջ մարդու մոտ թոքամզային տարածքում միշտ առկա է մի քանի միլիլիտր թոքամզային հեղուկ[3]։