From Wikipedia, the free encyclopedia
Էմմա Գոնսալես (իսպ.՝ Emma González, նոյեմբերի 11, 1999[1], ԱՄՆ), ամերիկացի ակտիվիստուհի, ով պայքարում է Ամերիկայի Միացյալ Նահանգներում զենք կրելու վերաբերյալ օրենքները խստացնելու համար[3][4][5]
Էմմա Գոնսալես | |
---|---|
![]() | |
Ծնվել է | նոյեմբերի 11, 1999[1] (24 տարեկան) |
Ծննդավայր | ԱՄՆ |
Քաղաքացիություն | ![]() |
Կրթություն | Մարջորի Սթոունման Դուգլաս միջնակարգ դպրոց և New College of Florida? |
Մասնագիտություն | ակտիվիստ և հռետոր |
Պարգևներ և մրցանակներ | |
![]() |
Էմման դեռ աշակերտական տարիքում ակամա ականատես է դարձել դպրոցական երեխաների կոտորածի, որ տեղի է ունեցել 2018 թվականի փետրվարի 14-ին, Ֆլորիդա նահանգի Փարքլենդ քաղաքի Մարջորի Սթոունման Դուգլասի անվան ավագ դպրոցում (Marjory Stoneman Douglas High School (MSD), Փարքլենդ, Ֆլորիդա)[6]։ Նա միջազգային ճանաչման է արժանացել այն բանից հետո, երբ համացանցում տարածվել է գնդակահարված անմեղ դպրոցականների հոգեհանգստյան արարողության ժամանակ արտասանած ճառը, որտեղ մասնավորապես ասել է. «Եթե ԱՄՆ նախագահն ինձ ասի, թե՝ «Դա սարսափելի ողբերգություն էր, և մենք ոչինչ չէինք կարող անել կանխելու համար», ես նրան կտամ այս հարցը. «Որքա՝ն գումար եք Դուք ստացել Ազգային հրաձգային ընկերակցությունից (ԱՀԸ-ից)։ ... Ինձ դա հայտնի է. 30 միլիոն դոլար[7]»: Իր ճառում նա, դիմելով Թրամփին ու քաղաքական մյուս գործիչներին, ասել է. « Ամո՛թ ձեզ։ Ամաչե՛ք վերջապես»[8][9][10]։
Ի պատասխան դպրոցականների դաժան կոտորածի՝ Էմման ու իր դասընկերները հիմնել են Never Again MSD (Այլևս երբե՛ք MSD) կազմակերպությունը, որը պայքար է մղում առավել խիստ օրենքներ ընդունելու միջոցով հրազենի տիրապետման նկատմամբ հսկողությունն ուժեղացնելու համար։
2018 թվականի մարտի 24-ին Գոնսալեը մասնակցել է հրազենային բռնությունների դեմ «Never Again MSD»-ի նախաձեռնությամբ աշխարհով մեկ ծավալված «Երթ՝ հանուն մեր կյանքի» (March for our Lives) միջազգային զանգվածային բողոքի շարժման գլխավոր իրադարձությանը, որ կազմակերպվել էր ԱՄՆ մայրաքաղաք Վաշինգտոնում։ Այստեղ նա, հանդես գալով տպավորիչ ելույթով, հիշեցրել է իր զոհված 17 դասընկերների մասին, արցունքներն աչքերին՝ հայացքը հառել հավաքի բազմահազար մասնակիցներին ու լուռ արտասվել 6 րոպե 20 վայրկյան՝ ճիշտ այնքան ժամանակ, որքան տևել են իր դասընկերների սպանությունները 2018 թվականի մարտի 24-ին[11][12]։ Նրա ելույթը լայն արձագանք է գտել համաշխարհային մամուլում[11][12][13][14][15]։
Էմմա Գոնսալեսը բնորոշվում է որպես աշակերտական, ուսանողական բողոքի շարժումների խորհրդանշական դեմք[11]։
Էմմա Գոնսալեսին 2018 թվականին շնորհվել է Շտուտգարտյան խաղաղության ամենամյա մրցանակ, որը հիմնադրել է Die AnStifter կազմակերպությունը մեկուկես տասնամյակ առաջ։ Դրանով իսկ բարձր գնահատական է տրվել նաև զենքի գործադրմամբ բռնությունների դեմ ծավալված համաշխարհային շարժմանը։ Պարևգևատրման հանդիսավոր արարողությունը տեղի է ունեցել 2018 թվականի դեկտեմբերի 21-ին, Շտուտգարտի քաղաքային թատրոնում[16]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.