From Wikipedia, the free encyclopedia
Դերվենտա (բոս․՝ Derventa, սերբ.՝ Дервента / Derventa, խորվ.՝ Derventa), քաղաք, համանուն համայնքի կենտրոն Բոսնիա և Հերցեգովինայի հյուսիսային հատվածում։
Բնակավայր | |||
---|---|---|---|
Դերվենտա | |||
| |||
![]() | |||
Երկիր | ![]() | ||
Համայնք | Դերվենտա (համայնք) և Սերբական Հանրապետություն | ||
Մակերես | 516,84 կմ² | ||
ԲԾՄ | 120 մետր | ||
Բնակչություն | 12 680 մարդ (2013) | ||
Փոստային դասիչ | 74 400 | ||
Պաշտոնական կայք | derventa.ba | ||
| |||
Երբ խոսքը Դերվենտա քաղաքի պատմության մասին է, պետք է նշել, որ հաստատված տեղեկությունները շատ քիչ են։ Թուրքական աղբյուրների տվյալները հայտնում են, որ վաղ անցյալում քաղաքի տարածքում գտնվում էր Գորնյա-Ուկրանա գյուղը, որտեղ 1600 թվականին հաշվվում էր 215 տուն։ XIX դարի վերջում քաղաքում հաշվվում էր 3200 տուն և մասնավոր տարածքներ։ Առաջին հիմնական սերբական դպրոցը բացվել է 1864 թվականին, իսկ 20 տարի անց՝ քաղաքային հիվանդանոց։ Դարի վերջում բացվեցին առաջին արդյունաբերական ձեռնարկությունները։ Քաղաքում կար ջրաղաց, կարի ֆաբրիկա, ջրմուղ, ինչպես նաև երկաթուղի, որը Բրիդից տանում էր ուղիղ Սարաևո։
XX դարում Դերվենտան դարձել է առևտրային հարուստ քաղաք, Բոսնիայի տարածքում ամենաբարգավաճող քաղաքը։ Առաջին համաշխարհային պատերազմի նախաշեմին քաղաքում բացվել է վարժարան, այնուհետև մանկավարժական և գյուղատնտեսական դպրոցներ։ Երկրորդ համաշխարհային պատերազմի տարիներին քաղաքում մահացել է մոտ հազար մարդ, շինությունների մեծ մասը ավերվել է։ 1980-ական թվականներին Դերվենտան հասել է իր զարգացման գագաթնակետին՝ լինելով Բոսնիա և Հերցեգովինայի ամենազարգացած շրջաններից մեկը։ 1991 թվականին համայնքում բնակվում էր 57 հազար բնակիչ (նրանցից 17 հազարը՝ քաղաքում)։ Զարգացած էր տեքստիլ, կաշվե, կոշիկի, սև մետաղագործության արդյունաբերություն («Ուկրինա» գործարան), գործում էին մետաղների մշակմամբ զբաղվով գործարաններ, տարվում էր խոշոր շինարարություն, զարգացած էր պոլիգրաֆիան և գյուղատնտեսությունը, բարեկարգված էին ճանապարհները։ Դերվենտա քաղաքը դարձել էր Հարավսլավիայի խոշորագույն տարածաշրջանային կենտրոններից մեկը։
1992 թվականի ապրիլին քաղաքը գրավել են խորվաթական զորքերը «Ազրա» հրոսակախմբի աջակցությամբ, որոնք Բոսնիական պատերազմի տարիներին սերբերի բացահայտ կոտորած են իրականացրել քաղաքում։ Միայն 1992 թվականի հուլիսի 7-ին Սերբիայի Հանրապետության զորքերը վերդարձրել են քաղաքը «Միջանցք» ռազմագործողության ընթացքում։ Այժմ էլ այն գտնվում է գործող Սերբիայի Հանրապետության կազմում։
Քաղաքի բնակչության թիվը 2013 թվականի մարդահամարի տվյալներով կազմել է 12 680 մարդ, համայնքինը՝ 30 177 մարդ[1]։
Մարդահամարի տարեթիվ | Բնակչության թիվ |
---|---|
1879 | 39 385 |
1885 | 43 970 |
1895 | 53 136 |
1910 | 65 784 |
Դերվենտա | ||||||
Մարդահամարի տարեթիվ | 1991 | 1981 | 1971 | |||
Մուսուլմաններ | 5 558 (31,31%) | 4 593 (31,99%) | 5 065 (42,83%) | |||
Սերբեր | 4 555 (25,66%) | 2 934 (20,43%) | 2 496 (21,10%) | |||
Խորվաթներ | 4 317 (24,32%) | 3 727 (25,95%) | 3 439 (29,08%) | |||
Հարավսլավներ | 2 623 (14,77%) | 2 799 (19,49%) | 459 (3,88%) | |||
Այլ | 695 (3,91%) | 304 (2,11%) | 365 (3,08%) | |||
Ընդհանուր | 17 748 | 14 357 | 11 824 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.