Բուջիբա
From Wikipedia, the free encyclopedia
From Wikipedia, the free encyclopedia
Բուջիբա (մալթայերեն՝ Buġibba), քաղաք Մալթայի հյուսիսային մասում, Սբ. Պողոս ծովածոցի ափին։ Իր մեծաթիվ հյուրանոցներով, ռեստորաններով, բարերով, ակումբներով, խաղատներով զբոսաշրջային գրավիչ այցելավայր է և առողջարան[1]։
Բնակավայր | ||
---|---|---|
Բուջիբա | ||
Երկիր | Մալթա | |
Համայնք | St. Paul's Bay? | |
Մակերես | 0,9 կմ² | |
Հեռախոսային կոդ | 356 | |
| ||
Մալթայի պատմության նախապատմական շրջանի տարքսինյան փուլում (3150-2500 թթ. մ. թ. ա.) ներկայիս Բուջիբայի տեղում կառուցվել է մի ոչ մեծ տաճար, որը 1920-ական թվականներին իրականացրած հնագիտական պեղումների արդյունքում հայտնաբերել և ուսումնասիրել են մալթացի հնագետ Թեմիստոկլես Զամմիտը և Լ. Ջ. Ափտոն-Ուեյնը[2]։ Տաճարի ավերակները ներկայումս գտնվում են Qawra հյուրանոցի տարածքում[3][4]։ 1950-ական թվականներին իրականացված հնագիտական նոր պեղումների արդյունքում հայտնաբերվել են նաև նախապատմական վերոնշյալ ժամանակների խեցեղեն իրեր[5]։
Մոտավորապես 1715 թվականին Սուրբ Հովհանեսի ասպետական ուխտը ծովեզրը պաշտպանելու նպատակադրումով Բուջիբայում մարտկոց է կառուցել, որից մինչև մեր օրերն են հասել միայն հիմնամասն ու խրամը[6]։
1960-ական թվականներից Բուջիբան սկսել է բուռն թափով աճել ու զարգանալ։ 1970-1980-ական թվականներին շահագործման են հանձնվել մի շարք հյուրանոցներ և զբոսաշրջային այլ կառույցներ՝ քաղաքը վերածելով սիրված հանգստավայրի[7]։ Բուջիբան առանձնապես գրավիչ է դարձել այն ուսանող երիտասարդների համար, ովքեր Մալթա են գալիս անգլերեն սովորելու նպատակով։ Զբոսանքի առավել ձգող վայրերն են գլխավոր հրապարակը, Bay Square-ը, ծովեզերյա առափնյակը՝ հետիոտնային ընդարձակ գոտիով։ Քաղաքում մեծ է գիշերային ակումբների, ռեստորանների, բարերի թիվը[8][9]։
Բուջիբան Մալթայի Հանրապետության նախկին նախագահ Ջորջ Աբելայի և նախկին նախագահ ու վարչապետ, դոկտոր Էդվարդ Ֆենեկ Ադամիի ամառային կեցավայրն է։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.