Արարատ (քաղաք)

Արարատ (( արտասանություն)), քաղաք Հայաստանի Արարատի մարզում։

Անվան այլ կիրառումների համար տե՛ս՝ Արարատ (այլ կիրառումներ)

Քաղաքային համայնք
Արարատ
Արարատ քաղաքի մուտքը Մ2 ավտոմայրուղուց
Երկիր	Հայաստան
Երկրամաս	Արարատի մարզԱրարատի մարզ
Համայնք	Արարատի մարզ
Հիմնադրված է	հոկտեմբերի 22, 1930 թ.
Մակերես	6 կմ²
ԲԾՄ	825±1 մետր
Կլիմայի տեսակ	չոր, խիստ ցամաքային
Պաշտոնական լեզու	հայերեն
Բնակչություն	20 400[1] մարդ (2015)
Տեղաբնականուն	արարատցի
Ժամային գոտի	UTC+4
Հեռախոսային կոդ	+374 (234)
Փոստային ինդեքս	0602
Փոստային դասիչ	0602
Ավտոմոբիլային կոդ	27
Պաշտոնական կայք	araratcity.am
Արարատ (քաղաք) (Հայաստան) Արարատ (քաղաք) (Արարատի մարզ)
Արարատ Վիքիպահեստում

Աշխարհագրություն

Քաղաքը մայրաքաղաք Երևանից հեռու է 48 կմ դեպի հարավ-արևելք։

Պատմություն

Վազգեն Սարգսյանի արձանը Արարատ քաղաքում, քանդակագործ Արայիկ Ալեքյան, ճարտարապետ՝ Պարգև Սեդրակյան

Արարատ քաղաքային համայնքի ավագանու 2014 թվականի մարտի 25-ի թիվ 18 որոշումով Արարատ քաղաքի հիմնադրման տարեթիվ սահմանվեց 1930 թվականի հոկտեմբերի 22-ը։

ՀՍՍՀ մինիստրների խորհրդի 1972 թվականի հունվարի 4-ի N4 որոշումով Արարատը դասվում է հանրապետական ենթակայության քաղաքաների շարքը։ Քաղաքի վարչական տարածքը կազմում է 1467 հա։

Բնակչություն

Ըստ 2005 թվականի ազգային վիճակագրական ծառայության տվյալների համայնքի բնակչությունը կազմում է 19․533 մարդ, որից 47 % տղամարդիկ են, իսկ կանայք՝ 53 %^[2]։

Տարի	1926	1939	1959	1976	2005	2015
Բնակիչ	45	2 329	5 412	> 15000	19 533	20 400

Տնտեսություն

Տնտեսության տեսակետից քաղաքի մասնագիտացման ճյուղը ծանր արդյունաբերությունն է։ Քաղաքի մոտ է գտնվում հանրապետության երկու ցեմենտի գործարաններից մեկը՝ Արարատի ցեմենտի գործարանը։ ՀՍՍՀ մինիստրների խորհրդի 1970 թվականի մարտի 18-ի N123 որոշումով քաղաքի հետագա զարգացումը տեղափոխվում է Արարատ գյուղից հարավ ընկած տարածքում, որտեղ և կառուցվում է ոսկու կորզման ֆաբրիկայի բանավանը և ոսկու կորզիչ ֆաբրիկան։ Այստեղ բերվում և վերամշակվում է Սոթքի և Մեղրաձորի ոսկու հանքաքարը։

Քաղաքն ունի ավագ, միջնակարգ և հիմնական դպրոցներ, քաղաքային և մանկական գրադարաններ, մանկապարտեզներ, Ղազարոս Սարյանի անվան «Միջնակարգ մասնագիտական արվեստի դպրոց», հիվանդանոց, պոլիկլինիկաներ, կապի հանգույց։

Մոտ մեկ տասնյակի հասնող հիմնարկ-ձեռնարկություններ, որոնք շրջապատում են քաղաքը, առաջացրել են լուրջ էկոլոգիական խնդիրներ, որոնցից է աղտոտված մթնոլորտային ավազանը^[3][4][5]։

Քույր քաղաքներ

•  Բուսսի-Սեն-Ժորժ, Ֆրանսիա (հուլիսի 8, 2009)
•  Ունգենի, Մոլդովա (2016)

Պատկերասրահ

• 
  Երկրորդ համաշխարհային պատերազմում զոհվածների հիշատակի հուշարձան
• 
  Ուսուցչապետ Ժորես Մկրտչյանի կիսանդրին
• 
  1988-ի դեկտեմբերի 7-ի երկրաշարժի զոհերին
• 
  2001 թվականի սեպտեմբերի 11-ի ահաբեկչության զոհերին
• 
  Ոսկու կորզման ֆաբրիկայի բանավան
• 
  Հերոսների Պուրակ 27.09.2021

Տես նաև

• Արարատ քաղաքի պատմության և մշակույթի անշարժ հուշարձանների ցանկ (Արարատի մարզ)

Ծանոթագրություններ

1. «Հայաստանի Հանրապետության մշտական բնակչության թվաքանակը 2015 թվականի հուլիսի 1-ի դրությամբ,» (PDF). Վերցված է 2015 Օգոստոսի 9-ին.
2. «Համայնքի մասին (ք.Արարատ) - Արարատի մարզպետարան». Արխիվացված է օրիգինալից 2012 թ․ ապրիլի 13-ին. Վերցված է 2012 թ․ հուլիսի 23-ին.
3. «Աղքատի այլընտրանք. Արարատի բնակիչները կանգնած են ընտրության առջև՝ փոշի ու աշխատա՞նք, թե՞ անվտանգ շրջակա միջավայր». Արխիվացված է օրիգինալից 2017 թ․ հունիսի 2-ին. Վերցված է 2012 թ․ հուլիսի 23-ին.
4. Մաքուր օդ Արարատին. ՀԿ-ներին խրախուսում են մաքրել «փոշոտ քաղաքը»(չաշխատող հղում)
5. Արարատ. ոսկու տենդ և առողջապահական խնդիրներ

Արտաքին հղումներ

• ՀՀ Արարատի մարզի Արարատի քաղաքային համայնքի (բնակավայրի)գլխավոր հատակագիծ(չաշխատող հղում)

Վիքիպահեստն ունի նյութեր, որոնք վերաբերում են «Արարատ (քաղաք)» հոդվածին։