Անսան

Անսան (կորեերեն՝ 안산시,安山市,Ansan-si), հարավկորեական քաղաք, Գյոնգիի նահանգում։ Գտնվում է Սեուլից հարավ։ Սեուլի հետ հաղորդակցվում է Սեուլի մետրոյի չորրորդ գծի միջոցով^[2]։

Անսան
կորեերեն՝ 안산시,安山市
Երկիր	Հարավային Կորեա
Համայնք	Գյոնգի
Ներքին բաժանում	Danwon-gu? և Sangnok-gu?
Ղեկավար	Պակ Չուվոն
Հիմնադրված է	1986 թ.
Մակերես	149,39 կմ²
ԲԾՄ	139±1 մետր
Բնակչություն	▼633 417 մարդ (սեպտեմբեր 2023)[1]
Պաշտոնական կայք	ansan.go.kr/www/main/main.do​(կոր.)​(անգլ.)​(չին.)​(ռուս.)​(վիետ.)
Անսան (Հարավային Կորեա)
Անսան Վիքիպահեստում

Պատմություն

Քաղաքի պատմություն

Ի սկզբանե Անսանը կոչվում էր Չանհանգու, սակայն վան պետության Սիլլա Չինդուկը այն վերանվանել է Չանգու։ Ժամանակակից անվանումը քաղաքը ստացել է 10-րդ դարում։

Անսանը ռազմական կարևոր դեր է խաղացել Դեղին ծովի կորեական ամրակետում։ Այստեղ էր գտնվում մի հզոր ամրոց, որը նախատեսված էր Կորեայի ծովափնյա շրջաները թշնամիներից թաշտպանելու համար։ Կոջոնի 32 տարվա կառավարումից հետո (Չոսոն դինաստիա) Անսանը ընդգրկվել է Սիհըն գավառի կազմի մեջ^[3]։

1976 թվականին Անսանի տեղում հիմնադրվել է Պանվոլ արդյունաբերական շրջանը, որը 1986 թվականին վերածվել էր Անսան քաղաքի^[4]։

Նախկին անվանումներ

• Չանհանգու՝ Կոգուրյո թագավորության ժամանակ
• Չանկու՝ 757 թվականից
• Անսան՝ 940 թվականից
• Սիհն՝ 1914 թվականից
• Անսան՝ 1986 թվականի հունվարի 1-ից

Աշխարհագրություն

Անսանը գտնվում է Դեղին ծովի ափին։ Դեղին ծովի մի քանի ոչ մեծ կղզիներ գտնվում են քաղաքի իրավասության տակ։ Ամենամեծը և ամենահայտնին Տեբուդոն է։ Քաղաքի հրապարակը 144 կմ² է։ Հյուսիսում Անսանը սահմանակից է Կունպհո քաղաքին, իսկ հարավից Հվասոն և Ըիվան քաղաքների հետ, արևելքից՝ Սիհըն քաղաքի հետ։ Արևմուտքում ողողվում է Դեղին ծովով։

Զբոսաշրջիկություն և տեսարժան վայրեր

Հիմնական տեսարժան վայրերն են.

• Պյոլմակսոն ամրոց՝ այժմ գրեթե քանդված վիճակում է։ Վերակառուցված պատի երկարությունը կազմում է 225 մետր։
• Բուսաբանական այգի, որը ընդգրկում է 220 տեսակի բույսեր։
• Տեբուդո կղզի՝ ծովային առողջարան, հայտնի է յուրահատուկ ծովային խոհանաոցով։
• Սսանգեսի բուդդայական տաճար, առաջին անգամ հիշատակվել է 1689 թվականի հուշագրություններում։
• Պյոլմանոսի ամենամյա մշակութային փառատոն, անցկացվում է ամեն տար, սեպտեմբեր-հոգտեմբեր ամիսներին։

Բարձրագույն կրթություն

Անսանում կան մի քանի բարձրագույն ուսումնական հաստատություններ.

• Անսանի քոլեջ։
• Անսանի տեխնոլոգիական քոլեջ։
• Սեուլի արվեստի ինստիտուտ։
• Հանյան համալսարանի մասնաճյուղ։

Խորհրդանիշներ

Ինչպես երկրի մնացյալ քաղաքները, Անսանը ունի մի շարք խորհրդանիշներ

• Ծաղիկ՝ վարդ, խորհրդանշում է իմաստություն և բարեգթություն^[5]

• Ծառ՝ գինգկո, խորհրդանշում է քաղաքացիների բարգավաճումն ու համախմբվածությունը։
• Թռչուն՝ աղավնի, խորհրդանշում է գեղեցկություն և քաղաքի մաքրությունը^[6]։
• Մասքոթ՝ Techmy, խորհրդանշում է բարձրագույն տեխնոլոգիաներ, որը հանդիսանում է քաղաքի զարգացման գլխավոր ճյուղը^[7]։

Տես նաև

• Հարավային Կորեայի քաղաքների ցանկ

Ծանոթագրություններ

1. https://www.iansan.net/stat/content.do?cmsid=8489
2. «Исторя Ансана» (անգլերեն). Արխիվացված է օրիգինալից 2012 թ․ փետրվարի 9-ին. Վերցված է 2010 թ․ հունվարի 15-ին.
3. «География Ансана» (անգլերեն). Արխիվացված է օրիգինալից 2012 թ․ փետրվարի 9-ին. Վերցված է 2010 թ․ հունվարի 15-ին.
4. «Административное деление Ансана» (կորեերեն). Արխիվացված օրիգինալից 2012 թ․ փետրվարի 9-ին. Վերցված է 2010 թ․ հունվարի 13-ին.
5. «К. Пуликовский посетит Южную Корею». Արխիվացված է օրիգինալից 2012 թ․ փետրվարի 9-ին. Վերցված է 2010 թ․ հունվարի 15-ին.
6. «Символы Ансана» (անգլերեն). Արխիվացված է օրիգինալից 2012 թ․ փետրվարի 9-ին. Վերցված է 2010 թ․ հունվարի 15-ին.
7. «Технопарк Кёнгидо» (անգլերեն). Արխիվացված օրիգինալից 2012 թ․ փետրվարի 9-ին. Վերցված է 2010 թ․ հունվարի 15-ին.

Արտաքին հղումներ

• Քաղաքի պաշտոնական կայք Արխիվացված 2011-08-08 Wayback Machine(անգլ.)
• Քաղաքի նկարագրություն Արխիվացված 2015-05-18 Wayback Machine(անգլ.)
• Քաղաքի լուսանկարները(չաշխատող հղում) (կոր.)
• Քաղաքի էջը Galbijim վիքի հանրագիտարանում (անգլ.)

Վիքիպահեստն ունի նյութեր, որոնք վերաբերում են «Անսան» հոդվածին։