Անուպամ Տրիպատի

Անուպամ Տրիպատի (անգլ․ Anupam Teuripati, կոր․ 아누팜 트리파티^[1], նոյեմբերի 2, 1988(1988-11-02), Նյու Դելի, Հնդկաստան), հնդկական ծագումով հարավկորեացի դերասան։ Հանդես գալով մի քանի ֆիլմերում և հեռուստատեսային շոուներում՝ նա համբավ ձեռք բերեց «Կաղամարի խաղ» (2021) դրամատիկ սերիալում իր գլխավոր դերով, որտեղ նա խաղաց որպես 199 համարի մասնակից՝ որպես պակիստանցի Ալի Աբդուլ^[2]։

Անուպամ Տրիպատի
Ծնվել է	նոյեմբերի 2, 1988(1988-11-02) (35 տարեկան)
Ծննդավայր	Նյու Դելի, Հնդկաստան
Քաղաքացիություն	Հնդկաստան
Կրթություն	Կորեայի արվեստի ազգային համալսարան
Երկեր	Խաղ կաղամարներում
Մասնագիտություն	դերասան
Anupam Tripathi Վիքիպահեստում

Կենսագրություն

Վաղ տարիներ

Անուպամ Տրիպատին ծնվել է Հնդկաստանի մայրաքաղաք Նյու Դելիում, 1988 թվականի նոյեմբերի 2-ին^[2]։ Ծնողները պատկանում էին միջին խավին և կապ չոնեն արվեստի հետ։ Տղան սկկսել է զբաղվել դերասանությամբ և այդ գործով սկսել է հետաքրքրվել «Սպարտակի» բեմադրությանը մասնակցելուց հետո։ Միանալով դրամատուրգ Շահիդ Անվարի «Behroop» թատերախմբին՝ երիտասարդն այնտեղ աշխատել է 2006-2010 թվականներին^[3]։

Հետաքրքրվելով կորեական դորամաներով՝ սկսնակ արտիստը ցանկանում էր կարիերա շարունակել Հարավային Կորեայում։ 2010 թվականին նրան հաջողվել է ստանալ կրթաթոշակ KNUA-ից՝ Կորեայի արվեստի ազգային համալսարանից^[4]։ Սրա շնորհիվ Տրիպատին տեղափոխվել է Սեուլ։ Չիմանալով կորեերեն՝ ուսանողը համառորեն ուսումնասիրել է այն, ինչը տևել է երկու տարի։ Բակալավրի կոչումը ստանալուց հետո Անուպամը նպատակադրվել է ստանալ մագիստրոսի կոչում։

Մասնագիտություն

Այն բանից հետո, երբ KNUA-ի երրորդ կուրսում ուսանելիս գերազանց խոսում էր կորեերեն, սկսեց մասնակցել գովազդային հոլովակներում։ 2014 թվականին նա իր դեբյուտը կատարեց «Օդե իմ հորը» ֆիլմում^[3], հանդես գալով որպես շրիլանկացի։ Տրիպատիի ստեղծագործական կենսագրությունը շարունակեցին «Ասուրա. խելագար քաղաք», «Հաջողակ բանալի» (2016), «Միսս և միսիս ոստիկան» (2019) ֆիլմերի անանուն կերպարները^[5]։

Անուպամը հայտնվել է «Ասդալի քրոնիկները», «Օտարները դժոխքից» (2019), «Բժշկական իմաստություն» (2020) հեռուստասերիալների դրվագներում։ Ամենից հաճախ նա պատկերում էր Հարավարևելյան Ասիայի երկրներից միգրանտ աշխատողներին, որոնք փորձում էին ձուլվել կորեական հասարակությանը։

Դերասանի առաջին գլխավոր դերը եղել է ապօրինի պակիստանցի միգրանտ Աբդուլ Ալիի դերը Netflix-ի «Կաղամարի խաղ» սերիալում։ Փորձելով բարելավել կնոջ և փոքրիկ երեխայի կյանքը՝ տղամարդը որոշել է մասնակցել 199 համարի գոյատևման խաղին^[6]։ Դրամայի ռեժիսոր և շոուռաներ Հվանգ Դոնգ Հյուկը նշել է, որ ընտրել է Տրիպատիին կորեերենի սահուն և զգացմունքային դերասանական վարպետության պատճառով։ Բարեհամբույր Ալին միացել է գլխավոր հերոս Սոնգ Գի Հունի «խմբին», բայց նրան դավաճանել է իր նոր ընկերներից մեկը։

Սերիալը արագ տարածում գտավ և առաջին շաբաթների ընթացքում դիտումների թիվը գերազանցեց 142 միլիոնը^[2]։ Հայտնի դարձան նաև նկարահանումներին մասնակցած դերասանները։ Նրանց թվում էր Անուպամ Տրիպատին։ «Կաղամարի խաղ»-ի շնորհիվ հնդիկը դարձավ ճանաչելի, իսկ Instagram-ի նրա հետևորդների թիվը 10 հազարից հասավ 2,5 միլիոնի^[7]։

Անձնական կյանք

Արտիստի ծնողները մնացել են հայրենիքում։ Մայրը ողջ է, հայրը մահացել է 2017 թվականին^[4]։ Դերասանի մայրենի լեզուն հինդին է։ Արդեն 2023 թվականին նա վարժ տիրապետում է կորեերենին և անգլերենին։ Տրիպատին ամուսնացած չէ։ Նա ապրում է Սեուլում և կրթությունը շարունակում Կորեայի արվեստի ազգային համալսարանում։

Աշխատանքներ

Ֆիլմագրություն

Տարի	Անվանումը	Դեր	Ռեժիսոր
2014	Օդե իմ հորը	Երիտասարդ տղամարդ	Յուն Ջեգյուն
2015	Հեռախոս	Չարզ	Քիմ Բոն-ջու
2016	Ասուրա։ Խենթ քաղաք	Հնդիկ բանվոր	Քիմ Սոն-սու
2016	Ուրախության բալանի	Հնդիկ	Լի Գե-բյոք
2019	Տեր և տիկին Կոպ	Ծագումով Սաուդյան Արաբիայից	Չոն Դա-վոն

Հեռուստատեսություն

Տարի	Անվանումը	Դեր	Ալիք	Ծանոթագրություն
2016	Արևի հետնորդներ	Տղամարդ, ով կոշիկ է տալիս բժիշկ Քանգին	Korean Broadcasting System Netflix	6-7 սերիաներ
2017	Բյուն Հյուկի սերը	Մարդ, ով աշխատանք է փնտրում Բյուն Հյուկի համար	Studio Dragon Plot Line	1 սերիա
2019	Ասդալի քրոնիկները	Դրվագային դեր	Lee Myung-han (tvN) Netflix	1 սերիա
2019	Բժշկական իմաստություն	Օտարերկրյա հիվանդի գործընկեր	Lee Myung-han (tvN)	4 սերիա
2021	Կաղամարի խաղ	Աբդուլ Ալի, №199	Siren Pictures Inc. Netflix[8]	1-7 սերիաներ
2023	Երկրի թագավոր	Արքայազն, հյուրանոցի հյուր	JTBC	7-8 սերիաներ

Թատերական բեմադրություններ

Տարի	Անվանում	Դեր
2015	Վատ տղա	Մազար

Ծանոթագրություններ

1. «Anupam Tripathi, Actor». Naver (կորեերեն). 2021 թ․ հոկտեմբերի 8. Արխիվացված օրիգինալից 2023 թ․ մարտի 14-ին. Վերցված է 2023 թ․ մարտի 13-ին.
2. «Anupam Tripathi». IMDB (eng). 2021 թ․ հոկտեմբերի 1. Արխիվացված օրիգինալից 2023 թ․ մարտի 15-ին. Վերցված է 2023 թ․ մարտի 17-ին.{{cite web}}: CS1 սպաս․ չճանաչված լեզու (link)
3. Ramachandran, Naman (2021 թ․ հոկտեմբերի 8). «'Squid Game' Star Anupam Tripathi on Netflix's Global Phenomenon: 'This Was Just The Starting Point'». Variety (eng). Արխիվացված օրիգինալից 2022 թ․ հոկտեմբերի 26-ին. Վերցված է 2023 թ․ մարտի 19-ին.{{cite web}}: CS1 սպաս․ չճանաչված լեզու (link)
4. Narin, Lee (2021 թ․ հոկտեմբերի 1). «'Squid Game' Anupam Tripathi Got a Scholarship to Korea's Top Arts University?». SBS News (eng). Արխիվացված օրիգինալից 2022 թ․ հունիսի 24-ին. Վերցված է 2023 թ․ մարտի 14-ին.{{cite web}}: CS1 սպաս․ չճանաչված լեզու (link)
5. Kirkland, Justin (2021 թ․ սեպտեմբերի 23). «Squid Game's Cast Features a Mix of Korean Film Powerhouses and Up and Comers». Esquire (eng). Արխիվացված օրիգինալից 2022 թ․ սեպտեմբերի 29-ին. Վերցված է 2023 թ․ մարտի 16-ին.{{cite web}}: CS1 սպաս․ չճանաչված լեզու (link)
6. «Игра в Кальмара». Squid Game (ռուսերեն). 2022 թ․ հոկտեմբերի 1. Արխիվացված օրիգինալից 2023 թ․ մարտի 21-ին. Վերցված է 2023 թ․ մարտի 17-ին.
7. Sng, Suzanne (2021 թ․ հոկտեմբերի 5). «Squid Game actors gain millions of Instagram followers after hit show». The Straits Times (eng). Արխիվացված օրիգինալից 2022 թ․ հոկտեմբերի 26-ին. Վերցված է 2023 թ․ մարտի 18-ին.{{cite web}}: CS1 սպաս․ չճանաչված լեզու (link)
8. «Squid Game». Netflix (eng). 2021 թ․ սեպտեմբերի 17. Արխիվացված օրիգինալից 2023 թ․ մարտի 16-ին. Վերցված է 2023 թ․ մարտի 15-ին.{{cite web}}: CS1 սպաս․ չճանաչված լեզու (link)

Վիքիպահեստն ունի նյութեր, որոնք վերաբերում են «Անուպամ Տրիպատի» հոդվածին։