Աղեղնավորը և նիզակակիրը
From Wikipedia, the free encyclopedia
From Wikipedia, the free encyclopedia
Աղեղնավորը և Նիզակակիրը և (անգլ.՝ The Bowman and The Spearman, հայտնի են նաև Հեծյալ հնդկացիներ/ Equestrian Indians[1] կամ պարզապես Հնդկացիներ/ Indians անվանումներով[2]), երկու բրոնզե քանդակ, որ դարպասը պահողների պես կանգնած են ԱՄՆ-ի Իլինոյս նահանգի Չիկագո քաղաքի Կոնգրես Պլազայի մուտքի առջև՝ Իդա Ուելս դրայվ փողոցի և Միչիգան ավենյուի խաչմերուկի մոտ։ Ձիավոր այդ քանդակներն ստեղծվել են Զագրեբում խորվաթ քանդակագործ Իվան Մեշտրովիչի կողմից և 1928 թվականին տեղադրվել են Մեծ զբոսայգու մուտքի մոտ։ Ֆինանսավորումն իրականացրել է Բենջամին Ֆերգյուսոնի հիմնադրամը[3]։
Աղեղնավորը և նիզակակիրը | |
---|---|
տեսակ | քանդակ |
քանդակագործ | Իվան Մեշտրովիչ |
տարի | 1928 |
ժանր | ձիարձան |
քաղաք | Չիկագո |
հատվածն է | The Bowman? և The Spearman? |
պատկերված են
| |
The Bowman and The Spearman Վիքիպահեստում |
Այս քանդակները Իվան Մեշտրովիչի լավագույն աշխատանքներից են համարվում։ Հատուկ ուշադրության է արժանացել այն հանգամանքը, որ աղեղնավորը քանդակված է առանց նետ ու աղեղի, նիզակակիրը՝ առանց նիզակի[4]։
Քանդակներից յուրաքանչյուրի բարձրությունը տասնյոթ ոտնաչափ է, դրված են տասնութ ոտնաչափ բարձրություն ունեցող գրանիտե պատվանդաններին։ Ըստ նախնական մտահղացման՝ քանդակները պետք է «հսկեին» զբոսայգի տանող մեծ աստիճանաշարը, բայց այդ աստիճանաշարը 1940-ական թվականներին Կոնգրեսի զբոսայգու ճեմուղին ընդարձակելու ժամանակ քանդել են[5]։ Հետազոտությունների արդյունքում 2006 թվականին պարզվել է, որ պատվանդանները նախագծել են Holabird & Roche ընկերության ճարտարապետները, նախագծերն իրականացրել է քանդակագործ Ռենե Փոլ Չեմբերլենը[6]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.