Ահեդ Տամիմի

Ահեդ Տամիմի (արաբ․՝ عهد التميمي‎‎ ‘Ahad at-Tamīmī, հունվարի 31, 2001(2001-01-31)^[1], Nabi Salih, Ramallah and al-Bireh Governorate)^[3], պաղեստինցի ակտիվիստ Պաղեստինի տարածքներում գրավված Արևմտյան ափի Նաբի Սալիհ գյուղից։ Առավել հայտնի է այն լուսանկարներով և տեսանյութերով, որոնցում նա դիմագրավում է իսրայելցի զինվորներին։ Տամիմիի պաշտպանները նրան համարում են Պաղեստինի համար պայքարող ազատամարտիկ՝ աղջկան համեմատելով Մալալա Յուսուֆզայ հետ, իսկ հակառակորդները պնդում են, որ նրա քաղաքական ծնողները նրան սովորեցնում են բռնություն կիրառել^[4]։

Ահեդ Տամիմի արաբ․՝ عهد التميمي‎‎
Ծնվել է	հունվարի 31, 2001(2001-01-31)[1] (23 տարեկան)
Ծննդավայր	Nabi Salih, Ramallah and al-Bireh Governorate
Քաղաքացիություն	Պաղեստին
Մայրենի լեզու	արաբերեն
Կրոն	իսլամ
Մասնագիտություն	ակտիվիստ և իրավապաշտպան
Ծնողներ	հայր՝ Bassem al-Tamimi?[2]
Ahed Tamimi Վիքիպահեստում

2017 թվականի դեկտեմբերին Իսրայելի իշխանությունները Տամիմիին ձերբակալել են զինվորին ապտակելու համար։ Դեպքը նկարահանվել և արագ կերպով տարածվել է՝ գրավելով միջազգային հետաքրքրությունն ու դարձել քննարկումների թեմա։ Տամիմին դատապարտվել է ութ ամսվա ազատազրկման, ապա համաձայնել է հաշտարարագրի գործարքին և ազատ արձակվել 2018 թվականի հուլիսի 29-ին^[5]

Վաղ կյանք

Ահեդ Տամիմին ծնվել է 2001 թվականի հունվարի 31-ին^[3], Հորդանան գետի արևմտյան ափում՝ Ռամալլահից 20 կմ հյուսիս-արևմուտք տեղակայված Նաբի Սալիհ գյուղում^[6][7]։ Տամիմիի հայրը՝ Բասեմ Տամիմին, ծնվել է 1967 թվականին, օկուպացիան սկսելու թվականին։ 2018 թվականի հունվարին Հարիեթ Շերվուդը գրում է, որ Բասեմն ու նրա երեխաները «տեղյակ են միայն անցակետերից, ինքնության փաստաթղթերից, ձերբակալություններից, տների քանդումից, ահաբեկումից, նվաստացումից և բռնությունից։ Սա է նրանց նորմալ կյանքը»^[4]։

Ըստ Բասեմի՝ Տամիմին սպառնալիքների է արժանացել իսրայելական ուժերի կողմից, երբ նրան ճանաչել են։ Նրան ոտնձգությունից պաշտպանելու համար ծնողները տեղափոխել են Ռամալլահ՝ ազգականի տուն, որպեսզի նա միջնակարգ կրթությունը շարունակելու համար ստիպված չլիներ անցնել իսրայելական անցակետերով^[8]։ Բասեմի գնահատմամբ՝ ընտանեկան տունը, որը 2010 թվականին փլուզվել էր քանդման աշխատանքների ժամանակ, 2017 թվականի սեպտեմբերի դրությամբ ենթարկվել էր 150 զինված հարձակման^[8]։

Հասարակական գործունեություն

Տամիմին ներգրավվել է բողոքի ցույցերի և քաղաքական խռովությունների մեջ՝ արտահայտելով իր դիմադրությունն իսրայելական բնակավայրերի ընդարձակմանը և պաղեստինցիների կալանավորման համար^[9]։ Նա պնդում է, որ իսրայելական օկուպացիայի դեմ փաստաթղթավորված, կազմակերպված բողոքները կհանգեցնեն Պաղեստինի ինքնավարության պայքարի ավելի լայն ճանաչմանը. նրա արագ տարածվող լուսանկարներն ու տեսանյութերը հասարակության արձագանքների մեծ ալիք են առաջացրել Իսրայելում և Պաղեստինում, ինչպես նաև միջազգային մակարդակով^[6][10]։

Պաղեստինի նախագահ Մահմուդ Աբբասը 11 տարեկան հասակում Տամիմիին գովել է այն բանի համար, որ նա փորձել է միջամտել մոր ձերբակալությանը 2012 թվականի օգոստոսին^[11]։ Երբ 2012 թվականին իսրայելցի զինվորը ձերբակալեց Տամիմիի մեծ եղբորը, Տամիմիի մասին հիշատակեցին միջազգային լրատվամիջոցները։ Նրա դիմակայության ժամանակ բռունցքով հարվածող կերպարը արագ տարածվեց սոցիալական լրատվամիջոցներում, և նրան Թուրքիայի վարչապետ Ռեջեփ Թայիփ Էրդողանը հրավիրեց ուղևորվելու Թուրքիա^[10]։ Երեք տարի անց նա կրկին ուշադրության արժանացավ, երբ տեսան, թե նա ինչպես է կծում և հարվածում դիմակավորված իսրայելցի զինվորին, որը հեռացնում էր իր կրտսեր եղբորը, քանի որ նա քարեր էր նետում^[9][12]։ 2016 թվականի դեկտեմբերին Միացյալ Նահանգները մերժել է Տամիմիի մուտքի արտոնագիրը "No Child Behind Bars/Living Resistance" ելույթ-ուղևորության համար^[13]։

Վավերագրում

Rise Up International-իc Ջես Ռոբերտսը և AMZ Productions-ից Ջես Լոկը նկարահանել են «Radiance Of Resistance» վավերագրական ֆիլմը, որում նկարահանվել են այդ ժամանակ 14-ամյա Տամիմին և 9-ամյա Ջաննա Ջիհադը^[14][15][16]։ 2017 թվականին այն ցուցադրվեց ամբողջ աշխարհում մի շարք փառատոների, այդ թվում Հյուսիսային Իռլանդիայի Բելֆաստ քաղաքում անցկացվող «Հարգանք մարդու իրավունքներին» կինոփառատոնում, որտեղ այն արժանացավ լավագույն վավերագրական ֆիլմ անվանակարգին։ Սինգապուրի կառավարության ԶԼՄ-ների զարգացման մարմինը (IMDA) արգելել է Radiance of Resistance ֆիլմի հրապարակային ցուցադրությունը իր «խեղաթյուրված պատմության համար», որը կարող է երկրում «աններդաշնակություն» առաջացնել^[16][17]։ Կառավարության արգելքը նկարագրում է որպես գրաքննություն^[18]։

Ծանոթագրություններ

1. Israeli court orders detention of Palestinian teen Ahed Tamimi until end of her assault trial — ABC.
2. Ahed Tamimi, figure familière de la résistance palestinienne
3. Plachta, Ari (2018 թ․ փետրվարի 5). «Hundreds of Young U.S. Jews Send Birthday Wishes to Jailed Palestinian Teen Ahed Tamimi Ahead of Trial». Haaretz. Վերցված է 2018 թ․ փետրվարի 27-ին.
4. Sherwood, Harriet (2018 թ․ հունվարի 2). «Palestinian 16-year-old Ahed Tamimi is the latest child victim of Israel's occupation». The Guardian. Վերցված է 2019 թ․ հունիսի 7-ին.
5. Berger, Yotam (2018 թ․ հուլիսի 29). «Palestinian Teen Ahed Tamimi, Jailed for Assaulting Israeli Soldier, Released». Haaretz. Վերցված է 2018 թ․ հուլիսի 29-ին.
6. Eglash, Ruth (2017 թ․ դեկտեմբերի 19). «Israelis call her 'Shirley Temper.' Palestinians call her a hero». The Washington Post. Արխիվացված օրիգինալից 2017 թ․ դեկտեմբերի 28-ին. Վերցված է 2017 թ․ դեկտեմբերի 27-ին.
7. «Ahed Tamimi's Family Mocks Israel for Launching Secret Probe to Check if They Aren't Actors». Haaretz. 2018 թ․ հունվարի 25. Վերցված է 2018 թ․ հունվարի 25-ին.
8. Ashly, Jaclynn (2017 թ․ սեպտեմբերի 4). «Nabi Saleh: 'It's a silent ethnic cleansing'». Al-Jazeera. Վերցված է 2019 թ․ հունիսի 7-ին.
9. Jabari, Lawahz (2015 թ․ սեպտեմբերի 12). «West Bank Teen Ahed Tamimi Becomes Poster Child for Palestinians». NBC. Արխիվացված օրիգինալից 2017 թ․ դեկտեմբերի 28-ին. Վերցված է 2017 թ․ դեկտեմբերի 30-ին.
10. Serham, Yasmeen (2018 թ․ հունվարի 5). «Who Is Ahed Tamimi». The Atlantic. Վերցված է 2018 թ․ հունվարի 7-ին.
11. «One picture is worth a thousand stigmas». Haaretz. 2012 թ․ օգոստոսի 28. Արխիվացված օրիգինալից 2017 թ․ դեկտեմբերի 28-ին.
12. «This Viral Video Of an Israeli Soldier Trying to Arrest a Palestinian Boy Says a lot». The Washington Post. 2015 թ․ օգոստոսի 31. Արխիվացված օրիգինալից 2017 թ․ դեկտեմբերի 28-ին.
13. «Israel arrests Palestinian girl Ahed Tamimi over viral video of soldier slapping». USA Today (անգլերեն). Վերցված է 2018 թ․ հունվարի 24-ին.
14. Nirmal Narayanan, 'Singapore bans film featuring Palestine-Israel conflict in fear of unrest,' International Business Times 4 January 4, 2018.
15. 'Screening: Radiance of Resistance,' Արխիվացված 2018-02-01 Wayback Machine Khalil Sakakini Cultural Center 26 March 2017
16. Cheng, Kenneth (2018 թ․ հունվարի 2). «Film screening on Palestinian girls living through conflict cancelled due to 'inflammatory' narrative». Today. Singapore. Արխիվացված օրիգինալից 2018 թ․ հունվարի 3-ին. Վերցված է 2018 թ․ հունվարի 3-ին.
17. Ungku, Fathin (2018 թ․ հունվարի 3). «Singapore bans film focused on indicted Palestinian teen activist». Singapore. Reuters. Վերցված է 2018 թ․ հունվարի 3-ին.(չաշխատող հղում)
18. «Singapore bans film featuring Palestinian teen arrested after slapping Israeli soldiers». Middle East Eye (անգլերեն). Վերցված է 2018 թ․ փետրվարի 1-ին.

Վիքիպահեստն ունի նյութեր, որոնք վերաբերում են «Ահեդ Տամիմի» հոդվածին։