![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/da/Acoustic_guitars_in_store_20180625.jpg/640px-Acoustic_guitars_in_store_20180625.jpg&w=640&q=50)
Ակուստիկ կիթառ
From Wikipedia, the free encyclopedia
Ակուստիկ կիթառ, լարային երաժշտական գործիք (մեծ մասամբ 6 լարերով), կիթառի տարատեսակ, որի ձայնն առաջանում է լարերի տատանման արդյունքում, որոնք բարձր են հնչում կիթառի մարմնի ձայնային փոսում առաջացող ռեզոնանսի շնորհիվ։ Ժամանակակից ակուստիկ կիթառները կարող են ունենալ ինտեգրված ձայնահանիչներ; մագնիսական կամ պիէզոէլեկտրական, հավասարիչով և ձայնային կարգավորիչով։
Ակուստիկ կիթառ | |
---|---|
![]() | |
Որակավորում | կիթառ և acoustic musical instrument? |
Հորնբոսթել-Զաքսի հանմակարգ | 321.322-5 |
Ակուստիկ կիթառը համարվում է հեղինակային երգերի, ֆոլկ երաժշտության հիմնական գործիքը, նաև կարևոր տեղ է գրավում գնչուական և ազգային երգերում, ռոքում, բլյուզում և այլ ժանրերում։
«Ակուստիկ» անվանումը մեկնաբանվում է երկու տարբերակով։ Մի դեպքում այն նշանակում է ձայնի բարձրացման միջոց կիթառի մարմնի ձայնային փոսի միջոցով, առանց էլեկտրականության օգտագործման, մյուս դեպքում առանձին կիթառի դաս մետաղական լարերով և դրեդնոուտ, ֆոլկ և ջամբո կիթառի մարմնով։