From Wikipedia, the free encyclopedia
Ալժիրի աստղադիտարան (ֆր.՝ l'Observatoire d'Alger, աստղադիտարանի կոդը` — «008»), աստղադիտարան Ալժիրի Ալժիր քաղաքի Բուզարեհ արվարձանում։ Հիմնադրվել է 1880 թվականին։ Աֆրիկա մայրցամաքի ամենահին աստղադիտարաններից մեկն է։ Աստղադիտարանը ստացել է 8 համարը Մարդսենի ցանկում, որը օգտագործում է ՄԱՄ-ը աստղաչափական դիտարկումների դասակարգման համար:Աստղադիտարանը անվանվում է նաև Աստղագիտության, աստղաչափության և գեոֆիզիկայի հետազոտությունների կենտրոն (ֆր.՝ Centre de Recherche en Astronomie Astrophysique et Géophysique, (CRAAG)):
Ալժիրի աստղադիտարան | |
---|---|
![]() | |
Տեսակ | աստղագիտական աստղադիտարան |
Աստղադիտարանի կոդ | 008 |
Երկիր | ![]() |
Վայր | Ալժիր |
Կայք | craag.dz |
Հարավային միջերկրածովյան տարածքում Ֆրանսիական աստղադիտարանի ստեղծման գաղափարը առաջին անգամ առաջ է քաշվել Ուրբեն Լե Վերյեի կողմից 1856 թվականին, սակայն աստղադիտարանի հիմնադիրն է համարվում Շարլ Տրեպյեն։ 1880 թվականին աստղադիտարանը սկսեց աշխատել, այնտեղ աշխատում էին Տրեպյեն և իր օգնականը։ Այստեղ է աշխատել նաև ֆրանսիացի մեկ այլ աստղագետ՝ Լուի Բոյերը։
1891-ից 1911 թվականները ընկած ժամանակահատվածում, «Երկնքի քարտեզ» (ֆր.՝ Carte du Ciel) աստղաֆիզիկական կատալոգի ստեղծման ծրագրի շրջանակներում աստղադիտարանում կատարվել են 1260 լուսանկարումներ թիթեղների վրա։ Իսկ 1892-ից 1940 թվականները հայտնաբերվել է 12 աստերոիդ։
Ստղադիտարանի գտնվելու վայրի պատվին է անվանվել (859) Բուզարեհ աստերոիդը, որը հայտնաբերվել էր այստեղ, 1916 թվականի հոկտեմբերի 2-ին ֆրանսիացի աստղագետ Ֆրեդերիկ Սիի կողմից[1]։
Ալժիրի աստղադիտարանը կազմված է երեք գիտական բաժիններից՝
Աստղագիտարանում աշխատում են 260 աշխատակից, ներառյալ մի քանի կայաններ, և Տամանրասետ քաղաքում գտնվող հետազոտական կայանը։
Աստղադիտարանի գլխավոր աստղադիտակը ունի 81 սմ տրամագիծ։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.