Շերոն Օսբորն

Շերոն Ռեյչել Օսբորն (անգլ.՝ Sharon Rachel Osbourne, աղջկական ազգանունը՝ Շերոն Ռեյչել Արդեն (անգլ.՝ Sharon Rachel Arden), ի ծնե՝ Լեվի (անգլ.՝ Levy), հոկտեմբերի 9, 1952(1952-10-09)^[1], Բրիքսթոն, Մեծ Լոնդոն, Անգլիա, Միացյալ Թագավորություն)^[3], բրիտանացի հեռուստահաղորդավարուհի, գրող, երաժշտական պրոդյուսեր և ձեռնարկատեր։

Շերոն Օսբորն
Ծնվել է	հոկտեմբերի 9, 1952(1952-10-09)[1] (72 տարեկան)
Ծննդավայր	Բրիքսթոն, Մեծ Լոնդոն, Անգլիա, Միացյալ Թագավորություն
Քաղաքացիություն	Միացյալ Թագավորություն և  ԱՄՆ
Մասնագիտություն	դերասանուհի, գրող, ինքնակենսագիր, հեռուստահաղորդավարուհի, գործ տվող արվեստի ասպարեզում, երգչուհի, կինոդերասանուհի և երաժշտական մենեջեր
Ամուսին	Օզզի Օսբորն
Ծնողներ	հայր՝ Don Arden?, մայր՝ Hope Shaw?[2]
Երեխաներ	Քելլի Օսբորն, Ջեք Օսբորն և Aimee Osbourne?
Կայք	sharonosbourne.com
Sharon Osbourne Վիքիպահեստում

Բրիտանացի հայտնի ռոք երաժիշտ Օզզի Օսբորնի կինը։

Հայտնիություն ձեռք է բերել MTV հեռուստաալիքով «Օսբորնների ընտանիքը» ռեալիթի շոուի ցուցադրումից հետո, որը պատմում էր Օզզի Օսբորնի տնային կյանքի և նրա ընտանիքի մասին։

Կենսագրություն

Վաղ տարիներ

Շերոն Օսբորնը (ի ծնե Լեվի) ծնվել է Բրիկսթոնում, Դևոն^[3] երաժշտական պրոդյուսեր Դոն Արդենի (իսկական անունը՝ Հարրի Լեվի, 1926—2007)՝ հրեական ծագումով^[4][5][6], և նրա կնոջ՝ իռլանդացի կաթոլիկ Հոուպ Շոուի՝ նախկին բալետի պարուհու ընտանիքում^[7]։ Նրա հայրական կողմի տատիկը և պապիկը՝ Լազարուս Լեվին և Սառա Բլեքը արտագաղթել են Մեծ Բրիտանիա Ռուսաստանից՝ Առաջին համաշխարհային պատերազմի ժամանակ^[8][9]։

Կարիերա

Օսբորնների ընտանիք

Շերոնը հայտնի է դարձել MTV հեռուստաալիքով «Օսբորնների ընտանիքը» ռեալիթի շոուի ցուցադրումից հետո, որը պատմում էր ընտանիքի կյանքի և նրանց տան մասին։ Շոուի ցուցադրումը սկսվել է 2002 թվականի մարտին։ Շոուի վերջին էպիզոդը ցուցադրվել է ԱՄՆ-ում 2005 թվականի մարտի 21-ին։ Շոուն ունեցել է բարձր վարկանիշ ԱՄՆ-ում և Միացյալ Թագավորությունում^[10]։

Շերոն Օսբորնի շոուն

2003 թվականին Շերոնը ստեղծել է սեփական «Շերոն Օսբորնի շոուն» հաղորդումը, որը ցուցադրվել է ԱՄՆ-ի մի քանի հեռուստաալիքներով, ինչպես նաև բրիտանական «Sky One» հեռուստաալիքով։ Միայն թե շոուի վարկանիշը բարձր չի եղել^[11], և Օսբորնը քննադատության է արժանացել, քանի որ չի կարողացել կատարել հիմնական հանձնարարությունները, որոնք պետք էին շոուին։ Շոուն փակվել է 2004 թվականի սկզբին մեկ սեզոնի ցուցադրումից հետո^[12]։

Ինքնակենսագրություններ

2005 թվականին Օսբորնը հրապարակել է ինքնակենսագրական գիրք, որի համահեղինակն է դարձել Պենելոպա Դենինգը։ Գիրքը կոչվել է «Էքստրիմ, կամ Իմ ինքնակենսագրությունը», և նրանում պատմվում էր նրա մանկության դժվարությունների, թռիչքների և անկումների, անձնական կյանքի մասին։ Գիրքը դարձել է համաշխարհային բեստսելեր, և 15 շաբաթվա ընթացքում վաճառվել է ավելի քան 621 000 օրինակ։

Անձնական կյանք

Ընտանիք

Շերոնը իր ապագա ամուսնուն Օզզիին հանդիպել է 18 տարեկանում, ով աշխատում էր նրա հոր Դոն Արդենի մոտ, ով այդ ժամանակ եղել է «Black Sabbath» խմբի մենեջերը։ Երբ Օզզին 1979 թվականին հեռացվել է խմբից, Շերոնը սկսել է հանդիպել նրա հետ և նրա երաժշտական կարիերան վերցրել է իր ձեռքերում^[13]։ Երեք տարի անց՝ 1982 թվականի հուլիսի 4-ին Օզզին և Շերոնը ամուսնացել են Մաուիում, Հավայի։

Զույգը ունի երեք երեխա՝ Էմի (ծնվել է՝ 1983), Քելլի (ծնվել է՝ 1984) և Ջեքը (ծնվել է՝ 1985):

Առողջություն

1999 թվականին Շերոնը կատարել է ստամոքսի շրջանցման վիրահատություն, որի արդյունքում նա 104 կիլոգրամից նիհարել է մինչև 47 կիլոգրամ^[14]։

2002 թվականի հուլիսին Օսբորնի մոտ ախտորոշել են հաստ աղիքի քաղցկեղ^[15]։ Ավելի ուշ նա խոստովանել է, որ ուռուցքը տարածվել է նրա ավշահանգույցի վրա և մեծ վնաս է իրենից ներկայացնում, ինչպես նախապես ենթադրվում էր^[16]։ Միայն թե նա պնդել է, որպեսզի «Օսբորնների ընտանիքը» շոուի նկարահանումները շարունակվեն։ Նրան հաջողվեց հաղթահարել քաղցկեղը, չնայած նրան, որ նրա ապրելու հավանականությունը եղել է 40%։

Շուտով Օզզի Օսբորնը խոստովանել է, որ Շերոնի առողջության պատճառով նրանց որդին՝ Ջեքը փորձել է ինքնասպան լինել^[17]։

2012 թվականի նոյեմբերին Շերոն Օսբորնը կատարել է կրծքի հեռացման վիրահատություն (բժիշկները հեռացրել են երկու կրծքերը)՝ քաղցկեղով տառապելու մեծ վտանգի պատճառով^[18]։

Մրցանակաբաշխություններ և անվանակարգեր

^[19]

Թվական	Մրցանակաբաշխություն	Անվանակարգ	Հեռուստաշոու/ծրագիր	Արդյունք
2002	Էմմի	Հաջողված ոչ գեղարվեստական ռեալիթի ծրագիր	Օսբորնների ընտանիքը	Հաղթանակ
2003	Էմմի	Հաջողված ոչ գեղարվեստական ալտե ծրագիր	Օսբորնների ընտանիքը	Առաջադրված
2005	National Television Awards	Առավել տարածված TV-փորձագետ	Х ֆակտոր	Հաղթանակ

Ծանոթագրություններ

1. Discogs — 2000.
2. Pas L. v. Genealogics — 2003.
3. «Sharon Osbourne». The Biography Channel. Արխիվացված է օրիգինալից 2012 թ․ սեպտեմբերի 24-ին. Վերցված է 2012 թ․ օգոստոսի 18-ին.
4. «Sharon Osbourne Bans Brother From Father's Grave». jewishbreakingnews.blogspot.com. Արխիվացված օրիգինալից 2008 թ․ մայիսի 11-ին. Վերցված է 2007 թ․ հոկտեմբերի 15-ին.
5. «Don Arden». The Guardian. 2007 թ․ հուլիսի 25. Արխիվացված օրիգինալից 2012 թ․ սեպտեմբերի 24-ին. Վերցված է 2012 թ․ օգոստոսի 18-ին.
6. Sharon Osbourne slams 'weak' brother David
7. Brockes, Emma (9 декабря 2006). , 1966412, 00.html «Out of the darkness». The Guardian. London. Վերցված է 2007 թ․ օգոստոսի 13-ին. {{cite news}}: Check |url= value (օգնություն)
8. Sharon Osbourne «Sharon Osbourne Extreme: My Autobiography»: «My father's family were Russian Jews who had arrived in Manchester around the time of the First World War».
9. Некролог Дона Ардена в Daily Mail
10. «Ozzy returns for second series». BBC News. 29 мая 2002. Վերցված է 2007 թ․ օգոստոսի 16-ին.
11. 26334, 627474, 00.html «'Sharon Osbourne Show' Faces the Ax». people.com. Արխիվացված օրիգինալից 2012 թ․ սեպտեմբերի 24-ին. Վերցված է 2007 թ․ հունիսի 17-ին. {{cite web}}: Check |url= value (օգնություն)
12. «British humour ended Osbourne's show». digitalspy.co.uk. Արխիվացված օրիգինալից 2012 թ․ սեպտեմբերի 24-ին. Վերցված է 2007 թ․ օգոստոսի 13-ին.
13. Д. Бочаров. Волшебник из страны Oz // Культура : Газета. —М., 2013. — № 43. — С. 10.
14. , 20060887, 00.html Goodbye to the Band(չաշխատող հղում)
15. «Sharon Osbourne has cancer surgery». BBC News. 3 июля 2002. Վերցված է 2007 թ․ փետրվարի 20-ին.
16. «New cancer fear for Osbourne». BBC News. 19 июля 2002. Վերցված է 2007 թ․ փետրվարի 20-ին.
17. «Sharon Osbourne 'left Ozzy'». BBC News. 11 сентября 2003. Վերցված է 2007 թ․ օգոստոսի 15-ին.
18. Шэрон Осборн перенесла операцию
19. «Awards for Sharon Osbourne». IMDb.com. Արխիվացված օրիգինալից 2012 թ․ սեպտեմբերի 24-ին. Վերցված է 2012 թ․ օգոստոսի 18-ին.

Արտաքին հղումներ =

• Պաշտոնական կայք էջը
• Շերոն Օսբորն Internet Movie Database կայքում

Վիքիպահեստն ունի նյութեր, որոնք վերաբերում են «Շերոն Օսբորն» հոդվածին։