Նեթիլլինգ
From Wikipedia, the free encyclopedia
From Wikipedia, the free encyclopedia
Նեթիլլինգ[3][4] (անգլ.՝ Nettilling Lake), լիճ Կանադայի հյուսիս-արևելքում, գտնվում է Բաֆինի Երկիր[5] կղզու հարավային մասում, որը Նունավութի տարածքի Կիկիկտանի շրջանի մաս է կազմում[6]։ Կանադայի ամենամեծ լճերից մեկը՝ 5050 կմ² ջրային մակերեսով, ընդհանուր մակերեսը` 5542 կմ²[7], Նունավութի և Կանադական Արկտիկական կղզեխմբի տարածքի ամենամեծ լիճն է, մեծությամբ տասներորդ լիճը Կանադայում և տասնմեկերորդը՝ ջրավազանների շարքում։ Այն նաև հանրահայտ է նրանով, որ կղզային ամենամեծ լիճն է աշխարհում[8]։
Նեթիլլինգ | |
---|---|
Տեսակ | լիճ |
Երկիր | Կանադա[1] |
Վարչատարածք | Քիկիքտալուկ շրջան[1][2] և Նունավութ |
Երկարություն | 123 կմ |
ԲԾՄ | 30 մետր |
Խորություն | 132 մետր |
Մակերես | 5051 կմ² |
Աշխարհագրական տեղադրություն | Բաֆինի երկիր[2][1] |
Ավազանի երկիր | Կանադա[1] |
Լճից հոսող գետ | Կուկջուակ գետ[1][2] |
Լիճը գտնվում է ծովի մակարդակից 30 մետր բարձրության վրա՝ Աույուիտտուք ազգային պարկից մոտ 110 կմ հարավ-արևմուտք։ Սնվում է հարավում գտնվող Ամադջուակ լճից, ինչպես նաև բազմաթիվ փոքր լճերից և գետերից։
Լճի արևելյան մասը բաղկացած է երեք ծովածոցերից՝ Միրաժ, Կամսել և Բուրվոշ, ծանծաղ է և ունի բազմաթիվ կղզիներ, արևմտյան մասը շատ ավելի խորն է և առանց կղզիների։
Բացառությամբ հարավ-արևմտյան ափի, մյուս ափերը և լճի կղզիները պատկանում են Պանգնիրտանգի ինուիտական երկրին[9]։ Լիճը Կուկջուակ գետով շատ ծանծաղ հոսք ունի արևմուտքում դեպի Ֆոքսի Ավազան ծոց։ Տարվա մեծ մասը լիճը ծածկված է սառույցով, և այնտեղ կարող են գոյատևել ձկների միայն երեք տեսակ՝ Արկտիկական քարը և փշաձկան երկու տեսակներ։ Նեթիլինգի լճերի և Ամադջուակի միջև ընկած տարածքը կարիբու եղջերուի բնակավայրերից մեկն է։
Առաջին եվրոպացին, որը 1883 թվականին այցելել է լճի ափերը, Ֆրանց Բոասն է։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.