Մեծ Բրիտանիայի Թագավորական բալետ
From Wikipedia, the free encyclopedia
From Wikipedia, the free encyclopedia
Մեծ Բրիտանիայի Թագավորական բալետ, բրիտանական բալետի թատերախումբ է, որը գործում է Լոնդոնի Քովենթ գարդեն թագավորական թատրոնում։ Այն իր մեջ ներառում է նաև Լոնդոնի Թագավորական բալետի դպրոցը, որը բալետի արտիստներ է պատրաստում։ Տարբեր ժամանակահատվածներում թատերախումբը ստեղծել է նաև մի քանի տարբեր մասնաճյուղեր։
| Մեծ Բրիտանիայի Թագավորական բալետ | |
|---|---|
 | |
| Տեսակ | բալետի ընկերություն |
| Երկիր | .svg){kind=small} Միացյալ Թագավորություն |
| Հիմնադրված | 1931 |
| Գլխադասային գրասենյակ | Լոնդոն, Միացյալ Թագավորություն |
| Հիմնադիր | Նինդետ դը Իդրիս Վալուա |
| Պարգևներ | |
| Կայք | roh.org.uk/about/the-royal-ballet(անգլ.) |
Հիմնադրվել է Նինետ դը Վալուայի բալետի դպրոցի հիման վրա, որը ստեղծվել է 1926 թվականին։ Ստեղծման պաշտոնական ամսաթիվը 1931 թվականի մայիսի 5-ն է` առաջին ներկայացման ամսաթիվը։ Թատերախումբը սկզբում գործել է «Vic-Wells Ballet» Սենդլերի թատրոնում՝ Լիլիան Բեյլիի գլխավորությամբ։ Առաջին ներկայացումներից էին «Թեթևսոլիկի արկածները» (1935) և «Շախմատ» (1937) բալետները։ Բացի այդ ծրագրում ներառված էին նաև Սերգեյ Դյագիլևի և Մարիինյան թատրոնի բեմադրությունները։ Բալետային թատերախմբի առաջին աստղերից էին Ալիսիա Մարկովան (պրիմա-պարուհի էր մինչև 1935 թվականը) և Մարգո Ֆոնտեյնը։
Թատերախումբը Սենդլերի թատրոնում մնաց մինչև 1939 թվականը։ Երկրորդ համաշխարհային պատերազմի տարիներին նա տեղակայվել է տարբեր թատրոններում, իսկ 1946 թվականի փետրվարին տեղափոխվել է Քովենթ գարդեն թագավորական թատրոն, ինչի պատվին ներկայացրել է Պյոտր Չայկովսկոււ «Քնած գեղեցկուհի» բալետը։ Բալետը առաջին անգամ ներկայացվել էր 1937 թվականին, սակայն նոր՝ լրացված տարբերակն էր, որ համաշխարհային ճանաչում բերեց նրան։ 1956 թվականին՝ 25-ամյակի կապակցությամբ թատերախումբը ստացավ իր ժամանակակից անվանումը[1]։ Թագավորական բալետը մինչև 1963 թվականը ղեկավարել է Նինետ դը Վալուան, ապա մինչև 1970 թվականը թատերախմբի ղեկավարն էր Ֆրեդերիկ Էշթոնը։ Նա և իր իրավահաջորդները էապես համալրեցին նրա խաղացանկը։ Թագավորական բալետի կատարողական ոճի գլխավոր առանձնահատկություններն են հանդիսանում զսպվածությունը, քնարերգությունը և դերասանական խաղը, իսկ խաղացանկում գերակշռում են բազմաակտ ներկայացումները։
Թագավորական բալետը ունի պարողների վեց աստիճան.
«Թագավորական բալետը» ունի նաև «հրավիրյալ արտիստ» և «հրավիրյալ առաջատար մենապարող» հատուկ կոչումները։ Հրավիրյալ արտիստ կոչումը շնորհվում է այն պարողին, ով դեր է խաղացել հատուկ բալետի կամ սահմանափակ սեզոնի համար։ Հրավիրյալ առաջատար մենապարող կոչումը տրվում է այն առաջատար պարողներին, ովքեր թատերախմբի հետ ելույթ են ունենում ավելի երկարաժամկետ հիմունքներով։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
