From Wikipedia, the free encyclopedia
Իհարա Սայկակու (ճապ.՝ 井原西鶴, կանա いはら さいかく,1642[1][2][3][…], Nakatsu, Hidaka district, Վակայամա, Ճապոնիա - սեպտեմբերի 9, 1693[4], Yariyamachi, Chūō-ku, Օսակա, Ճապոնիա), ճապոնացի գրող (արձակագիր, պոետ, դրամատուրգ)։
Իհարա Սայկակու ճապ.՝ 井原西鶴 | |
---|---|
Ծնվել է | 1642[1][2][3][…] |
Ծննդավայր | Nakatsu, Hidaka district, Վակայամա, Ճապոնիա |
Մահացել է | սեպտեմբերի 9, 1693[4] |
Մահվան վայր | Yariyamachi, Chūō-ku, Օսակա, Ճապոնիա |
Քաղաքացիություն | Ճապոնիա |
Մայրենի լեզու | ճապոներեն |
Երկեր | The Life of an Amorous Man?, Five Women Who Loved Love?, The Life of an Amorous Woman?, The Great Mirror of Male Love?, Transmission of the Martial Arts?, The Eternal Storehouse of Japan?, Reckonings that Carry Men Through the World? և ukiyozōshi? |
Մասնագիտություն | բանաստեղծ, վիպասան և դրամատուրգ |
Ihara Saikaku Վիքիպահեստում |
Իհարա Սայկակուն ծնվել է առևտրականի ընտանիքում։ Ճանապարհորդել է Ճապոնիայում։ Եղել է Դանրինի պոեզիայի դպրոցի հիմնադիր Նիսիյամի Սոինայի աշակերտը։ Ճամփորդությունների ընթացքում հավաքված պատմությունների հիման վրա ստեղծել է «Պատմություններ բոլոր գավառներից» (1685) և «Ճանապարհային թանաքաման» (1687) ժողովածուները։
1682 թվականին գրել է իր առաջին «Սիրուն տրված տղամարդը» վերնագրով վեպը (կամ «Տղամարդ, որն անհամեմատելի է սիրո կրքի մեջ»)։ Սրան հետևել են «Սիրուն տրված հինգ կանայք» (1686) և «Սիրո շրջապտույտներ» (1688) նովելների ժողովածուները։ «Մարտարվեստի փոխանցման գրառումներ» (1687) և «Հեքիաթ սամուրայների պարտքի մասին» (1688) ժողովածուներում գլխավոր հերոսները սամուրայներն են։ «Ճապոնիայի հավերժ գանձարան» (1688) և «Նվիրական մտքերն այն մասին, թե ինչպես լավ ապրել այս աշխարհում» (1692) ժողովածուների գլխավոր հերոսները քաղաքացիներն էին։ Սայկակուի մահից հետո լույս են տեսել «Սայկակուի հյուսած վերջին նախշը» (1694) և «Հին գրերի կույտ» (1696) ժողովածուները։
Իհարա Սայկակուն դարձել է արձակի նոր ուղղության հիմնադիրը` ուկիյոձոսի (浮世草子, «Գրքեր փոփոխական/ ներկայիս աշխարհի մասին»)։ Այս ուղղության հիմնական գաղափարներն են՝ անվստահելիության գիտակցումը, աշխարհի անցավոր ու փոփոխական լինելը, դրանում հուսալի և հավերժական ինչ-որ բանի բացակայությունը։
Մերկուրի մոլորակի մեկ խառնարան անվանվել է Սայկակուի պատվին։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.