Ժան Բեններ

Ժան Բեններ (կրտսեր)^[6][7] (ֆր.՝ Jean Benner, մարտի 28, 1836(1836-03-28)^{[1][2][3][…]}, Մյուլուզ - հոկտեմբերի 28, 1906(1906-10-28)^[4][5], Փարիզ, Ֆրանսիա), ֆրանսիացի ժանրային նկարիչ և դիմանկարիչ, ակադեմիստ, Գեղեցիկ արվեստների ազգային միության (ֆր.՝ Salon de la Société Nationale) անդամ^[7]։

Ժան Բեններ ֆր.՝ Jean Benner
Ծնվել է	մարտի 28, 1836(1836-03-28)[1][2][3][…]
Ծննդավայր	Մյուլուզ
Վախճանվել է	հոկտեմբերի 28, 1906(1906-10-28)[4][5] (70 տարեկան)
Մահվան վայր	Փարիզ, Ֆրանսիա
Քաղաքացիություն	Ֆրանսիա և  Շվեյցարիա
Կրթություն	Փարիզի Գեղեցիկ արվեստների ազգային բարձրագույն դպրոց
Մասնագիտություն	նկարիչ և դիզայներ
Ժանր	ժանրային նկարչություն
Ուշագրավ աշխատանքներ	Jeune Fille de Capri? և Salomé?
Պարգևներ
Հայր	Jean Benner-Fries?
Զավակներ	Emmanuel Michel Benner?
Jean Benner Վիքիպահեստում

Կենսագրություն

«Սալոմե» (1899), կտավ, յուղաներկ, Գեղեցիկ արվեստների թանգարան, Նանտ, Ֆրանսիա

Ժանն ու իր երկվորյակ եղբայր Էմանուիլը ծնվել են 1836 թվականի մարտի 28-ին Ֆրանսիայի հյուսիս-արևելքում՝ Էլզասի Վերին Ռեյն դեպարտամենտի Մյուլուզ քաղաքում, հնատոհմ^{[Նշ. 1]} բեմանկարիչ, կտորեղենի նկարիչ Ժան Բեններ-Ֆրիզի (ավագ, 1796-1849) ընտանիքում, ով ուներ շվեյցարական ծագում^[8][9]։

Նախնական կրթությունն ստանալով հոր ստուդիայում աշխատելու ընթացքում՝ Ժան Բենները տեղափոխվել է Փարիզ ու ընդունվել Գեղեցիկ արվեստների ազգային բարձրագույն դպրոց, որտեղ սովորել է Իզիդոր Պիլսի^[10], Լեոն Բոնի ու Էռնեստ Հեբերտի ղեկավարությամբ^[8]։

Նկարչի ստեղծագործության վրա նշանակալի ազդեցություն է ունեցել Ժան Ժակ Էնները, ում Բենները համարել է ֆրանսիական գեղանկարչության մեջ էլզասյան դպրոցի հիմնադիրը^[11], որ առանձնացել է սոցիալական ու քաղաքական ուղղվածությամբ Ֆրանս-պրուսական պատերազմում Ֆրանսիայի պարտությունից հետո, որի ընթացքում Ֆրանսիան կորցրել է Էլզասն ու Լոթարինգիայի մեծ մասը։ Ժան Ժակ Էնների մահից հետո Ժան Բենները հրատարակել է իր հիշողությունները նրա մասին^[12]։

Գեղարվեստի ակադեմիայի Փարիզյան սալոնին Ժան Բեններն առաջին անգամ մասնակցել է 1859 թվականին։ «Փոթորկից հետո Կապրիում» նկարի համար, որ ցուցադրվել է Փարիզյան սալոնում 1872 թվականին, Ժան Բեններն արժանացել է ակադեմիայի երկրորդ դասի մեդալով։ 1879 թվականից մասնակցել է Սալոնին մրցույթից դուրս։ Արժանացել է երկու բրոնզե մեդալների 1889 և 1900 թվականներին Փարիզում անցկացված Համաշխարհային ցուցահանդեսներում։

1894 թվականին Ժան Բենները դարձել է Պատվե լեգեոնի շքանշանի ասպետ և ընտրվել Գեղարվեստի ազգային միության անդամ^[7]։

Ժան Բենները մահացել է 1906 թվականի հոկտեմբերի 28-ին^[13]։ Թաղված է Փարիզի Պեր Լաշեզ գերեզմանատանը՝ եղբոր կողքին^[14]։

Ժան Բենների աշխատանքների մեծ մասը գտնվում է Բելֆորում Ժամանակակից արվեստի թանգարանում, ինչպես նաև նրա հայրենի Մյուլուզ քաղաքում՝ Գեղարվեստի թանգարանում։

Պատկերասրահ

• 
  «Ծաղիկներ» (1860-ական թվականներ), կտավ, յուղաներկ, մասնավոր հավաքածու.
• 
  «Ֆրանսիա ընդմիշտ» (1871), կտավ, յուղաներկԳեղարվեստի թանգարան, Մյուլուզ
• 
  Ժան Ժակ Էնների դիմանկարը (1890-ական թվականներ), կտավ, յուղաներկ, Ժան Ժակ Էնների ազգային թանգարան, Փարիզ
• 
  «Էքստազ» (1896), կտավ, յուղաներկԺամանակակից արվեստի թանգարան, Ստրասբուրգ
• 
  «Աղջիկ: Կապրի» (1906), կտավ, յուղաներկ, Գեղարվեստի թանգարան, Նանտ

Նշումներ

1. Ժան Բենների պապը՝ նկարիչ ու բեմանկարիչ Էմանուիլ Ֆրիզը (Էմանուիլ Բեններ I): Ժան Բենների որդին է ֆրանսիացի գեղանկարիչ Էմանուիլ Միշել Բենները (Մանի Բեններ, 1873-1965)։

Ծանոթագրություններ

1. Bibliothèque nationale de France data.bnf.fr (ֆր.): տվյալների բաց շտեմարան — 2011.
2. Jean (1836-1909) Benner (նիդերլ.)
3. Jean Benner (ֆր.) — ministère de la Culture.
4. Bischoff G., Foessel G., Baechler C. Nouveau dictionnaire de biographie alsacienne (ֆր.) / Fédération des sociétés d'histoire et d'archéologie d'Alsace — 1982. — 4434 p.
5. Bibliothèque nationale de France data.bnf.fr (ֆր.): տվյալների բաց շտեմարան — 2011.
6. «Jean Benner the Younger». Union List of Artist Names (անգլերեն). Getty Research Institute. Արխիվացված օրիգինալից 2013 թ․ հունվարի 18-ին. Վերցված է 2012 թ․ դեկտեմբերի 11-ին.
7. Ulrich Thieme, Felix Becker, Frederick Charles Willis, Hans Vollmer Allgemeines Lexikon der bildenden Künstler von der Antike bis zur Gegenwart / Thieme, Ulrich and Felix Becker, editors.. — Leipzig: W. Engelmann, 1909. — Т. 3 Bassano - Bickham. — С. 332. — 600 с.
8. «Musée des Beaux-Arts - Collections Alsaciennes» (PDF) (ֆրանսերեն). Musées Mulhouse Sud Alsace. Արխիվացված է օրիգինալից (PDF) 2013 թ․ հունվարի 18-ին. Վերցված է 2012 թ․ դեկտեմբերի 11-ին.
9. «Jean Benner the Elder». Union List of Artist Names (անգլերեն). Getty Research Institute. Վերցված է 2012 թ․ դեկտեմբերի 16-ին.
10. «Jean Benner (1836 - 1909)» (անգլերեն). Rehs Galleries, Inc. New York. 2012. Արխիվացված օրիգինալից 2013 թ․ հունվարի 18-ին. Վերցված է 2012 թ․ դեկտեմբերի 11-ին.
11. Ant. Meyer Բեններ Էմանուիլ և Ժան // Biographies alsaciennes avec portraits en photographie. — հինգերրոդ. — Colmar: Ant. Meyer, 1888. — С. 148. — 258 с. — (Էլզաս (Ֆրանսիա) - Կենսագրություններ).
12. Բեններ Ժան En mémoire de J.-J. Henner : notes intimes. — Paris: A. Lemerre, 1906. — 16 с.
13. Charles Spindler Մահախոսական // Revue alsacienne illustrée: Illustrirte elsässische rundschau. — Strasbourg: Académie française, 1907. — Т. 9. — С. 2. — 88 с.
14. «BENNER Emmanuel (1836-1896) BENNER Jean (1836-1906)» (ֆրանսերեն). Association des Amis et Passionnés du Père-Lachaise. Արխիվացված օրիգինալից 2013 թ․ հունվարի 18-ին. Վերցված է 2012 թ․ դեկտեմբերի 14-ին.

Գրականություն

• Ant. Meyer Բեններներ Էմանուիլ և Ժան // Biographies alsaciennes avec portraits en photographie. — հինգերորդ. — Colmar: Ant. Meyer, 1888. — С. 148. — 258 с. — (Էլզաս (Ֆրանսիա) - Կենսագրություններ).
• Robert Rosenblum, Mary Anne Stevens, Ann Dumas 1900 : Art at the crossroads : Londres, Royal Academy of Art. — New York: Harry N. Abrams, jan.-sept 2000. — С. 104. — 436 с. — ISBN 0-900-94682-2
• Blandine Chavanne; Philippe Renaud; Laurent Houssais Inquiétantes étrangetés : [exposition, Musée des beaux-arts de Nantes, Chapelle de l'Oratoire, 4 novembre 2011-15 janvier 2012]. — Versailles (France): Artlys, 2011. — С. 37. — 79 с. — ISBN 978-2-85495-474-6

Վիքիպահեստն ունի նյութեր, որոնք վերաբերում են «Ժան Բեններ» հոդվածին։