Դեյր-էլ-Զորի մարզ

Դեյր-էլ-Զոր, (արաբ․՝ مُحافظة دير الزور‎‎), մարզի կարգավիճակ ունեցող վարչական միավոր Սիրիայի Արաբական Հանրապետության արևելքում։ Ունի 33 060 կմ² տարածք և 1 239 000 բնակչություն (2011 թ.)^[1]։ Հյուսիս-արևելքից սահմանակից է Ալ-Հասաքայի, հյուսիս-արևմուտքում Ալ-Ռակկայի, հարավ-արևմուտքում Հոմսի մարզերին, արևելքում և հարավ-արևելքում Իրաքին։ Հյուսիս-արևմուտքից մինչև հարավ-արևելք մարզի տարածքով հոսում է Եփրատը՝ Սիրիայի ամենախոշոր ջրային աղբյուրը։

Դեյր-էլ-Զորի մարզ արաբ․՝ مُحافظة دير الزور‎‎
Երկիր	Սիրիա
Կարգավիճակ	մարզ
Մտնում է	Սիրիա
Ներառում է	3 գավառ
Վարչկենտրոն	Դեյր-էլ-Զոր
Խոշորագույն քաղաք	Աբու Քամալ, Մայադին
Հիմնական լեզու	արաբերեն
Բնակչություն (2011)	1 239 000 (8 տեղ)
Խտություն	37,48 ( 14 տեղ)
Տարածք	33 060  (2 տեղ)
Սահմանակցում է	Հոմսի մարզ
Ժամային գոտի	UTC+2, ամռանը UTC+3
ISO 3166-2 կոդ	SY-DY
Դեյր-էլ-Զորի մարզ Վիքիպահեստում

Վարչական կենտրոնն է Դեյր-էլ-Զոր քաղաքը։ 2010 թվականին այն հռչակվել է Արմավիրի քույր քաղաք^[2]։ 2004 թվականի մարդահամարի տվյալներով գավառը ունի 492 434 բնակչություն^[3]։ Հիմնական զբաղմունքը անասնապահությունն է՝ ուղտաբուծություն, խոշոր և մանր եղջերավոր անասուններ։ Մերձավոր Արևելքի ամենաերկար գետի՝ Եփրատի ափին գտնվելու շնորհիվ բնակչությունը կարողանում է զբաղվել ոռոգովի երկրագործությամբ։

Վարչական բաժանում

Դեյր-էլ-Զորի մարզը բաժանվում է 3 գավառների՝

• Աբու Քամալի (արաբ․՝ منطقة أبو كمال‎‎), կենտրոն՝ Աբու Քամալ, բնակչություն՝ 265 142 մարդ, 4 շրջան
• Ալ-Մայադինի (արաբ․՝ منطقة الميادين‎‎), կենտրոն՝ ալ-Մայադին, բնակչություն՝ 247 171 մարդ, 3 շրջան
• Դեյր-էլ-Զորի (արաբ․՝ منطقة دير الزور‎‎), կենտրոն՝ Դեյր-էլ-Զոր, բնակչություն՝ 492 434 մարդ, 7 շրջան

Պատկերասրահ

Եփրատ գետ	Դեյր-էլ-Զորի կամուրջ	Մարի (ավերակ)	Դուրա-Եվրոպոս

Ծանոթագրություններ

1. «City Population: Syria». Վերցված է 2011 թ․ օգոստոսի 19-ին.
2. Al-Baath news (in Arabic) Արխիվացված 2011-09-03 Wayback Machine
3. «2004 official census» (PDF). Արխիվացված է օրիգինալից (PDF) 2013 թ․ մարտի 10-ին. Վերցված է 2015 թ․ փետրվարի 18-ին.