Ֆորե (Բելգիա)

Ֆորե (ֆրանսերեն Forest; հոլ.՝ Vorst [vɔrst] ( ) ), Բելգիայի մայրաքաղաք Բրյուսելի 19 համայնքերից մեկն է։ Այն սահմանակից է Անդերլեխտին, Իքսելին, Ուկլին, Սեն-Ժիլին և Դրոգենբոսին ։

Համայնք
Ֆորե
ֆր.՝ Forest, հոլ.՝ Vorst
Դրոշ Զինանշան
Երկիր	Բելգիա
Տարածաշրջան	Բրյուսելի մայրաքաղաքային տարածաշրջան
Համայնք	Բրյուսել-մայրաքաղաք
Բուրգոմիստր	Ստեֆան Ռոբերտի
Մակերես	6,25 կմ²
ԲԾՄ	38 մետր
Պաշտոնական լեզու	ֆրանսերեն և հոլանդերեն
Բնակչություն	56 008 մարդ (2018)
Ժամային գոտի	UTC+1
Հեռախոսային կոդ	02
Փոստային դասիչ	1190[1]
Պաշտոնական կայք	forest.irisnet.be
Ֆորե (Բելգիա) (Բելգիա)
Ֆորե Վիքիպահեստում

Համայնքը հայտնի է իր համերգասրահով ՝ Forest National / Vorst Nationaal : Համայնքում է տեղակայված նաև « Աուդի» ընկերության գործարաններից մեկը ինչպես նաև երկաթուղային մեծ պահեստ։

Պատմություն

Ֆրանկյան ծագում և միջնադարյան ժամանակաշրջան

Առաջին շինությունները կառուցվել են 7-րդ դարում, Սեն գետի վտակներից մեկի, Գելեյսբեկի ափին գտնվող անտառածածկ տարածքում։ Բնակավայրի առաջին եկեղեցին նվիրված է եղել Սուրբ Դիոնիսոս Արեոպագիտին ։

Աֆլիգեմի աբբաները ովքեր1105-ից կառավարում էին բնակավայրը հիմնում են Ֆորեի մենաստան աբբայությունը։ Ֆորեի առաջին աբբայապետը նշանակվում է 1239 թվականին։ 13-րդ դարում, Սուրբ Դենիսի հռոմեական ոճով կառուցված եկեղեցին վերակառուցվում է գոթական ոճով^[2]։

17-րդ դար մինչև այսօր

1764-ի մարտի 26-ին, հրդեհի հետևանքով ավերվում է բնակավայրի շենքերի մի մասը, ինչպես նաև մի շարք արվեստի գործեր։ Երեք տասնամյակ անց ՝ Ֆրանսիական հեղափոխությանը հաջորդած տարիներին, կրոնական համայնքը ցրվում է, միանձնուհիները ստիպված փախչում են, աբբայությանը պատկանող շինություններն էլ վաճառվում են։ Ֆորեի քաղաքապետարանը գնում է աբբայությունը 1964-ին և վերականգնողական աշխատանքներ իրականացնում։

Տեսարժան վայրեր

• Սեն Դենիսի եկեղեցին և հարակից Սուրբ Ալենա մատուռը հռոմեական քանդակագործության եզակի նմուշներ։ Մոտակայքում գտնվող Բենեդիկտինի աբբայության շենքն այժմ մշակութային կենտրոնի է վերածված^[3]։
• 1925-ին կառուցված և 1938-ին հիմնադրված Արթ Դեկո քաղաքապետարանի շենքը գտնվում է հին պատմական կենտրոնի հարևանությամբ^[4]։
• Սբ. Օգոստինի եկեղեցին
• Wiels ժամանակակից արվեստի կենտրոնը, որը տեղակայված է հին Wielemans-Ceuppens գարեջրատանը։
• Մի քանի կանաչ տարածքներ, ներառյալ Դուդենի պուրակն ու Ֆորեի պուրակը ։

• 
  Ֆորեի աբբայություն
• 
  Արթ Դեկո քաղաքապետարանի շենքը
• 
  Սուրբ Օգոստինոս եկեղեցին
• 
  BRASS ՝ նախկին Wielemans-Ceuppens գարեջրի արտադրամասը
• 
  Դուդենի պուրակը

Մշակութային կյանք

• Forest National ( հոլ.՝ Vorst Nationaal ) համերգասրահը հայտնի է շոու բիզնեսի, արվեստի և մշակույթի աշխարհում, որպես միջազգային մշակութային իրադարձությունների գլխավոր վայրերից մեկը Եվրոպայում^[5]։
• Ֆորեի աբբայության պատմական հիմքի վրա սեպտեմբերին կազմակերպվում է եռօրյա միջնադարյան տոնակատարություն, որի ժամանակ մասնակիցները կրում են միջնադարյան հագուստներ՝ հանդես են գալիս որ ասպետներ, միջնադարյան զինվորներ։ Միջոցառման ժամանակ հշչում է միջնադարյան երաժշտություն և այցելուների կարողանում են համտեսել միջնադարյան խմիչք եւ ուտեստներ^[6]։

Հայտնի մարդիկ

• Ստյուարտ Մերիլ, ամերիկացի գրող (1863–1915)
• Ժան Դելվիլ, նկարիչ, գրող և օկուլտիստ (1867–1953)
• Լուիզա Օչսե, քանդակագործ (1884-1944)
• Paul Vanden Boeynants, քաղաքական գործիչ (1919–2001)
• Ռայմոնդ Գյոթալս, ֆուտբոլի մարզիչ (1921–2004)

Քույր քաղաքներ

•  Ֆրանսիա: Courbevoie

Ծանոթագրություններ

1. Crossroads Bank for Enterprises
2. Woodbridge, Benj. M.; Delmelle, Joseph; Delmelle, Joseph (1951). «Panorama de la jeune poésie française de Belgique». Books Abroad. 25 (1): 40. doi:10.2307/40089730. ISSN 0006-7431.
3. «L'Eglise Saint-Denis — Forest - 1190». www.forest.irisnet.be. Վերցված է 2020 թ․ ապրիլի 19-ին.
4. «L'Hôtel communal — Forest - 1190». www.forest.irisnet.be. Վերցված է 2020 թ․ ապրիլի 19-ին.
5. «Forest National — Forest - 1190». www.forest.irisnet.be. Վերցված է 2020 թ․ ապրիլի 19-ին.
6. «Les fêtes médiévales de Forest — Forest - 1190». www.forest.irisnet.be. Վերցված է 2020 թ․ ապրիլի 19-ին.

Արտաքին հղումներ

• Ֆորեի պաշտոնական կայք ՝ հոլանդերեն և ֆրանսերեն
• Ֆորեի ազգային կայք ՝ հոլանդերեն և ֆրանսերեն

Վիքիպահեստն ունի նյութեր, որոնք վերաբերում են «Ֆորե (Բելգիա)» հոդվածին։