Քթի փակվածություն

Քթի փակվածություն, քթի հատվածների խցանման հետևանքով առաջացած վիճակ։ Ընդհանուր պատճառը արյան անոթների բորբոքման պատճառով քթի խոռոչը ծածկող թաղանթների այտուցվածությունն է^[1]։

Քթի փակվածություն
Տեսակ	ախտանիշ կամ նշան
Բժշկական մասնագիտություն	ականջաքթակոկորդաբանություն
ՀՄԴ-9	478.19
Nasal congestion Վիքիպահեստում

Կարող է ուղեկցվել հարբուխով։ Այն դեպքում, երբ ավելորդ լորձը հոսում է կոկորդի հետևի պատի երկայնքով (դա, այսպես կոչված, հետքթային կաթիլի համախտանիշ է), կարող է առաջանալ հազ կամ կոկորդի ցավ^[1]։

Քթի փակվածությունը կարող է առաջանալ տարբեր պատճառներով։ Վիճակը կարող է տատանվել մեղմ անհանգստությունից մինչև կյանքին սպառնացող իրավիճակով։ Նորածին երեխան նախընտրում է շնչել քթի միջոցով^[2]։ Երեխայի քթի փակվածությունը կյանքի առաջին մի քանի ամիսների ընթացքում կարող է խանգարել կրծքով կերակրմանը և կյանքին սպառնացող շնչառական հյուծում առաջացնել։ Ավելի մեծ երեխաների և դեռահասների մոտ այն սովորաբար պարզապես գրգռում կամ անհանգստություն է առաջացնում, բայց կարող է հանգեցնել նաև այլ դժվարությունների։

Հնարավոր պատճառներ

• Ալերգիա^[3]
• Նազոֆարինգիտ (մրսածություն)^[3] կամ գրիպ
• Քթի միջնապատի կորություն
• Ալերգիկ ռինիտ^[3], ալերգիկ ռեակցիա բույսերի ծաղկափոշու նկատմամբ, առավել հաճախ՝ խոտաբույսերի
• Դեղորյքից ռեակցիա (օրինակ՝ տամսուլոզին)
• Դեղորայքային ռինիտ^[3], ռնգային փակվածության վիճակ, որը ինտրանազալ հակակոնգեստանտների երկարատև օգտագործման ռեակցիա է (օրինակ՝ օքսիմետազոլին, ֆենիլէֆրին, քսիլոմետազոլին և նաֆազոլին պարունակող ռնգային հեղուկացիրներ)
• Սինուսիտ կամ պարանազային սինուսների վարակ^[3]
• Գլխիվայր շրջվելը կարող է արյան անոթների բորբոքում առաջացնել
• Հղիության ընթացքում կանայք կարող են տառապել քթի փակվածությունից՝ արյան հոսքի ավելացման պատճառով^[3]
• Քթի պոլիպ^[3]
• Ստորին կամ միջին քթի հիպերպլազիա
• Դատարկ քթի համախտանիշ
• Գաստրոէզոֆագեալ ռեֆլյուքս հիվանդություն, կան տեսական ենթադրություններ, որ գաստրոէզոֆագեալ ռեֆլյուքսը հանգեցնում է քրոնիկ ռինոսինուսիտի^[4]

Ծանոթագրություններ

1. «Nasal congestion». MedlinePlus Medical Encyclopedia. A.D.A.M., Inc. Արխիվացված օրիգինալից 2016 թ․ հուլիսի 4-ին. Վերցված է 2015 թ․ դեկտեմբերի 24-ին.
2. Bergeson, PS; Shaw, J.C. Are infants really obligatory nasal breathers?(անգլ.) // Clinical pediatrics^[en] : journal. — 2001. — Т. 40. — № 10. — С. 567—569. — doi:10.1177/000992280104001006 — PMID 11681824.
3. Nasal congestion Արխիվացված 2016-07-04 Wayback Machine at MedlinePlus, a service of the U.S. National Library of Medicine, National Institutes of Health. Update Date: 8/2/2011. Updated by: Neil K. Kaneshiro. Also reviewed by David Zieve.
4. Pacheco-Galván, A; Hart, SP; Morice, A.H. Relationship between gastro-oesophageal reflux and airway diseases: the airway reflux paradigm.(անգլ.) // Archivos de bronconeumologia : journal. — 2011. — Т. 47. — № 4. — С. 195—203. — doi:10.1016/j.arbres.2011.02.001 — PMID 21459504.