Վրեժ Հակոբյան

Վրեժ Հարությունի Հակոբյան (հունվարի 10, 1938(1938-01-10), Աթենք, Հունաստան - հունիսի 6, 2022(2022-06-06)^[1]), հայ դերասան, Հայաստանի արվեստի վաստակավոր գործիչ (2008 թ.)։

Վիքիպեդիայում կան հոդվածներ Հակոբյան ազգանունով այլ մարդկանց մասին։

Վրեժ Հակոբյան
Ծնվել է	հունվարի 10, 1938(1938-01-10)
Ծննդավայր	Աթենք, Հունաստան
Մահացել է	հունիսի 6, 2022(2022-06-06)[1] (84 տարեկան)
Կրթություն	Երևանի պետական գեղարվեստա-թատերական ինստիտուտ (1962)
Մասնագիտություն	դերասան
Աշխատավայր	Գաբրիել Սունդուկյանի անվան ակադեմիական թատրոն, Հայաստանի մշակույթի նախարարություն և Ալեքսանդր Սպենդիարյանի անվան օպերայի և բալետի ազգային ակադեմիական թատրոն
Պարգևներ և մրցանակներ	և Հայաստանի մշակույթի նախարարության ոսկե մեդալ

Կենսագրություն

Վրեժ Հակոբյանը ծնվել է 1938 թվականին Հունաստանի Աթենք քաղաքում։ 1947 թվականին հայրենադարձել է։ Սովորել է Երևանի Հակոբ Պարոնյանի անվան միջնակարգ դպրոցում։ 1958-1962 թվականներին սովորել է Երևանի գեղարվեստա-թատերական ինստիտուտի դերասանական բաժնում՝ Արմեն Գուլակյանի արվեստանոցում։

Եղել է Երևանի Գաբրիել Սունդուկյանի անվան ազգային ակադեմիական թատրոնի դերասան, 1977 թվականին նշանակվել է թատրոնի փոխտնօրեն, 1982 թվականին՝ տնօրեն։ Հյուրախաղերով հանդես է եկել մի շարք արտասահմանյան երկրներում։ Եղել է ՀՀ մշակույթի նախարարության թատերարվեստի վարչության պետը, ղեկավարել է Երևանի Գաբրիել Սունդուկյանի անվան ազգային ակադեմիական թատրոնը, 2003-2013 թվականներին եղել է Երևանի Ալեքսանդր Սպենդիարյանի անվան օպերայի և բալետի ազգային ակադեմիական թատրոնի փոխտնօրենը^[2][3][4]։

Ֆիլմեր

• «Կարինե», 1967
• «Մորգանի խնամին», 1969
• «Խաթաբալա», 1971
• «Մհերի արձակուրդային արկածները», 1973
• «Ժայռ», 1973
• «Երկունք», 1976
• «Արևիկ», 1978
• «Թռիչքն սկսվում է երկրից», 1980
• «Правила охоты. Штурм», (2015
• «Բրավո, վիրտուոզ», 2015

Ներկայացումներ

• Ժուռնալիստ՝ «Լաբիրինթոս»
• Ռոդրիգո՝ Վիլյամ Շեքսպիրի «Օթելլո»
• Ռոբերտ՝ Վ. Դեմարի «Հիշիր վաղվա օրը»
• Սերոբ՝ Վրթանես Փափազյանի «Ժայռը»
• Արտակ Մոկաց՝ Դերենիկ Դեմիրճյանի «Վարդանանք»

1992 թվականին Շաքե Թուխմանյանի և Ժան-Պիեր Նշանյանի հրավերով մեկնել է ԱՄՆ, Վարդան Աճեմյանի անվան թատերախմբում խաղացել է մի շարք ներկայացումներում։

• Թադե՝ Հակոբ Պարոնյանի «Շողոքորթն»
• Կիպար՝ Հակոբ Պարոնյանի «Բաղդասար ախպար»
• Վասիլ՝ Լևոն Շանթի «Ինկած բերդի իշխանուհին»

Հեռուստասերիալներ

• «Դիմակահանդես», 2010
• «Դժվար ապրուստ», 2011-2013
• «Բախտաբեր», 2015

Պարգևներ, մրցանակներ

• Հայաստանի արվեստի վաստակավոր գործիչ, 2008 թ.
• ՀՀ մշակույթի նախարարության ոսկե մեդալ
• ՀԹԳՄ ոսկե մեդալ
• Երևանի քաղաքապետարանի ոսկե մեդալ, 2014 թ.