Վահան Ամատունի (լրագրող)

Վահան Ամատունի (սեպտեմբերի 6, 1957(1957-09-06), Օշական, Աշտարակի շրջան, Հայկական ԽՍՀ, ԽՍՀՄ), հայ լրագրող, լուսանկարիչ, ԽՍՀՄ և Հայաստանի ժուռնալիստների միության անդամ։

Վիքիպեդիայում կան հոդվածներ Ամատունի ազգանունով այլ մարդկանց մասին։

Վահան Ամատունի
Ծնվել է	սեպտեմբերի 6, 1957(1957-09-06) (67 տարեկան)
Ծննդավայր	Օշական, Աշտարակի շրջան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Մասնագիտություն	լրագրող և լուսանկարիչ
Աշխատատու	Աշտարակ և Անկախություն (թերթ)
Անդամություն	Հայաստանի ժուռնալիստների միություն

Լրագրողական ընդունակությունները դրսևորվել են դեռևս դպրոցական տարիքից։ Առաջին տպագիր հոդվածներն ունեցել է 3-րդ դասարանից։ Աշխատել է «Աշտարակ» շրջանային (1981-1991 թթ.) և «Անկախություն» թերթերում։

1970-1990-ական թվականներին թղթակցել է հանրապետական գրեթե բոլոր թերթերին, խորհրդային մամուլին։ Լուսանկարչական աշխատանքներով ներկայացվել է եվրոպական մի շարք երկրներում^[1]։

Թղթակցություններ

• «Աշտարակ» թերթ
• «Արշալույս» թերթ
• «Նաիրի» թերթ
• «Կադրերի համար» թերթ
• «Արմավիր» թերթ
• «Հայաստանի բնություն» հանդես
• «Գյուղատնտես» թերթ
• «Суворовский натиск» (газета Дальневосточного военного округа)
• «Солдатская доблесть» զինվորական գրքույկ
• «Կոմսոմոլեց» երիտասարդական թերթ
• «Հայրենիքի ձայն» շաբաթաթերթ
• «Պիոներ կանչ» մանկապատանեկան թերթ
• «Սովետական Հայաստան» թերթ
• «Կուլտուր-լուսավորական աշխատանք» ամսագիր
• «Երիտասարդ բանվոր» թերթ
• «Ավանգարդ» թերթ
• «Ոզնի» երգիծաթերթ
• «Հայաստանի ֆիզկուլտուրնիկ» մարզական թերթ.
• «Հայաստանի գյուղատնտեսություն» ամսագիր
• «Հայաստանի ագրոարդյունաբերություն» ՀԿԿ կենտկոմի հանդես

Վահան Ամատունու բազմաթիվ հոդվածներ և լուսանկարներ տպագրել են նաև «Սովետական դպրոց», «Գրական թերթ», «Մարզական Հայաստան», «Գրքերի աշխարհ»,«Անկախություն» թերթերը, «Ծիծեռնակ», «Պիոներ», «Գարուն», «Հայաստանի աշխատավորուհի» ամսագրերը, միութենական այլ թերթեր և լրատվական միջոցներ։