Ստորին Հռենոս

Ստորին Հռենոս (ֆր.՝ Bas-Rhin), գավառ Ֆրանսիայի հյուսիս-արևելքում։ 1 115 226 մարդ (2010) բնակչությամբ հանդիսանում է Էլզաս երկրամասի 2 ամենախիտ բնակեցված գավառներից մեկը։ Վարչական կենտրոնը Ստրասբուրգ քաղաքն է։

Ստորին Հռենոս Bas-Rhin
Դրոշ Զինանշան
Երկիր	Ֆրանսիա
Մասն է	Alsace-Moselle?
Կարգավիճակ	Գավառ
Մտնում է	Գրանդ Էստ, Էլզաս, European Collectivity of Alsace? և French république?
Վարչկենտրոն	Ստրասբուրգ
Ամենաբարձր կետ	Champ du Feu?
Հիմնական լեզու	ֆրանսերեն
Բնակչություն (2010)	1 115 226 մարդ
Տարածք	4755
Հիմնադրված է	մարտի 4, 1790 թ.
Սահմանակցում է	Մոզել, Վերին Հռենոս, Վոգեզներ, Մյորթ և Մոզել, Ռայնլանդ Պֆալց և Բադեն-Վյուրթեմբերգ
Ժամային գոտի	CET (UTC+1)
Նախորդ	province of Alsace?, County of Saarwerden?, Վոգեզներ, Էլզաս-Լոթարինգիա, Unterelsaß?, Gau Baden-Elsaß? և CdZ-Gebiet Elsaß?
ISO 3166-2 կոդ	FR-67
Անվանված է	Հռենոս
bas-rhin.gouv.fr
Ստորին Հռենոս Վիքիպահեստում

Աշխարհագրություն

Տարածքի մակերեսը 4755 կմ² է։ Գավառով է հոսում Հռենոս գետը, որը միշտ հանդիսացել է երկրամասի կարևոր բաղկացուցիչը և Ստորին Հռենոսի արևելյան սահմանը։ Դեպարտամենտում են տեղակայված նաև Վոգեզներ նախալեռները։

Հյուսիսում Ստորին Հռենոսը սահմանակցում է Պֆալցի անտառի հետ՝ գերմանական Ռեյնլանդ-Պֆալց դաշնային երկրամասի տարածքում, արևելքից՝ Բադեն Վյուրտեմբերգ երկրամասի հետ, հարավում են գտնվում Վերին Հռենոս և Էլզաս, իսկ արևելքում՝ Լոթարինգիա դեպարտամենտները։

Գավառն իր մեջ է ներառում 7 շրջան, 44 կանտոն և 526 կոմունա։

Պատմություն

Ստորին Հռենոսը 83 գավառներից առաջիններից մեկն է, որը ստեղծվել է 1790 թվականի մարտի 4-ին Ֆրանսիական մեծ հեղափոխության ժամանակ։ 1790-ական թվականների կեսերին Հռենոսի ձախ ափի՝ ֆրանսիական օկուպացիայի ժամանակ, գավառի հյուսիսային սահմանը տեղափոխվեց Լաուտեր գետից այն կողմ՝ Կբայխ գետի մոտ և ներառեց Անվայլեր Տրիֆելսե, Լանդաու, Բադ Բերգցաբերն և Վյորտ Հռենոսի վրա քաղաքները։ Սակայն Նապոլեոնի երկրորդ պարտությունից հետո 1815 թվականին Վիեննայի վեհաժողովը որոշեց Լաուտերից վերև ընկած տարածքները փոխանցել Բավարիային։ Այժմ այդ տարածքները հանդիսանում են Ռայնլանդ Պֆալցի դաշնային երկրամասի մի մասը։

Իր ստեղծումից ի վեր 2 անգամ Ստորին Հռենոսը հայտնվել է Գերմանիայի կազմում՝ առաջին անգամ՝ (1871-1918) ֆրանկոպրուսական պատերազմի պարտության արդյունքում, երկրորդ անգամ՝ (1940-1945)՝ Երկրորդ համաշխարհային պատերազմի արդյունքում։

Արտաքին հղումներ

• Préfecture
• Conseil général Արխիվացված 2009-04-27 Wayback Machine
• Ստորին Հռենոսի բնակավայրերը

Վիքիպահեստն ունի նյութեր, որոնք վերաբերում են «Ստորին Հռենոս» հոդվածին։