Լոթարինգիա

Լոթարինգիա (ֆր.՝ Lorraine [lɔˈʁɛn], գերմ.՝ Lothringen), պատմական մարզ Ֆրանսիայի հյուսիս-արևելքում, Մոզել գետի ավազանում։ Տարածությունը 23.5 հզ կմ² է։ Գլխավոր քաղաքը Նանսին է։

Բնակավայր
Լոթարինգիա
Դրոշ Զինանշան
Երկիր	Ֆրանսիա
Համայնք	Ֆրանսիայի մետրոպոլիս
Մակերես	23 547 կմ²
Բնակչություն	2 345 197 մարդ (2013)
Լոթարինգիա (Ֆրանսիա)
Լոթարինգիա Վիքիպահեստում

Լոթարինգիա

1982-2016 թվականներին Լոթարինգիան Ֆրանսիայի վարչական շրջան էր։ 2016-ին տարածքային բարեփոխումների արդյունքում այն մտավ նոր Գրանդ Էստ երկրամասի մեջ։ Լոթարինգիան բաղկացած է 4 դեպարտամենտներից՝ Մյորթ և Մոզել, Մյոզ, Մոզել և Վոգեզներ դեպարտամենտներից՝ ներառելով 2337 կոմունա։ Մեցը երկրամասի վարչական կենտրոնն է։

Լոթարինգիան սահմանակցում է Գերմանիային, Բելգիային և Լյուքսեմբուրգին։

Անվանում

Անվանումը ստացել է Լոթարինգիայի թագավորության առաջին թագավոր Լոթար II-ի անունից․ - ing֊ը գերմաներեն վերջածանց է, որը նշանակում է հետնորդներ կամ հպատակներ։ Դրանց ավելացվել է -ia մասնիկը, որը երկրի իմաստ ունի։ Այսպիսով Լոթարինգիա նշանակում է «Լոթարի մարդկանց երկիր»^[1]։