Սուրեն Սպանդարյանի հուշարձան (Երևան)

Սուրեն Սպանդարյանի հուշարձան, գտնվում է Երևանում՝ Գարեգին Նժդեհի հրապարակում, տեղադրվել է 1990 թվականին։

Սուրեն Սպանդարյանի հուշարձան
Սուրեն Սպանդարյանի հուշարձան
Ընդհանուր տեղեկություններ
Համայնք	Շենգավիթ
Առաջին հիշատակում	1960-ականների վերջեր
Գտնվում է	Գարեգին Նժդեհի հրապարակում
Բարձրություն	3,5 մ
Քանդակագործ(ներ)	Թոմ Գևորգյան
Ճարտարապետ(ներ)	Լևոն Գևորգյան, Գագիկ Հովհաննիսյան, Վիտալի Գևորգյան
Նյութ	բրոնզ, բազալտ
Շինարարության ավարտ	1990
Ներկա վիճակ	կանգուն

Հեղինակներ

• Քանդակագործ՝ Թոմ Գևորգյան
• Ճարտարապետներ՝ Լևոն Գևորգյան, Գագիկ Հովհաննիսյան, Վիտալի Գևորգյան

Տվյալներ

Քանդակը կառուցված է բրոնզից և բազալտից, բարձրությունը 6, 5 մետր է։

Պատմություն

Հասարակական-քաղաքական գործիչ, լրագրող, գրաքննադատ, հեղափոխական Սուրեն Սպանդարյանի ծննդյան 100-ամյակի օրը՝ 1982 թվականի դեկտեմբերի 8-ին, նրա անվան հրապարակում տեղադրվում է ցուցանակ. «Այս հրապարակում կդրվի պրոֆեսիոնալ հեղափոխական, կոմկուսի ականավոր գործիչ Սուրեն Սպանդարյանի արձանը»։ Սակայն հուշարձանը տեղադրվել է միայն 1990 թվականին

Հայաստանի անկախությունից հետո հրապարակը վերանվանվել է Գարեգին Նժդեհի անունով։

2011 թվականի մայիսի 13-ին Երևանի քաղաքապետարանի խորհրդի նիստում բարձրացվել է Սուրեն Սպանդարյանի արձանի ապամոնտաժման հարցը, սակայն Հայաստանի Կոմունիստական կուսակցությունն իր դժգոհությունն է հայտնել՝ անվանելով մշակութային վանդալիզմ։ Արձանը որոշվել է տեղափոխել նախկին բանվորի արձանի տեղը, սակայն մինչ օրս դա տեղի չի ունեցել^[1]։

Պատկերասրահ

• 
• 
• 
• 

Ծանոթագրություններ

1. «Նժդեհն ընդդեմ Սպանդարյանի». Armtimes.com. Վերցված է 2022 թ․ մայիսի 7-ին.

Վիքիպահեստն ունի նյութեր, որոնք վերաբերում են «Սուրեն Սպանդարյանի հուշարձան (Երևան)» հոդվածին։