Սուրբ Հրեշտակապետ եկեղեցի (Ֆաթիհ)
From Wikipedia, the free encyclopedia
Սուրբ Հրեշտակապետ եկեղեցի կամ (Պալաթի եկեղեցի), հայ առաքելական եկեղեցի Թուրքիայի Ստամբուլ քաղաքի Ֆաթիհ շրջանի Այվանսարայ թաղամասում։
| Սուրբ Հրեշտակապետ եկեղեցի | |
|---|---|
 | |
| Հիմնական տվյալներ | |
| Տեսակ | եկեղեցի |
| Երկիր |  Թուրքիա |
| Տեղագրություն | Այվանսարայ |
 | |
 | |
 Surp Hreshdagabet Church Վիքիպահեստում | |
Կոստանդնուպոլսի անկումից հետո սուլթան Մեհմեդ II-ի հրամանով հունական եկեղեցիների մի մասը մզկիթի էին վերածվում, իսկ որոշներն էլ փոխանցվում էին հայ համայնքին։ Այդ եկեղեցիների թվում է սուրբ Հրեշտակապետ եկեղեցին, որը հայերին է փոխանցվել 1628 թվականին[1][2]։ Փոխանցման թվականի մասին կան նաև այլ տվյալներ։ Երուսաղեմի Գրիգոր Պարոն Տեր Պատրիարքի հիշատակարանի համաձայն, եկեղեցին հայերին է փոխանցվել 1631 թվականին, իսկ Երեմիա Չելեպի Քյոմյուրճյանի համաձայն՝ 1636-ին։ Եկեղեցին 1692-ին ծագած հրդեհից հետո վերակառուցվել է կայսերական հրամանագրով։ Եկեղեցին հրդեհվել է նաև 1729 թվականին Պալաթի նշանավոր հրդեհի ժամանակ[3], ապա փայտաշեն կառուցվել և Հովհաննես Թ Կոլոտ Բաղիշեցի պատրիարքի ձեռամբ օծվել 1730 թվականին։ Դրանից հետո էլ եկեղեցին մի քանի անգամ վնասվել է Պալաթի հրդեհներից։ 1827 թվականի հրդեհից հետո, որպեսզի չեզոքացվի առաջիկա հրդեհների վտանգը, Մահմուդ II-ի հրովարտակով եկեղեցին հինգերորդ անգամ վերակառուցվեց քարով և կրով։ Բացումը տեղի է ունեցել 1835 թվականին Ստեփանոս Բ Աղավնի Զաքարյան պարիարքի կողմից։ 1900 թվականին հրդեհված Սուրբ Հովհան Ոսկեբերան եկեղեցու (հայտնի նաև «Փոքր Արմաշ» անունով) Աստվածամոր սրբապատկերը Մաղաքիա Օրմանյան պատրիարքի տնօրինությամբ տեղափոխվել է Պալաթի եկեղեցի և տեղադրվել ավագ խորանի աջակողմյան պատի մեջ։
Եկեղեցու վերջին վերանորոգումը եղել է 2005 թվականին։ Օծվել և պաշտանմունքի համար վերաբացվել է պատրիարք Մեսրոպ Բ Մութաֆյանի կողմից[4]։
Եկեղեցու դիմաց գտնվում է հին Պալաթ Խորենյան հայկական դպրոցը, որն այժմ լքված է և պատկանում է եկեղեցու հիմնադրամին։
Պատկերասրահ
Դարպասներ
Փողոցի տեսարան
Ծանոթագրություններ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
