Սառա Միշել Գելար

Սառա Միշել Գելար (անգլ.՝ Sarah Michelle Gellar, ապրիլի 14, 1977(1977-04-14)^[1][2], Նյու Յորք, Նյու Յորք, ԱՄՆ^[3]), ամերիկացի դերասանուհի, պրոդյուսեր։ Հանդիսատեսին հայտնի է «Պարզապես անզուգական է», «Դաժան խաղեր» ֆիլմերից և «Բաֆֆի՝ վամպիրներին բնաջնջողը» հեռուստասերիալում խաղացած Բաֆֆի Սամերսի դերով^[5]։ Նրա ձայնով է խոսում «Մոխրոտիկի նոր արկածները» մուլտֆիլմի գլխավոր հերոսուհի Էլլան։

Սառա Միշել Գելարի մոմե արձանը Բաֆի Սամերսի կերպարով Մադամ Տյուսոյի թանգարանում

2013 թվականի հուլիսի 11-ին «Խելագարները» սերիալի իր գործընկերների՝ Ամանդա Սեթոնի, Ջեյմս Ուոկի և Ռոբին Ուիլյամսի հետ

Սառա Միշել Գելար
Ծնվել է	ապրիլի 14, 1977(1977-04-14)[1][2] (47 տարեկան)
Ծննդավայր	Նյու Յորք, Նյու Յորք, ԱՄՆ[3]
Կրթություն	Ֆիորելլո Հ. ԼաԳուադրդիա Ավագ դպրոց, Պրոֆեսիոնալ երեխաների դպրոց և Columbia Grammar & Preparatory School?
Քաղաքացիություն	ԱՄՆ
Կրոն	հուդայականություն
Մասնագիտություն	դերասանուհի, հեռուստատեսային դերասանուհի, կինոդերասանուհի, կինոպրոդյուսեր, ձայնային դերասանուհի, կազմակերպության հիմնադիր, գրող և թատրոնի դերասանուհի
Ընտրանի	Buffy the Vampire Slayer?, Սկուբի-Դու և Cruel Intentions?
Ամուսին(ներ)	Ֆրեդի Պրինց կրտսեր
Երեխա(ներ)	Շառլոտա Պրինց և Ռոքի Պրինց
Պարգևներ և մրցանակներ	Daytime Emmy Award for Outstanding Younger Actress in a Drama Series? «Սատուրն» մրցանակ լավագույն կինոդերասանուհուն MTV կինոմրցանակ լավագույն համբույրի համար MTV Movie Award՝ լավագույն կատարման համար Teen Choice Award for Best Villain? և People's Choice Award for Favorite Actress in a New TV Series? [4]

Կենսագրություն

Վաղ տարիներ

Ծնվել է 1977 թվականի ապրիլի 14-ին Նյու Յորք քաղաքում^[6]։ Ռոզելիների ընտանիքում միակ դուստրն էր։ Սառայի երկու ծնողներն էլ հրեաներ են^[7][8][9]։ Սառա Միշելի խոսքով՝ նա չի պատկանում որևէ կրոնի կամ դավանանքի^[7]։ Հեռուստատեսությունում առաջնաելույթ է ունեցել չորս տարեկան հասակում^[5]։ 1984 թվականին նրա ծնողները ամուսնալուծվել են և Սառա Միշելը մնացել է մոր հետ։ Ապրել է Նյու Յորքում՝ Վերին Իստ Սայդում։ Հաճախել է Columbia Grammar & Preparatory School և մասնագիտական դպրոց։

Կարիերա

Գելարն առավել հայտնի է դարձել իննսունականների երկրորդ կեսին խաղացած դեռահասների դերերի շնորհիվ^[10]։ Առաջին անգամ հայտնի է դարձել «Իմ բոլոր երեխաները» սերիալում հերոսուհի Սյուզան Լուչիի բանսարկու դստեր դերի շնորհիվ^[5]։ 1995 թվականին սկսնակ դերասաններ կատեգորիայում արժանացել է «Էմմի» ցերեկային մրցանակի^[5] և շուտով լքել է շոուն, ըստ լուրերի, շոուի գլխավոր աստղ Սյուզան Լուչիի հետ կոնֆլիկտների պատճառով^[10]։ Շուտով գլխավոր դեր է ստացել The WB փոքրիկ հեռուստաալիքի «Բաֆֆի՝ վամպիրներին բնաջնջողը» դեռահասային սերիալում, որն էլ դարձել է նրա կարիերայի ամենամեծ ձեռքբերումը^[5]։ 2001 թվականին հեռուստատեսային սերիալում՝ դրամայում, կնոջ լավագույն դերի համար առաջադրվել է «Ոսկե գլոբուս» մրցանակի^[10]։ «Բաֆֆի՝ վամպիրներին բնաջնջողը» հեռուստասերիալի նկարահանումների միջև ընկած ընդմիջումներում Գելարը հայտնվել է մի քանի երիտասարդական ֆիլմերում, որոնց թվում են եղել երկրորդ պլանի դերերը «Ես գիտեմ, թե ինչ էիք դուք անում անցյալ ամառ» և «Ճիչ 2» թրեյլերներում, որոնք թողարկվել են 1997 թվականին, և 1999 թվականին գլխավոր դերեր «Դաժան խաղեր» և «Պարզապես անզուգական է» մելոդրամաներում^[5]։ 2002 և 2004 թվականներին նկարահանվել է «Սկուբի-Դու» և «Սկուբի-Դու 2։ Հրեշներն ազատության մեջ» ֆիլմերում, որոնք մեծ առևտրային հաջողություններ են ունեցել (2002 թվականին «Սկուբի-Դու» ֆիլմը դարձել է 15-րդ ամենահաջողված ֆիլմը ամբողջ աշխարհում), այնուամենայնիվ որոշ բացասական արձագանքներ են ստացել քննադատների կողմից։ Նաև 2004 թվականին Սառա Միշել Գելարը նկարահանվել է «Անիծվածը» ֆիլմում^[5], որը դարձել է վարձույթի հիթ և արժանացել քննադատների դրական արձագանքներին։ 2011 թվականին Գելարը վերադարձել է հեռուստատեսություն՝ գլխավոր դեր խաղալով «Նմանակ» հոգեբանական սերիալ-դրամայում^[5], որտեղ նաև հանդես է եկել որպես պրոդյուսեր։ Շոուն ցածր վարկանիշների պատճառով փակվել է մեկ եթերաշրջանից հետո։ 2013 թվականին Գելարը նկարահանվել է «Խելագարները» սերիալի գլխավոր դերում^[5]։

Բացի նկարահանումներից, մասնակցել է նաև «Ռոբոցիպ» և «Աստղային պատերազմներ։ Ապստամբներ» անիմացիոն ֆիլմերի հերոսների հնչյունավորմանը^[5]։

Անձնական կյանք

Ամուսնու հետ միասին

2002 թվականի սեպտեմբերի 1-ից ամուսնացած է դերասան Ֆրեդի Պրինցեմ կրտսերի հետ, ում հետ ծանոթացել է «Ես գիտեմ, թե ինչ էիք դուք անում անցյալ ամառ» ֆիլմի նկարահանումների ժամանակ^[5]։ Նրանք հանդիպել են իրենց հարսանիքից 2 տարի առաջ։ Նրանք նաև համատեղ դերեր են կատարել «Սկուբի-Դու» և «Սկուբի-Դու 2։ Հրեշներն ազատության մեջ» ֆիլմերում^[5]։ Զույգն ունի երկու երեխա՝ դուստրը՝ Շառլոթ Գրեյս Պրինցը^[11] և որդին՝ Ռոք Ջեյմս Պրինցը^[12][13]։

Ֆիլմագրություն

Ֆիլմեր

Տարի	Հայերերն անվանում	Բնօրինակ անվանում	Դեր	Ծանոթագրություններ
1984	Բրուքլինի կամրջի տակ	Over the Brooklyn Bridge	Ֆիլի դուստր	Նշված չէ տիտրերում
1988	Զվարճալի ֆերմա	Funny Farm	ուսանող	Նշված չէ տիտրերում
1989	Բարձր խաղադրույքներ	High Stakes	Կարեն Ռոուզ
1997	Ռոբինսոնները Բևեռլի Հիլզից	Beverly Hills Family Robinson	Ջեյն Ռոբինսոն
1997	Ես գիտեմ, թե ինչ էիք դուք անում անցյալ ամառ	I Know What You Did Last Summer	Հելեն Շիվերս	Անվանակարգ՝ MTV Movie Award տարվա լավագույն ճեղքման համար
1997	Ճիչ 2	Scream 2	Քեյսի «Սիսի» Կուպեր
1998	Զինվորները	Small Soldiers	Գվենդի Դոլ	Հնչյունավորում
1999	Այդ ամենը նա է	She’s All That	աղջիկ սրճարանում	Նշված չէ տիտրերում
1999	Պարզապես անզուգական է	Simply Irresistible	Ամանդա Շելթոն
1999	Դաժան խաղեր	Cruel Intentions	Քեթրին Մյորտեյ	MTV Movie Award լավագույն դերասանուհու համար MTV Movie Award լավագույն համբույրի համար Teen Choice Award լավագույն կինո ոճրագործի համար Անվանակարգ՝ MTV Movie Award լավագույն կինո ոճրագործի համար
2001	Հարվարդի тусовка	Harvard Man	Սինդի Բանդոլինի
2002	Սկուբի-Դու	Scooby Doo	Դաֆնա Բլեյք	Անվանակարգ՝ Teen Choice Award լավագույն կատակերգական դերասանուհի
2004	Սկուբի-Դու 2։ Հրեշներն ազատության մեջ	Scooby Doo 2: Monsters Unleashed	Դաֆնա Բլեյք
2004	Անիծվածը	The Grudge	Կարեն Դևիս	Անավանակարգ՝ MTV Movie Award լավագույն վախի համար
2006	Հարավի հեքիաթներ	Southland Tales	Քրիստա Նաու
2006	Անիծվածը 2	The Grudge 2	Կարեն Դևիս
2006	Վրեժ	The Return	Ջաննա Միլզ
2007	Մոխրոտիկի նոր արկածները	Happily N’Ever After	Էլլա	Հնչյունավորում
2007	Կրիա նինձիաները	TMNT	Էյպրիլ Օ'Նիլ	Հնչյունավորում
2007	Աղջիկը արվարձաններից	Suburban Girl	Բրետ Էյզենբերգ	Direct-to-video
2008	Օդը, որը ես շնչում եմ	The Air I Breathe	Տխրություն
2009	Վերոնիկան որոշում է մահանալ	Veronika Decides to Die	Վերոնիկա
2009	Կեղծագիր	Possession	Ջեսիկա	Direct-to-video

Հեռուստատեսություն

Տարի	Հայերերն անվանում	Բնօրինակ անվանում	Դեր	Ծանոթագրություններ
1983	Ներխուժում անձնական կյանք	An Invasion of Privacy	Ջենիֆեր Բիանչի	Հեռուստաֆիլմ
1988	Աղեղնազեն	Crossbow	Սառա Գիդոտի	1 էպիզոդ
1991	Ջեքի անունով կինը	A Woman Named Jackie	Ժաքլին Քենեդին երիտասարդ տարիներին	Մինի սերիալ
1993—1995, 2011	Իմ բոլոր երեխաները	All My Children	Քենդալ Հարթ	Ցերեկային սերիալ Ցերեկային «Էմմի» մրցանակ լավագույն երիտասարդ դերասանուհի (1995) Անվանակարգ՝ ցերեկային «Էմմի» մրցանակ լավագույն երիտասարդ դերասանուհի (1994) Անվանակարգ՝ «Երիտասարդ դերասան» մրցանակ` ցերեկային սերիալում լավագույն երիտասարդ դերասանուհի (1994, 1995)
1998	Բլրի արքան	King of the Hill	Մերի	Հնչյունավորում, 1 էպիզոդ
1997—2003	Բաֆֆի՝ վամպիրներին բնաջնջողը	Buffy the Vampire Slayer	Բաֆֆի Սամերս	145 էպիզոդ «Սատուրն» մրցանակ հեռուստատեսությունում լավագույն կանացի դերի համար (1999) Teen Choice Award լավագույն հեռուստատեսային դերասանուհի (1999, 2000) Անվանակարգ՝ «Ոսկե գլոբուս» մրցանակ հեռուստատեսային սերիալ-դրամայում լավագույն  կանացի դերի համար (2001) Անվանակարգ՝ «Ուղեկից» մրցանակ հեռուստատեսային սերիալ-դրամայում լավագույն  կանացի դերի համար (2003) Անվանակարգ՝  Հեռուստատեսային քննադատների ասոցիացիայի մրցանակ դրամայում անձնական նվաճումների համար (2001) Անվանակարգ՝ «Երիտասարդ դերասան» մրցանակ՝ գլխավոր դերի լավագույն երիտասարդ դերասանուհի (1999) Անվանակարգ՝ «Սատուրն» մրցանակ՝ հեռուստատեսության լավագույն կանացի դերի համար (1998, 2000-2004)
1999—2000	Հրեշտակ	Angel	Բաֆֆի Սամերս	3 էպիզոդ
2001		God, the Devil and Bob	դերասանուհի շոուի մեջ	Հնչյունավորում, 1 էպիզոդ
2004, 2012	Սիմփսոնները	The Simpsons	Ջինա	Հնչյունավորում, 2 էպիզոդ
2010	Հրաշալի Մալադիա	The Wonderful Maladys	Էլիս Մալադիա	Հեռուստաֆիլմ
2005—2012	Ռոբոցիպ	Robot Chicken	տարբեր ձայներ	Հնչյունավորում, 8 էպիզոդ
2011	Ամերիկյան հայրիկ	American Dad!	Ավատար Ստեն	Հնչյունավորում, 2 էպիզոդ
2011—2012	Նմանակ	Ringer	Շիվան Մարտին	22 էպիզոդ Անվանակարգ՝ Teen Choice Award հեռուստատեսությունում լավագույն դերասանուհի (2012)
2013—2014	Խելագարները	Crazy Ones	Սիդնի Ռոբերթս	People’s Choice Award նոր սերիալում լավագույն կանացի դերի համար
2015-2019	Աստղային պատերազմներ։ Ապստամբներ	Star Wars Rebels	Յոթերորդ քույր (հնչյունավորում)
2019	Մեծ պայթյունի տեսությունը	Big Bang Theory	կամեո	1 էպիզոդ

Ծանոթագրություններ

1. Whitney B. Encyclopædia Britannica
2. filmportal.de — 2005.
3. Deutsche Nationalbibliothek Record #124538320 // Gemeinsame Normdatei (գերմ.) — 2012—2016.
4. https://people.com/celebrity/sarah-michelle-gellar-wins-peoples-choice-award/
5. Whitney B. Sarah Michelle Gellar // Encyclopædia Britannica
6. Byrne, Suzy (2012 թ․ ապրիլի 27). «Sarah Michelle Gellar's Successful Decade-Long Marriage». Yahoo! Celebrity.
7. «MarksFriggin.com». Sara .Michelle Gellar Calls In. 3/5/99. 8:55am. Արխիվացված է օրիգինալից 2012 թ․ փետրվարի 19-ին. Վերցված է 1 ноября 2006-ին.
8. «Sarah Michelle Gellar Արխիվացված 2012-03-14 Wayback Machine». JUF. December 3, 2007. «アーカイブされたコピー». Արխիվացված է օրիգինալից 2012 թ․ մարտի 14-ին. Վերցված է 2010 թ․ դեկտեմբերի 14-ին..
9. «The Jewish News Weekly of Northern California». Celebrity Jews. Արխիվացված է օրիգինալից 2012 թ․ փետրվարի 19-ին. Վերցված է 2 января 2007-ին.
10. «Sarah Michelle Gellar- Biography». Yahoo!. Արխիվացված է օրիգինալից 2013 թ․ փետրվարի 26-ին. Վերցված է 2013 թ․ փետրվարի 15-ին.
11. Caplan, David (2009 թ․ սեպտեմբերի 22). «Sarah Michelle Prinze and Freddie Prinze Jr. Have a Girl!». People. Արխիվացված է օրիգինալից 2012 թ․ հոկտեմբերի 18-ին.
12. D'Zurilla, Christie (2012 թ․ սեպտեմբերի 25). «Sarah Michelle Gellar, Freddie Prinze Jr. have a new baby boy». Los Angeles Times.
13. Ravitz, Justin (2012 թ․ սեպտեմբերի 24). «Sarah Michelle Gellar Welcomes Baby Boy!». US Weekly. Արխիվացված է օրիգինալից 2012 թ․ հոկտեմբերի 18-ին.

Վիքիպահեստն ունի նյութեր, որոնք վերաբերում են «Սառա Միշել Գելար» հոդվածին։