Ռինդի վիմափոր եկեղեցի

Ռինդի վիմափոր եկեղեցի, վիմափոր կրոնական կառույց Վայոց ձորի մարզի Ռինդ գյուղում, բնակավայրից 4 կմ հյուսիս։ Այն գտնվում է Քարկատարի լեռների Գոմադրունք գագաթի հարավային լանջի ժայռազանգվածի արևմտյան կողմում^[2]։ Եկեղեցու կառուցման թվականը հայտնի չէ, սակայն ենթադրաբար այն կառուցվել է վաղ միջնադարում։

Ռինդի վիմափոր եկեղեցի
Հիմնական տվյալներ
Տեսակ	վիմափոր
Երկիր	Հայաստան
Տեղագրություն	Ռինդ[1]
Մասն է	Գյուղատեղի «Բախչաջուղ»
Ժառանգության կարգավիճակ	մշակութային հուշարձան Հայաստանում[1]
Cave church Rind Վիքիպահեստում

Նկարագրություն

Ռինդ գյուղում կան երկու վիմափոր եկեղեցիներ։ Մեկը գտնվում է Ռինդի Ուլգյուրում և հայտնի է «Ճգնավորի մատուռ» անունով։ Այս մեկն անհայտ է գիտական շրջանակների համար։

Եկեղեցին ժայռափոր է, գտնվում է դժվարամատչելի բարձունքի վրա։ Հավանական է, որ առաստաղը պատված է եղել որմնանկարներով։ Կառույցի հատակագիծը կլոր է, որի տրամագիծը մոտ 8 մետր է, բարձրությունը՝ 10 մետր։ Եկեղեցու դուռը արևմտյան կողմից է, որից վերև եղել է մեկ փոքր և երկու մեծ լուսամուտներ։ Խորանի ու նրան հարող պատերի ստորին մասը քայքայված է, բայց քիվ-երիզից ներքև երևում են ժայռի մեջ փորված պահոց-խորշերի վերին մասերը^[2]։

Հարակից կառույցներ

Ժայռազանգվածի հարավային հատվածում կան մի քանի փորված սրահներ, որոնց ճանապարհները քայքայված են և հնարավոր չէ հասնել այնտեղ առանց տեխնիկական միջոցների։ Սրահների պատերին կան քանդակված խաչեր։

Եկեղեցուց մի քանի տասնյակ մետր արևելք կան խաչքարեր և խաչքարերի պատվանդաններ։

Պատկերասրահ

• 
  Ժայռազանգվածի ընդահուր տեսքը
• 
  Առաստաղ ձգվող սյուն
• 
  Առաստաղ ձգվող սյուն
• 
  Խաչքար եկեղեցուց 100 մետր արևելք
• 
  Հարավային սրահի պատը
• 
  Եկեղեցու առաստաղը
• 
  Եկեղեցու ժայռազանգվածը հարավից

Տես նաև

• Ռինդի պատմության և մշակույթի անշարժ հուշարձանների ցանկ
• Ռինդ

Ծանոթագրություններ

1. Wiki Loves Monuments monuments database — 2017.
2. «Վայոց ձորի պատմության նոր էջեր, Տիգրան Մկրտչյան, էջ 52» (PDF).