Ջորջ Միլլեր

Ջորջ Միլլեր (անգլ.՝ George Miller, մարտի 3, 1945(1945-03-03)^{[1][2][3][…]}, Chinchilla, Քվինսլենդ, Ավստրալիա^[4]), ավստրալիացի կինոռեժիսոր, սցենարիստ, պրոդյուսեր և նախկին բժիշկ։ Հայտնի է իր «Խելագար Մաքս» հեռուստասերիալով, ինչպես նաև լայն շրջանակով այլ նախագծերի մասնակցությամբ, «Չորսոտանի երեխա», «Ուրախ ոտքեր» օսկարակիր ֆիլմերով։ Kennedy Miller Mitchell (մինչև 2009 թվականը՝ Kennedy Miller Productions) և Dr. D Studios. ընկերությունների հիմնադիրներից մեկն է։

Ջորջ Միլլեր
Ծննդյան թիվ՝	մարտի 3, 1945(1945-03-03)[1][2][3][…] (79 տարեկան)
Ծննդավայր՝	Chinchilla, Քվինսլենդ, Ավստրալիա[4]
Քաղաքացիություն՝	Ավստրալիա
Մասնագիտություն՝	կինոռեժիսոր, կինոպրոդյուսեր, սցենարիստ, բժիշկ, պրոդյուսեր, հեռուստատեսային պրոդյուսեր, ռեժիսոր և դերասան
Պարգևներ՝	[5] [6] և
IMDb։	ID 0004306

Ավագ եղբայրը պրոդյուսեր Բիլ Միլլերն է։

Կենսագրություն

Միլլերը ծնվել է Քվինսլենդ նահանգի Բրիսբենում ներգաղթած հույն ծնողների ընտանիքում՝ Դիմիտրի (Ջիմ) Կաստրիսիոս Միլիոտիս և Անժելա Բալսոն։ Դիմիտրի Միլիոտիսը Կորֆի հունական կղզիներից էր, Ավստրալիայի արտագաղթից հետո փոխել է ազգանունը Միլլեր։ Բալսոնի մոր ընտանիքը հույն գաղթականների հետ գնացել են Փոքր Ասիա։ Նրանք ամուսնացել են և բնակություն հաստատել Շինշիլայում, ունել են 4 որդի՝ երկվորյակներ Ջորջն ու Ջոնը, Քրիսն ու Բիլլը։

Ջորջը սկզբում սովորել է Իպսուիչի քերականական դպրոցում, այնուհետև Սիդնեի տղաների միջնակարգ դպրոցում^[7]։ Դպրոցն ավարտելուց հետո, իր երկվորյակ եղբոր՝ Ջոնի հետ սովորել է Նոր Հարավային Ուելսի բժշկական համալսարանում։ 1971 թվականին բժշկական համալսարանում ուսուցման վերջին տարվա ընթացքում Ջորջն ու նրա եղբայր Քրիսը նկարահանել են մեկ րոպե տևողությամբ կարճամետրաժ ֆիլմ, որն ուսանողական մրցույթում գրավել է առաջին տեղը։ Նույն թվականին Ջորջը Մելբուռնի համալսարանում մասնակցել է կինոյի սեմինարների, որտեղ նա ծանոթացել է Բայրոն Քեննեդիի հետ, ով դարձել է իր ընկերն ու գործընկերը համատեղ ֆիլմերի նախագծերում։ 1972 թվականին Միլլերն ավարտել է Սուրբ Վինսենթի հիվանդանոցում հաստիքային պրոֆեսորի պաշտոնը և Քեննեդիի հետ միասին ողջ ազատ ժամանակն օգտագործել է փորձարարական կարճամետրաժ ֆիլմերի վրա։ Նույն թվականին ընկերները հիմնել են Kennedy Miller Productions ընկերությունը և միասին աշխատել են բազմաթիվ նախագծերի վրա։ 1983 թվականին ինքնաթիռի վթարի հետևանքով Քենեդիի մահից հետո, Միլլերը պահպանել է ընկերության անվանումը։ 2009 թվականին ընկերությունը վերանվանվել է Kennedy Miller Mitchell որպես պրոդյուսեր Դագ Միտչելի կարևորագույն դերի ճանաչման։

1979 թվականին Միլլերը նկարահանել է առաջին ֆիլմը Խելագար Մաքսի մասին։ Գլխավոր դերում նկարահանվել է երիտասարդ և այդ ժամանակ ճանաչում չգտած Մել Գիբսոնը։ Միլլերի առաջնելույթը, նկարահանվել է մի քանի հարյուր հազար ավստրալիական դոլարով, դարձել է միջազգային հիթ, տոմսարկղերում հավաքել է մոտավորապես 100 միլիոն դոլար։ Առաջին ֆիլմի հաջողությունից հետո ռեժիսորի վրա է թափվել Հոլիվուդում աշխատանքի առաջարկը։ Այնուամենայնիվ, Միլլերը շարունակել է Խելագար Մաքսի մասին սերիալը և 1981 թվականին նկարահանել է ֆիլմի շարունակությունը «Խելագար Մաքս 2։ Մարտիկի ճանապարհը»։ 1985 թվականին շարքը շարունակվել է «Խելագար Մաքս 3։ Ամպրոպի գմբեթի տակ»։ Չորրորդ ֆիլմը հայտնվել է 2015 թվականին։

Բացի Խելագար Մաքսի մասին սերիալից, Միլլերը գրել է «Չորս ոտանի երեխա» ֆիլմի համահեղինակային սցենարը և նկարահանել նրա շարունակությունը «Յուղ Լորենցո» ֆիլմը և համագործակցել է Նիք Էնրայթի հետ նրան սցենար գրելու համար։ Նա նաև նկարահանել է Իստվիկյան վհուկներ ֆիլմը, որտեղ գլխավոր դերերում նկարահանվել են Ջեք Նիկոլսոնը, Սյուզան Սարանդոնը, Շերն ու Միշել Պֆայֆերը։

Միլլերը Ավստրալիայի հեռուստատեսության համար բազմաթիվ հայտնի մինի-շարքերի պրոդյուսերն ու ռեժիսորն է, ինչպիսիք են՝ «The Dismissal» (1983) և ««Փախչել Կոբրայից» (1984)։

Միլլերը շատ ֆիլմերի և հեռուստատեսային մինի–սերիալների պրոդյուսերն է, որոնցից սկսել է իր կարիերան Նիկոլ Քիդմանի հետ՝ «Սիրախաղ», «Բանգկոկ Հիլթոն», «Մեռյալ անհողմություն» և «Վիետնամ»։

Միլլերը նաև «Ուրախ ոտքեր» անիմացիոն մուլտֆիլմի ստեղծողն է՝ Warner Bros.–ի կողմից արտադրված, Անտարկտիդայում պինգվինների կյանքի մասին երաժշտական էպոս^[8]։ Պրեմիերան տեղի է ունել 2006 թվականի նոյեմբերին։ Ունենալով դրամական հաջողություններ, լավագույն անիմացիոն լիամետրաժ ֆիլմ անվանակարգում «Ուրախ ոտքեր»–ը Միլլերին բերեց «Օսկար» մրցանակը։

Միլլերը Ավստրալիայի կինոյի ինստիտուտի, Բրիսբենի միջազգային և Սիդնեյի կինոփառատոնների հովանավորն է։

2011 թվականին նկարահանել է «Ուրախ ոտքեր 2»–ը։ 2009 թվականի հոկտեմբերի 24–ին Միլլերը հաստատել է, որ նրա հաջորդ նախագիծը լինելու է չորրորդ ֆիլմը Խելագար Մաքսի մասին «Խելագար Մաքս»^[9]։ Նկարահանումները սկսել են 2012 թվականի հուլիսին, իսկ էկրանների վրա ֆիլմը ցուցադրվել է 2015 թվականին։

Մրցանակներ և անվանակոչություններ

• 1982՝ Ավստրալիայի կինոյի ինստիտուտի մրցանակ լավագույն ռեժիսոր և մոնտաժ «Խելագար Մաքս 2։ Մարտիկի ճանապարհը»^[10]։
• 1987՝ Ավստրալիայի կինոյի ինստիտուտի մրցանակ լավագույն ֆիլմ՝ «Տարին, երբ ձայնս կոտրվեց»^[10]։
• 1990՝ Ավստրալիայի կինոյի ինստիտուտի մրցանակ լավագույն ֆիլմ՝ «Սիրախաղ»^[10]։
• 1993՝ Օսկար լավագույն օրիգինալ սցենարի համար անվանակարգում «Յուղ Լորենզո»^[10]։
• 1995՝ երկու անվանակարգերումՕսկար լավագույն ֆիլմի և լավագույն ադապտացված սցենարի համար՝ «Չորսոտանի երեխա»^[10]։
• 2007՝ Օսկար լավագույն անիմացիոն լիամետրաժ ֆիլմի համար՝ «Ուրախ ոտքեր»^[10]։
• 2007՝ BAFTA մրցանակ լավագույն անիմացիոն ֆիլմի համար՝ «Ուրախ ոտքեր»^[10]։
• 2009՝ Պարգևատրվել է ֆրանսիական «Արվեստի և գրականության շքանշանով»^[11]։
• 2010՝ Առաջին Ոչ-ամերիկյան ռեժիսոր, ով դարձել է Տեսողական ազդեցություն ստեղծող ընկերության պատվավոր անդամ։

^[12]

• 2016՝ Օսկար Երկու անվանակարգում լավագույն ռեժիսոր և լավագույն ֆիլմ «Խելագար Մաքս․ զայրույթի ճանապարհը»։

Kennedy Miller Mitchell

Ավստրալիական կինո ընկերություն Kennedy Miller Mitchell–ը հիմնադրվել է 1973 թվականին Ջորջ Միլլերի և Բայրոն Քեննեդիի կողմից՝ Kennedy Miller։ 2009 թվականին Ջորջ Միլլերն ու Դագ Միտչելլը վերանվանել են Kennedy Miller Mitchell։

Ֆիլմագրություն

Տարի	Հայերեն անվանում	Պաշտոնական անվանում	դեր
1979	Խելագար Մաքս	Mad Max	Ռեժիսոր
1981	Խելագար Մաքս 2։ Մարտիկի ճանապարհը	Mad Max 2	Ռեժիսոր
1983	Մթնշաղային գոտի	Twilight Zone: The Movie	Ռեժիսոր, սցենարիստ, պրոդյուսեր
1983	Վերջին բակը	The Last Bastion	Ռեժիսոր, սցենարիստ, պրոդյուսեր
1985	Խելագար Մաքս 3. Ամպրոպի գմբեթի տակ	Mad Max Beyond Thunderdome	Ռեժիսոր, սցենարիստ, պրոդյուսեր
1987	Իստվիկյան վհուկներ	The Witches of Eastwick	Ռեժիսոր, սցենարիստ, գործադիր պրոդյուսեր
1987	Տարին, երբ ձայնս կոտրվեց	The Year My Voice Broke	Պրոդյուսեր
1989	Մեռյալ անհողմություն	Dead Calm	Պրոդյուսեր
1991	Սիրախաղ	Flirting	Պրոդյուսեր
1992	Յուղ Լորենցո	Lorenzo's Oil	Ռեժիսոր, սցենարիստ, պրոդյուսեր
1995	Չորսոտանի երեխա	Babe	Սցենարիստ, պրոդյուսեր
1997	40 000 տարի քնել	40000 Years of Dreaming	Ռեժիսոր, սցենարիստ, պրոդյուսեր
1998	Խոզերը քաղաքում	Babe: Pig in the City	Ռեժիսոր, սցենարիստ, պրոդյուսեր
2006	Ուրախ ոտքեր	Happy Feet	Ռեժիսոր, սցենարիստ, պրոդյուսեր
2011	Ուրախ ոտքեր 2	Happy Feet Two	Ռեժիսոր, սցենարիստ, պրոդյուսեր
2015	Խելագար Մաքս. զայրույթի ճանապարհը	Mad Max: Fury Road	Ռեժիսոր, սցենարիստ, պրոդյուսեր
	Խելագար Մաքս	Mad Max: The Wasteland	Ռեժիսոր, սցենարիստ, պրոդյուսեր

Ծանոթագրություններ

1. Tikkanen A. Encyclopædia Britannica
2. Internet Speculative Fiction Database — 1995.
3. Babelio (ֆր.) — 2007.
4. Deutsche Nationalbibliothek Record #122616367 // Gemeinsame Normdatei (գերմ.) — 2012—2016.
5. https://www.gettyimages.be/detail/nieuwsfoto's/director-dr-george-miller-is-presented-with-frances-most-nieuwsfotos/97358113?language=fr
6. Australian honours system
7. «Kythera-Family.net — for the world-wide Kytherian community: George Miller». Արխիվացված է օրիգինալից 2013-01-12-ին. Վերցված է 2018-01-11-ին. {{cite web}}: no-break space character in |title= at position 19 (օգնություն)
8. Garry Maddox (2.12.2006). «The penguin suite» (անգլերեն). The Sydney Morning Herald (www.smh.com.au). Վերցված է 21.05.2015-ին.
9. «Mad Max: Fury Road to begin production immediately | thetelegraph.com.au». Արխիվացված է օրիգինալից 2010 թ․ հունվարի 17-ին. Վերցված է 2018 թ․ հունվարի 13-ին.
10. George Miller (II) — Awards
11. «Director George Miller to be awarded Ordre des Arts et des Lettres at Sydney's French Film Festival». Արխիվացված է օրիգինալից 2012 թ․ նոյեմբերի 16-ին. Վերցված է 2018 թ․ հունվարի 13-ին.
12. «Miller receives VES award». Արխիվացված է օրիգինալից 2016 թ․ մարտի 3-ին. Վերցված է 2018 թ․ հունվարի 13-ին.

Վիքիպահեստն ունի նյութեր, որոնք վերաբերում են «Ջորջ Միլլեր» հոդվածին։