Ջեյմս Տիսո

Ջեյմս Տիսո (անգլ.՝ James Tissot, հոկտեմբերի 15, 1836(1836-10-15)^{[1][2][3][…]}, Նանտ, Ատլանտյան Լուար, Հուլիսյան միապետություն^[4] - օգոստոսի 8, 1902(1902-08-08)^{[1][2][5][…]}, Chenecey-Buillon, Դու, Ֆրանսիա^[4]), ֆրանսիացի նկարիչ։ Աշխատել է Անգլիայում։

Ջեյմս Տիսո ֆր.՝ James Tissot
Ի ծնե	ֆր.՝ Jacques-Joseph Tissot
Կեղծանուն	Coïdé
Ծնվել է	հոկտեմբերի 15, 1836(1836-10-15)[1][2][3][…]
Ծննդավայր	Նանտ, Ատլանտյան Լուար, Հուլիսյան միապետություն[4]
Վախճանվել է	օգոստոսի 8, 1902(1902-08-08)[1][2][5][…] (65 տարեկան)
Մահվան վայր	Chenecey-Buillon, Դու, Ֆրանսիա[4]
Քաղաքացիություն	Ֆրանսիա
Կրթություն	Lycée Saint-François-Xavier de Vannes? և Փարիզի Գեղեցիկ արվեստների ազգային բարձրագույն դպրոց
Մասնագիտություն	նկարիչ, ծաղրանկարիչ և նկարիչ-փորագրող
Ոճ	ճապոնիզմ[6] և ռեալիզմ[7]
Ժանր	դիմապատկեր[4], Ֆիգուր[4], կենցաղային ժանր[4] և պատմական գեղանկարչություն[4]
Ուշագրավ աշխատանքներ	What Our Lord Saw from the Cross?, Le Cercle de la rue Royale?, Խանութի աղջիկը և La Fortune (James Tissot)?
Ուսուցիչ	Հիպոլիտ Ֆլանդրին և Լուի Լամոտ
Ներշնչվել է	Լուկաս Կրանախ Ավագ[8], Ջովանի Բելլինի[8], Վիտորե Կարպաչչո[8], Հանս Հոլբայն Կրտսեր[8] և Ալբրեխտ Դյուրեր[8]
Պարգևներ
Համատեղ ապրող	Kathleen Newton?
James Tissot Վիքիպահեստում

Կենսագրություն

Ծնվել է Նանտում:Սովորել է Գեղարվեստի դպրոցում, ինչպես նաև Դոմինիկ Էնգրի և ֆրանսիացի նկարիչ Ֆլանդրենի մոտ^[9]։

«Պարահանդես», 1880, Օրսե թանգարան, Փարիզ

Առաջին անգամ ցուցադրվել է Սալոնում 23 տարեկան հասակում։ 1861 թվականին ներկայացրել է «Ֆաուստի և Մարգարիտայի հանդիպումը» կտավը, որը պետությունը ձեռք է բերել Լյուքսեմբուրգյան պատկերասրահի համար։ Նկարչի առաջին շրջանը բնորոշվում է գեղեցիկ կանանց նկատմամբ ընդգծված ուշադրությամբ։ Դա մասնավորապես դրսևորվել է La Femme a Paris շարքում։

Ջեյմս Տիսոն կռվել է ֆրանս-պրուսական պատերազմում։ Նրան կասկածել են կոմունարներին համակրելու մեջ, ինչից հետո նկարիչը Փարիզից տեղափոխվել է Լոնդոն, որտեղ սկսել է փորագրություն սովորել Սեյմոն Հեդենի մոտ։ Նկարել է ծաղրանկարներ Vanity Fair ամսագրի համար, շատ դիմանկարներ ու ժանրային նկարներ։

1870 թվականին Տիսոն համդիպել է ամուսնուց բաժանված Քեթլին Նյուտոնի հետ, որը դարձել է նրա կյանքի ուղեկցուհին և շատ կտավների բնորդուհին։ Քեթլինը տեղափոխվել է նկարչի տուն և նրա հետ ապրել մինչև մահը` 1882 թվականին, երբ 28 տարեկան տարեկան հասակում վերջ է տվել կյանքին` լինելով թոքախտի վերջին շրջանում։

Նկարիչը լքել է Փարիզը, որտեղ վերադարձել էր Քեթլինի մահից հետո` ուղևորվելով Պաղեստին։ Այստեղ նա ձեռնամուխ է լինում իր գեղարվեստական ժառանգության հիմնական թեմային` ստեղծելով Հիսուսի կյանքը պատկերող 700 ջրաներկ նկար։ 1896 թվականին Նոր կտակարանի թեմայով 350 նկարները ներկայացվում են Փարիզում, հաջորդ տարի` Լոնդոնում։ Հետագայում դրանք տպագրվում են «Լեմերսիե» ամսագրում, ինչի համար նկարիչը ստանում է 1.100.000 ֆրանկ։ Ներկայումս մոտ 1.500 նկարից բաղկացած հավաքածուն գտնվում է Բրուքլինի թանգարանում։ Նկարիչը ստեղծել է նաև Հին կտակարանի թեմաներով գործեր` դրանց վրա աշխատելով մինչև իր կյանքի վերջը։

Տիսոյի`աստվածաշնչյան թեմաներով գործերի արժեքը ոչ այնքան կրոնական թեման է, ինչքան խնամքով կենցաղը իր դետալներով պատկերելու նրա ունակությունը։

• Հայեր Տիսոյի գծանկարներում
• 
• 
• 
• 
• 

Ծանոթագրություններ

1. Bibliothèque nationale de France data.bnf.fr (ֆր.): տվյալների բաց շտեմարան — 2011.
2. James Tissot (նիդերլ.)
3. Jacques Joseph Tissot (ֆր.) — ministère de la Culture.
4. RKDartists (նիդերլ.)
5. Encyclopædia Britannica
6. https://www.metmuseum.org/toah/hd/jpon/hd_jpon.htm
7. https://muse.jhu.edu/article/54202/summary
8. https://www.musee-orsay.fr/en/whats-on/exhibitions/presentation/james-tissot-1836-1902-ambiguously-modern#anchor-navigation-2
9. abcgallery.com: Jacques Joseph Tissot — Biography

Արտաքին հղումներ

• Ջեյմս Տիսոյի աշխատանքները Արխիվացված 2003-03-22 Wayback Machine

Վիքիպահեստն ունի նյութեր, որոնք վերաբերում են «Ջեյմս Տիսո» հոդվածին։