From Wikipedia, the free encyclopedia
Ջեյմս Բոնդի լողափ (անգլ.՝ James Bond Beach), լողափ Հյուսիսային Ճամայկայի Միդլսեքս կոմսության Սենթ Մերի ծխական համայնքի[1] Օրակաբեսա ավանի հյուսիսարևմտյան մասում[2]։ Ողողվում է Կարիբյան ծովի ջրերով, որն այդ վայրում ձկան արգելոց է հանդիսանում[3]։ Զբաղեցնում է թերակղզու 3 կողմերը[4], գրեթե քառակուսաձև է՝ 10000 մ2 մակերեսով և ձգվում է մոտ 350 մ։ Լողափին է գտնվում Moonraker բարը, որը բաց է բոլոր 4 կողմերից և տեղավորում է 200 այցելու և ռեստորանը։ «Քառակուսու» կենտրոնն իրենից ներկայացնում է մեծ բացատ, որտեղ պարբերաբար անց են կացվում երաժշտական համերգներ․ մասնավորապես՝ այստեղ ելույթ են ունեցել Ռիհաննան, Զիգգին և Բոբ Մառլին, Լորին Հիլը։ Լողափ մտնելն արժե 350 ճամայկական դոլար[1]։
Անանուն լողափն իր ներկայիս անունն ստացել է այն բանից հետո, երբ 1961-1962 թվականներին այստեղ տեղի ունեցան բրիտանացի սուպերգործակալ Ջեյմս Բոնդի մասին պատմող կինոսերիայի առաջին ֆիլմի՝ «Դոկտոր Նոու»-ի գլխավոր տեսարանների նկարահանումները[5]։ Այս ֆիլմում հենց այս լողափ ջրից դուրս եկավ «Բոնդի առաջին ընկերուհին»՝ Ուրսուլա Անդրեսը սպիտակ լողազգեստով, որը ցնցեց ողջ աշխարհը[6][7][8]։ Ոչ հեռու գտնվող առանձնատանն էր ապրում նաև Յան Ֆլեմինգը՝ Ջեյմս Բոնդի ստեղծողը[9]։ Այնուամենայնիվ, այդ գաղտնի սուպերգործակալի թեման լողափին և նրա հաստատություններում գրեթե ոչ մի կերպ բացահայտված չէ, համապատասխան սնահավատություններ լողափին նույնպես չկան[10]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.