Պատաշար (ամրոց)

Պատաշար, ավերված ամրոց Տավուշի մարզի Կողբից 5․5 կմ հարավ-արևմուտք։ Արևմտյան, արևելյան և հարավային կողմերից զառիթափ, իսկ հյուսիսային կողմից՝ մեղմաթեք լանջերով բարձունքի գագաթին։ Ամրոցի մնացորդները շրջապատված են գագաթի եզրագծին համապատասխան՝ արևմուտքում ձգվածությամբ, եռանկյունաձև հատակագիծ ունեցող պարսպապատերով։ Ամրոցը ավերված է։ Տեղ-տեղ կան պահպանված հատվածներ, որից կարելի է ենթադրել, որ ամրոցի պատշարը ունեցել է 3 մետր լայնություն, որը կառուցված է եղել անմշակ և խոշորածավալ քարերից։ Ամրոցը հյուսիս-արևմտյան, հարավ-արևմտյան, և արևմտյան անկյուններում ունեցել է աշտարակներ (պահպանվել են մնացորդները)։ Մուտքը եղել է հյուսային կողմից։ Ամրոցի տարածքից հայտնաբերվել են մ․թ․ա․ 1-ին հազարամյակի սկզբով թվագրված խեցեղենի բեկորներ։ Պահպանության տարածքը կազմում է 3,67 հա հողատարածք, իսկ հուշարձանինը՝ 0,5 հա^[2][3]։

Պատաշար
Տեսակ	կիկլոպյան կառույց
Հասցե	Կողբ գյուղից 5․5 կմ հարավ-աևմուտք
Վարչական միավոր	Կողբ[1]
Երկիր	Հայաստան
Կազմված է մասերից	Բնակատեղի «Հորերի դոշ» և Դամբարանադաշտ
Կառուցված	մ․թ․ա․ I հազարամյակի սկիզբ
Շինանյութ	անմշակ և խոշորածավալ քարեր
Ունի ձև	վեցակողմ
Ընթացիկ վիճակ	ավերված, պահպանվել են հիմքերը, պատերի որոշ հատվածներ
Բաց է հանրության համար	այո

ՀՀ կառավարության 2004 թվականի դեկտեմբերի 30-ի թիվ 1929-Ն որոշմամբ ներառվել է Կողբի պատմության և մշակույթի անշարժ հուշարձանների ցանկում^[4]։

Տես նաև

• Կողբի պատմության և մշակույթի անշարժ հուշարձանների ցանկ (Տավուշի մարզ)