Պաոլո Հուրտադո

Քրիստոֆեր Պաոլո Սեսար Հուրտադո Հուերտաս (իսպ.՝ Cristopher Paolo César Hurtado Huertas, հուլիսի 27, 1990(1990-07-27)^[1], Կալյաո, Պերու), պերուացի ֆուտբոլիստ, թուրքական «Կոնյասպոր» ակումբի և Պերուի ազգային հավաքականի վինգեր։ 2018 թվականի աշխարհի առաջնության մասնակից։

Պաոլո Հուրտադո
Անձնական տվյալներ
Քաղաքացիությունը	Պերու
Ծննդյան ամսաթիվ	հուլիսի 27, 1990(1990-07-27)[1] (34 տարեկան)
Ծննդավայր	Կալյաո, Պերու
Հասակ	177 սմ[2]
Դիրք	վինգեր
Ակումբային տեղեկություններ
Ներկա ակումբ	Կոնյասպոր
Համար	—
Մասնագիտական կարիերա*
Տարի	Ակումբ	Խաղ	(Գոլ)
2008-2012 Ալյանսա Լիմա 83 (14) 2009 →  Խուան Աուրիչ 21 (3) 2012-2015 Պասուշ դե Ֆերեյրա 56 (12) 2014 →  Պենյառոլ 10 (0) 2015-2017 Ռեդինգ 5 (0) 2016-2017 →  Վիտորիա Գիմարայնշ 38 (7) 2017-2018 Վիտորիա Գիմարայնշ 25 (11) 2018— Կոնյասպոր 0 (0)
Ազգային հավաքական‡
2011— Պերու 34 (3)
* Մասնագիտական կարիերայում ընդգրկված են միայն առաջնության խաղերը և գոլերը  ըստ 25 մայիսի, 2018: ‡ Ազգային հավաքականի խաղերն ու գոլերը ըստ 5 հուլիսի, 2018

Ակումբային կարիերա

Հուրտադոն «Վիտորիա Գիմարայնշի» կազմում

Հուրտադոն իր կարիերան սկսել է «Ալյանսա Լիմա» ակումբում։ 2008 թվականին կատարել է իր նորամուտը Պերուի առաջնությունում։ Մարտի 10-ին՝ «Սեսար Վալեխո» ակումբի դեմ խաղում Պոլոն խփել է իր առաջին գոլը մայրաքաղաքային ակումբի կազմում^[3]։ 2009 թվականին վարձավճարային հիմունքներով տեղափոխվել է «Խուան Աուրիչ»։ Ապրիլի 19-ին՝ «Սպորտ Անկաշ» ակումբի դեմ խաղում նա կատարել է իր նորամուտը նոր թիմի կազմում^[4]։ Մայիսի 10-ին՝ «Սեսար Վալեխո» ակումբի դեմ խաղում Հուրտադոն խփել է իր առաջին գոլը հօգուտ «Խուան Աուրիչի»^[5]։ Վարձավճարային պայմանագրի ժամկետի ավարտից հետո Պաոլոն դարձել է «Ալյանսա Լիմայի» հիմնական կազմի խաղացող։

2012 թվականի ամռանը Հուրտադոն տեղափոխվել է պորտուգալական «Պասուշ դե Ֆերեյրա»։ Օգոստոսի 19-ին «Մորեյրենսե» ակումբի դեմ խաղում Հուրտադոն կատարել է իր նորամուտը Սանգրիշ Լիգայում^[6]։ Սեպտեմբերի 2-ին՝ «Բրագա» ակումբի դեմ խաղում Պաոլոն խփել է իր առաջին գոլը հօգուտ «Պասուշի»^[7]։

2014 թվականին Հուրտադոն վարձավճարային հիմունքներով տեղափոխվել է ուրուգվայական «Պենյառոլ»։ Փետրվարի 23-ին մայրաքաղաքային «Ռասինգ» ակումբի դեմ խաղում նա կատարել է իր նորամուտը Ուրուգվայի առաջնությունում^[8]։ Նույն թվականի ամռանը Պաոլոն վերադարձել է Պորտուգալիա։

2015 թվականի ամռանը Հուրտադոն տեղափոխվել է անգլիական «Ռեդինգ»՝ կնքելով երեք տարվա պայմանագիր^[9]։ Սեպտեմբերի 19-ին «Բրիստոլ Սիթի» ակումբի դեմ խաղում նա կատարել է իր նորամուտը Չեմպիոնշիպում^[10]։ Չկարողանալով ամրապնդել իր դիրքերը Անգլիայում և «Ռեդինգի» կազմում մասնակցելով միայն առաջնության հինգ խաղի՝ Հուրտադոն 2016 թվականի հունվարին վարձավճարային հիմունքներով տեղափոխվել է պորտուգալական «Վիտորիա» (Գիմարայնշ) մինչև 2015/16 մրցաշրջանի ավարտը^[11]։ Փետրվարի 21-ին՝ «Բրագա» ակումբի դեմ խաղում նա կատարել է իր նորամուտը նոր թիմի կազմում^[12]։ Մայիսի 14-ին «Արոկա» ակումբի դեմ խաղում Պոլոն խփել է իր առաջին գոլը «Վիտորիայի» կազմում^[13]։ Մրցաշրջանի ավարտին ակումբը գնել է Հուրտադոյի տրանսֆերը «Ռեդինգից»։

2018 թվականի ամռանը Պաոլոն տեղափոխվել է թուրքական «Կոնյասպոր»։

Միջազգային կարիերա

2011 թվականի սեպտեմբերի 3-ին Բոլիվիայի հավաքականի դեմ ընկերական խաղում Հուրտադոն կատարել է իր նորամուտը Պերուի հավաքականում^[14]։ 2013 թվականի մարտի 27-ին Տրինիդադ և Տոբագոյի հավաքականի դեմ խաղում Պաոլոն խփել է իր առաջին գոլը Պերուի հավաքականի կազմում^[15]։

2015 թվականին Պաոլոն Պերուի հավաքականի կազմում դարձել է Չիլիում անցկացվող Ամերիկայի գավաթի խաղարկության բրոնզե մեդալակիր։ Մրցաշարի ընթացքում նա մասնակցել է Պարագվայի^[16], Վենեսուելայի^[17], Կոլումբիայի^[18] և Բոլիվիայի^[19]։

2018 թվականին Հուրտադոն մասնակցել է Ռուսաստանում անցկացվող աշխարհի առաջնությանը, որի ընթացքում խաղացել է Ավստրալիայի հավաքականի դեմ^[20]։

Գոլերը Պերուի հավաքականում

#	Ամսաթիվ	Վայր	Հակառակորդ	Հաշիվ	Արդյունք	Մրցություն
01.	27 մարտի, 2013	Ազգային մարզադաշտ, Լիմա, Պերու	Տրինիդադ և Տոբագո	2:0	3:0	Ընկերական խաղ
02.	10 սեպտեմբերի, 2013	Խոսե Անտոնիո Անսոատեգի, Պուերտո Լա Կրուս, Վենեսուելա	Վենեսուելա	0:1	2:3	ԱԱ-2014 որակավորում
03.	5 սեպտեմբերի, 2017	Օլիմպիկո Ատալուալպա, Կիտո, Էկվադոր	Էկվադոր	0:2	1:2	ԱԱ-2018 որակավորում

Ձեռքբերումներ

Միջազգային

Պերու

• 03 Ամերիկայի գավաթ – 2015

Ծանոթագրություններ

1. Transfermarkt.com(բազմ․) — 2000.
2. Reading FC Player Profiles Արխիվացված 2016-03-30 Wayback Machine
3. «Սեսար Վալեխո VS. Ալյանսա Լիմա 2:3» (անգլերեն). soccerway.com. 2008 թ․ մարտի 10.
4. «Սպորտ Անկաշ VS. Խուան Աուրիչ 0:0» (անգլերեն). soccerway.com. 2009 թ․ ապրիլի 19.
5. «Խուան Աուրիչ VS. Սեսար Վալեխո 3:0» (անգլերեն). soccerway.com. 2009 թ․ մայիսի 10.
6. «Պասուշ դե Ֆերեյրա VS. Մորեյրենսե 1:1» (անգլերեն). soccerway.com. 2012 թ․ օգոստոսի 19.
7. «Պասուշ դե Ֆերեյրա VS. Բրագա 2:0» (անգլերեն). soccerway.com. 2012 թ․ սեպտեմբերի 2.
8. «Պենյառոլ VS. Ռասինգ Մոնտեվիդեո 1:1» (անգլերեն). soccerway.com. 2014 թ․ փետրվարի 23.
9. «Hurtado signs three-year deal at Reading». www.readingfc.co.uk. Reading F.C. Վերցված է 2015 թ․ օգոստոսի 12-ին.
10. «Бристоль Сити VS. Рединг 0:2» (անգլերեն). soccerway.com. 2015 թ․ սեպտեմբերի 19.
11. «Hurtado joins Vitória de Guimarães on loan» (անգլերեն). Reading Football Club. 2016 թ․ հունվարի 28. Վերցված է 2016 թ․ հունվարի 29-ին.
12. «Բրագա VS. Վիտորիա Գիմարայնշ 3:3» (անգլերեն). soccerway.com. 2016 թ․ փետրվարի 21.
13. «Արոկա VS. Վիտորիա Գիմարայնշ 2:2» (անգլերեն). soccerway.com. 2016 թ․ մայիսի 14.
14. «Պերու VS. Բոլիվիա 2:2» (անգլերեն). soccerway.com. 2011 թ․ սեպտեմբերի 3.
15. «Պերու VS. Տրինիդադ և Տոբագո 3:0» (անգլերեն). soccerway.com. 2013 թ․ մարտի 27.
16. «Պերու VS. Պարագվայ 2:0» (անգլերեն). soccerway.com. 2015 թ․ հուլիսի 4.
17. «Պերու VS. Վենեսուելա 1:0» (անգլերեն). soccerway.com. 2015 թ․ հունիսի 19.
18. «Կոլումբիա VS. Պերու 0:0» (անգլերեն). soccerway.com. 2015 թ․ հունիսի 21.
19. «Պերու VS. Բոլիվիա 1:3» (անգլերեն). soccerway.com. 2015 թ․ հունիսի 26.
20. «Ավստրալիա VS. Պերու 0:2» (անգլերեն). soccerway.com. 2018 թ․ հունիսի 26.

Արտաքին հղումներ

• Ֆուտբոլիստի էջը soccerway.com կայքում(անգլ.)
• Ֆուտբոլիստի էջը sports.ru կայքում
• Paolo Hurtado at footballdatabase.eu
• Վիճակագրությունը National Football Teams կայքում(անգլ.)

Վիքիպահեստն ունի նյութեր, որոնք վերաբերում են «Պաոլո Հուրտադո» հոդվածին։