Չորլու

Չորլու (թուրքերեն՝ Çorlu), քաղաք Թուրքիայի հյուսիսարևմտյան մասում, Թեքիրդաղի մարզում։ Քաղաքը գտնվում է Հունաստանի և Բուլղարիայի սահմաններից 100 կիլոմետր հեռավորության վրա։

Քաղաք
Չորլու
թուրքերեն՝ Çorlu
Երկիր	Թուրքիա
Մարզ	Թեքիրդաղի մարզԹեքիրդաղի մարզ
Համայնք	Tekirdağ Metropolitan Municipality? և Թեքիրդաղի մարզ
Ներքին բաժանում	Alipaşa?, Şeyhsinan?, Muhittin?, Reşadiye?, Nusratiye?, Hürriyet?, Esentepe?, Rumeli?, Önerler?, Silahtarağa?, Yenice?, Türkgücü?, Seymen?, Şahpaz?, Sarılar?, Deregündüzlü? և Maksutlu?
Մակերես	899 կմ²
ԲԾՄ	193 մետր
Պաշտոնական լեզու	թուրքերեն
Խոսվող լեզուներ	թուրքերեն
Բնակչություն	200 577 մարդ (2008)
Ագլոմերացիա	236 682
Ժամային գոտի	UTC+2, ամառը UTC+3
Հեռախոսային կոդ	282
Փոստային դասիչ	59850, 59860, 59870
Ավտոմոբիլային կոդ	59
Պաշտոնական կայք	corlu.gov.tr
Չորլու (Թուրքիա)
Չորլու Վիքիպահեստում

Պատմություն

Հնում այս վայրերում եղել է փռյուգիական գաղութ Ցիրալումը։ Հռոմեական տիրապետության ժամանակներում քաղաքը վերանվանվել է Կենոֆրուրիում, որտեղ էլ սպանվել է Ավրելիանոս կայսրը 275 թվականին։ Ավելի ուշ քաղաքը կարևոր վարչական կենտրոն էր, ինչը հնարավորություն էր տալիս Հռոմին վերահսկելու Թրակիան։ Երբ Մուրադ I սուլթանը գրավեց այս տեղանքները, հրամայեց քանդել հռոմեական ամրությունները։ 1511 թվականի օգոստոսին, օսմանյան պալատական կռիվների ժամանակ, Չորլուից մի քանի կիլոմետր հեռավորության վրա գտնվող Ուգրաշդերե գյուղի մոտ Բայազիդ II-ը հաղթեց իր որդուն` Սելիմ I-ին։ Երբ հաջորդ տարի Սելիմը կարողացավ գահընկեց անել Բայազիդին, վտարված սուլթանը մահացավ Չորլուի ճանապարհին։ 8 տարի անց Չորլուում էլ մահացավ Սելիմ I-ը։ Նրանք երկուսն էլ թաղված են Ստամբուլում։

Ղրիմի պատերազմի ժամանակ այս շրջանը վերաբնակեցվեց թուրք փախստականներով, ովքեր փախել էին ռուս ասպատակությունների արդյունքում։ Ռուս-թուրքական պատերազմի ժամանակ տարածքը որոշ ժամանակով օկուպացվել է ռուսական զորքերի կողմից։

1912 թվականին քաղաքում ապրում էին 13 500 թուրքեր, 11 100 հույներ, 1600 հայեր և 1300 հրեաներ^[1]։ 2008 թվականի տվյալներով քաղաքի բնակչությունը կազմում է 200 577 մարդ։

Առաջին Բալկանյան պատերազմի ժամանակ Չորլուում էր տեղակայված թուրքական բանակի շտաբը։ 1912 թվականին քաղաքը գրավել էին բուլղարական զորքերը։ Թուրքիան ետ վերադարձրեց քաղաքը 1913 թվականի հուլիսին։ Թուրքիայի անկախության պատերազմի ժամանակ քաղաքը գրավվել էր հունական զորքերի կողմից։

Ծանոթագրություններ

1. George Sotiriadis: An Ethnological Map Illustrating Hellenism in the Balkan Peninsula and Asia Minor, 1918

Արտաքին հղումներ

Վիքիպահեստն ունի նյութեր, որոնք վերաբերում են «Չորլու» հոդվածին։