Ուռուտ (Լոռու մարզ)

Ուռուտ, գյուղ Հայաստանի Հանրապետության Լոռու մարզի Լոռի Բերդ համայնքում^[1]։

Անվան այլ կիրառումների համար տե՛ս՝ Ուռուտ (այլ կիրառումներ)

Գյուղ
Ուռուտ
Երկիր	Հայաստան
Մարզ	ԼոռուԼոռու մարզ|Լոռու
Համայնք	Լոռի Բերդ (համայնք) | Լոռի Բերդ համայնք[1]
ԲԾՄ	1450 մետր
Պաշտոնական լեզու	հայերեն
Բնակչություն	▼1020 մարդ (2011)[2]
Տեղաբնականուն	ուռուտեցի
Ժամային գոտի	UTC+4
Ուռուտ (Լոռու մարզ) (Հայաստան)

Աշխարհագրություն

Ստեփանավան քաղաքից մոտ 4 կմ հյուսիս, Ուռուտ գետի հովտում։

Պատմություն

Ուռուտ գյուղի անունը առաջացել է Խրուտ տեղանունից։ Ուռուտ գյուղում պահպանվել է 4-րդ դարի բազիլիկ եկեղեցի, որը XIX դարում վերանորոգվել է։ Սուրբ Սարգիս եկեղեցին ամբողջապես վերականգնվել է 2019թ. Գուգարաց թեմի առաջնորդ Սեպուհ արքեպիսկոպոս Չուլջյանի նախաձեռնությամբ, ճարտարապետ Սուրեն Աբովյանի նախագծով։

Գյուղն ունի միջնակարգ դպրոց։ 1988 թ. Սպիտակի երկրաշարժի հետևանքով գյուղը ենթարկվել է լուրջ ավերածությունների։ Զոհեր չեն եղել։

Բնակչություն

Ըստ Հայաստանի 2011 թ. մարդահամարի արդյունքների՝ Ուռուտի մշտական բնակչությունը կազմել է 1020, առկա բնակչությունը՝ 933 մարդ^[3]։ Բնակիչները հայեր են, որոնց մի մասի նախնիները գաղթել են Էրզրումի Սանամեր գյուղից և Անիի շրջակայքի գյուղերից^[4]։

Ուռուտի բնակչության փոփոխությունը ժամանակի ընթացքում՝ ստորև^[5].

Տարի	Բնակչություն
1873	413 մարդ	[6]
1879	767 մարդ	[6]
1926	1225 մարդ	[6]
1939	1477 մարդ	[6]
1959	1399 մարդ	[6]
1970	1181 մարդ	[6]
1979	1103 մարդ	[6]
1989	1224 մարդ	[6]
2001	1204 մարդ	[6]
2011	1020 մարդ	[2]

Տնտեսություն

Բնակչությունը զբաղվում է գյուղատնտեսական կուլտուրաների մշակմամբ և անասնապահությամբ։

Հայտնի տեղաբնակներ

• Նորիկ Խալաթյան - գիտությունների դոկտոր, միջուկային ֆիզիկոս
• Վաչագան Խալաթյան - գիտությունների թեկնածու։

Տես նաև

• Ուռուտի պատմության և մշակույթի անշարժ հուշարձանների ցանկ (Լոռու մարզ)

Ծանոթագրություններ

1. Տեղեկություններ Լոռի Բերդ համայնքի մասին Լոռու մարզպետարանի կայքում, (արխիվացված 10․11․2023 թվականին)։
2. Հայաստանի 2011 թ. մարդահամարի արդյունքները (հայ.)
3. 2011 թ Հայաստանի մարդահամարի արդյունքները
4. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 5 [-] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 2001, էջ 204 — 916 էջ։
5. «Հայաստանի հանրապետության բնակավայրերի բառարան, էջ 200» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2013 Նոյեմբերի 11-ին.
6. Հայաստանի բնակավայրերի բառարան (հայ.) — Երևան: 2008. — 184 p.

Արտաքին հղումներ

• Լոռու մարզպետարան Արխիվացված 2013-06-24 Wayback Machine