Նյուտոն (չափման միավոր)

Նյուտոն (նշանակումը՝ Ն), ուժի չափման միավոր Միավորների միջազգային համակարգում։ Ընդունված միջազգային անվանումը - newton (նշանակումը՝ N).

Անվան այլ կիրառումների համար տե՛ս՝ Նյուտոն

Ելնելով Նյուտոնի երկրորդ օրենքից այն որոշվում է որպես ուժ, որը 1 վ-ի ընթացքում փոխում է 1 կգ զանգվածով մարմնի արագությունը 1 մ/վ-ով այդ ուժի կիրառման ուղղությամբ։ Այսպիսով, 1 Ն = 1 կգ·մ/վ².

Միավորը այսպես է կոչվել անգլիացի ֆիզիկոս Իսահակ Նյուտոնի պատվին, որը հայտնաբերել է շարժման օրենքները և կապել է ուժի, զանգվածի և արագացման հասկացությունները։ Իր աշխատություններում, սակայն, Իսահակ Նյուտոնը չէր օգտագործում ուժի չափման միավոր, դիտարկելով այն որպես վերացական երևույթ^[1]։ Ուժի չափումը նյուտոններով սկսեցին մեծ գիտնականի մահվանից ավելի քան երկու հարյուր տարի անց, երբ ընդունվեց ՍԻ համակարգը։

Այլ միավորների հետ կապը

Այլ չափման միավորների հետ նյուտոնը կապում են հետևյալ արտահայտությունները՝

• 1 Ն = 10⁵ Դին։
• 1 Ն ≈ 0.10197162 կգու.
• 1 Ն = 10⁻³ սթեն.
• 1 Ն ≈ 8.262619 * 10⁻⁴⁵ F_p.

Ծանոթագրություններ

1. «Նյուտոնի մեխանիկան. Մարիո Լյոցցի». Արխիվացված է օրիգինալից 2010-01-25-ին. Վերցված է 2012-01-25-ին.

Վիքիպահեստն ունի նյութեր, որոնք վերաբերում են «Նյուտոն (չափման միավոր)» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 329)։