Remove ads
Նիկլաս Զյուլե (գերմ.՝ Niklas Süle, սեպտեմբերի 3, 1995[1], Ֆրանկֆուրտ, Դարմշտադտի վարչական շրջան, Հեսսեն, Գերմանիա), գերմանացի պրոֆեսիոնալ ֆուտբոլիստ։ Ներկայումս հանդես է գալիս Բավարիա Մյունխենի և Գերմանիայի ազգային հավաքականի կազմում։ Խաղում է կենտրոնական պաշտպանի դիրքում[2]։
 Niklas Süle | |||
|---|---|---|---|
 Զյուլեն Գերմանիայի հավաքականի կազմում 2018 թվականին | |||
| Անձնական տվյալներ | |||
| Քաղաքացիությունը |
 Գերմանիա | ||
| Ծննդյան ամսաթիվ | սեպտեմբերի 3, 1995[1] (29 տարեկան) | ||
| Ծննդավայր | Ֆրանկֆուրտ, Դարմշտադտի վարչական շրջան, Հեսսեն, Գերմանիա | ||
| Հասակ | 195 սմ | ||
| Քաշ | 97 կգ | ||
| Դիրք | կենտրոնական պաշտպան | ||
| Ակումբային տեղեկություններ | |||
| Ներկա ակումբ |
Բավարիա Մյունխեն | ||
| Համար | 4 | ||
| Պատանեկան կարիերա | |||
|
Ռոտ-Վայս Վալդորֆ
| |||
| 2006-2009 |
Այնտրախտ Ֆրանկֆուրտ | ||
| 2009-2010 |
Դարմշտադտ | ||
| 2010-2013 |
Հոֆենհայմ | ||
| Մասնագիտական կարիերա* | |||
| Տարի | Ակումբ | Խաղ (գոլ) | |
| 2012-2013 |
Հոֆենհայմ II | 6 | (0) |
| 2013-2017 |
Հոֆենհայմ | 108 | (7) |
| 2017-ներկա |
Բավարիա Մյունխեն | 66 | (4) |
| Ազգային հավաքական‡ | |||
| 2010-2011 |
Գերմանիա Մ16 | 10 | (2) |
| 2011-2012 |
Գերմանիա Մ17 | 17 | (3) |
| 2012-2013 |
Գերմանիա Մ18 | 4 | (0) |
| 2013 |
Գերմանիա Մ19 | 3 | (0) |
| 2014-2017 |
Գերմանիա Մ21 | 15 | (1) |
| 2016 |
Գերմանիա Օլիմպ | 6 | (0) |
| 2016-ներկա |
Գերմանիա | 24 | (1) |
|
| |||
Պարգևներ
| |||
|
* Մասնագիտական կարիերայում ընդգրկված են միայն առաջնության խաղերը և գոլերը | |||
Remove ads
Հոֆենհայմ
Զյուլեն հանդես է եկել Ռոտ-Վայս Վալդորֆի, Այնտրախտ Ֆրանկֆուրտի և Դարմշտադտի ակադեմիաներում[3][4]։ 2010 թվականին նա միացավ Հոֆենհայմի երիտասարդական թիմին[5]։ Իր պրոֆեսիոնալ դեբյուտը նշեց 2013 թվականի մայիսի 11-ին՝ մեկնարկային կազմում խաղադաշտ դուրս գալով Համբուրգի դեմ խաղում[6]։ Իր առաջին գոլը պրոֆեսիոնալ կարիերայում խփեց սեպտեմբերի 24-ին՝ Գերմանիայի գավաթի Էներգի Կոտբուսի դեմ խաղում[7]։ Բունդեսլիգայում առաջին գոլը խփեց նոյեմբերի 2-ին՝ Բավարիա Մյունխենի դեմ խաղում[8]։ Նոյեմբերի 13-ին Զյուլեն երկարաձգեց իր պայմանագիրը Հոֆենհայմի հետ մինչև 2017 թվականը[9]։ 2013-14 մրցաշրջանում գերմանացին անցկացրեց 28 հանդիպում՝ դառնալով 5 գոլի հեղինակ[10]։
2014 թվականի նոյեմբերի 29-ին Զյուլեն գոլի հեղինակ դարձավ Հանովերի դեմ խաղւմ՝ օգնելով Հոֆենհայմին հաղթել 4-3 հաշվով[11]։ Դեկտեմբերի 12-ին՝ Այնտրախտ Ֆրանկֆուրտի դեմ հանդիպման 10-րդ րոպեին գերմանացին ստացավ ծնկի ծանր վնասվածք[12]՝ բաց թողելով մրցաշրջանի շարունակությունը[13]։ 2015 թվականի օգոստոսի 1-ին Զյուլեն երկարաձգեց իր պայմանագիրը ակումբի հետ մինչև 2019 թվականը[14]։ 2016 թվականի հոկտեմբերի 30-ին նա խփեց Հերթա Բեռլինի դեմ հանդիպման միակ գնդակը՝ 1-0 հաշվով հաղթանակ պարգևելով իր թիմին[15][16]։ 2016-17 մրցաշրջանում Հոֆենհայմը շատ լավ հանդես եկավ՝ զբաղեցնելով 4-րդ հորիզոնականը Բունդեսլիգայում[17][18], իսկ Զյուլեն ընդգրկվեց տարվա խորհրդանշական հավաքականում[19][20]։ Ակումբի կազմում գերմանացին անցկացրեց 117 հանդիպում՝ դառնալով 8 գոլի և 4 գոլային փոխանցման հեղինակ։
Բավարիա Մյունխեն
2017 թվականի հունվարի 15-ին Զյուլեն 5 տարվա պայմանագիր կնքեց Բավարիա Մյունխենի հետ[21][22], որը ուժի մեջ մտավ 2017 թվականի հուլիսից[23][24][25]։ Իր դեբյուտը ակումբի կազմում նշեց օգոստոսի 5-ին՝ փոխարինելով Խավի Մարտինեսին Գերմանիայի սուպերգավաթի Բորուսիա Դորտմունդի դեմ խաղում[26], այս խաղում իրացնելով իր 11-մետրանոցը և օգնելով Բավարիային հաղթել հետխաղյա հարվածաշարում[27][28]։ Իր առաջին գոլը Զյուլեն խփեց օգոստոսի 18-ին՝ Բայեր Լևերկուզենի դեմ խաղում[29][30]։ Առաջին հանդիպումը եվրոպական առաջնություններում անցկացրեց սեպտեմբերի 12-ին՝ Չեմպիոնների Լիգայի խմբային փուլի Անդերլեխտի դեմ խաղում[31][32]։ 2018 թվականի մայիսի 19-ին նա մեկնարկային կազմում խաղադաշտ դուրս եկավ Գերմանիայի գավաթի եզրափակչի Այնտրախտ Ֆրանկֆուրտի դեմ խաղում[33], սակայն Բավարիան պարտվեց 3-1 հաշվով[34][35]։ Իր առաջին մրցաշրջանում Զյուլեն անցկացրեց 42 հանդիպում՝ դառնալով 2 գոլի և 2 գոլային փոխանցման հեղինակ[36], իսկ Բավարիան հաղթեց Բունդեսլիգան[37][38] և հասավ Չեմպիոնների Լիգայի կիսաեզրափակիչ[39][40], որտեղ երկու խաղերի արդյունքում պարտվեց Ռեալ Մադրիդին[41][42]։
.jpg)
2018 թվականի օգոստոսի 12-ին Զյուլեն մասնակցեց Գերմանիայի սուպերգավաթի Այնտրախտ Ֆրանկֆուրտի դեմ խաղին[43]՝ օգնելով Բավարիային հաղթել 5-0 հաշվով և նվաճել գավաթը[44][45]։ Նոյեմբերի 24-ին գերմանացին գոլի հեղինակ դարձավ Ֆորտունա Դյուսելդորֆի դեմ խաղում, իսկ հանդիպումն ավարտվեց 3-3 հաշվով[46][47]։ 2019 թվականի ապրիլի 3-ին նա հեռացվեց խաղադաշտից Գերմանիայի գավաթի Հայդենհայմի դեմ խաղում՝ կարմիր քարտ ստանալով հանդիպման 16-րդ րոպեին[48]։ Ապրիլի 20-ին Զյուլեն խփեց Վերդեր Բրեմենի դեմ հանդիպման միակ գնդակը՝ 1-0 հաշվով հաղթանակ պարգևելով իր թիմին[49][50]։ Մայիսի 25-ին նա թիմի մեկնարկային կազմում խաղադաշտ դուրս եկավ Գերմանիայի գավաթի եզրափակչի ՌԲ Լայպցիգի դեմ խաղում[51], իսկ Բավարիան հաղթեց 3-0 հաշվով[52][53]։ 2018-19 մրցաշրջանում Զյուլեն անցկացրեց 42 հանդիպում[54]՝ դառնալով 2 գոլի հեղինակ և օգնելով իր թիմին նվաճել Բունդեսլիգան[55][56]։
2019 թվականի օգոստոսի 3-ին Զյուլեն թիմի մեկնարկային կազմում խաղադաշտ դուրս եկավ Գերմանիայի սուպերգավաթի Բորուսիա Դորտմունդի դեմ խաղում[57], սակայն Բավարիան պարտվեց 2-0 հաշվով[58][59]։ Հոկտեմբերի 19-ին՝ Աուգսբուրգի դեմ խաղում[60] նա կրկին ստացավ ծնկի խաչաձև կապանների վնասվածք[61][62]՝ բաց թողելով 8-10 ամիս[63][64]։
.jpg)
Remove ads
Զյուլեն ներկայացրել է Գերմանիան բոլոր տարիքային երիտասարդական հավաքականներում[65][66]։ 2012 թվականին նա մինչև 17 տարեկանների հավաքականի կազմում մասնակցեց Եվրոպայի առաջնությանը՝ անցկացնելով 4 հանդիպում[67]։ Գերմանիան հասավ մրցաշարի եզրափակիչ, որտեղ հետխաղյա 11-մետրանոցների հարվածաշարում պարտվեց Նիդերլանդներին[68][69]։ 2016 թվականին Զյուլեն մասնացկեց ամառային օլիմպիական խաղերին[70][71][72]՝ խաղադաշտ դուրս գալով թիմի բոլոր 6 հանդիպումներում։ Գերմանիան ստացավ արծաթե մեդալը այս մրցաշարում[73][74]՝ գավաթի եզրափակչում պարտվելով Բրազիլիային[75][76]։
Գերմանիայի ազգային հավաքական Զյուլեն առաջին անգամ հրավիրվեց 2016 թվականի օգոստոսի 26-ին՝ Ֆինլանդիայի և Նորվեգիայի դեմ խաղերի համար[77][78][79]։ Իր դեբյուտը ազգային հավաքականում նշեց օգոստոսի 31-ին՝ մեկնարկային կազմում խաղադաշտ դուրս գալով Ֆինլանդիայի դեմ ընկերական խաղում[80][81]։ 2017 թվականի ամռանը Զյուլեն մասնակցեց ՖԻՖԱ Կոնֆեդերացիաների գավաթին[82][83][84]՝ անցկացնելով 4 հանդիպում[85]։ Գերմանիան հաղթեց մրցաշարը[86][87]՝ եզրափակչում 1-0 հաշվով պարտության մատնելով Չիլիին[88][89]։
2018 թվականի հունիսի 4-ին Զյուլեն ընդգրկվեց Գերմանիայի՝ աշխարհի առաջնության համար վերջնական կազմում[90][91][92]։ Առաջնությունում նա խաղադաշտ դուրս եկավ միայն Հարավային Կորեայի դեմ խաղում[93][94], իսկ Գերմանիան դուրս մնաց խմբային փուլից[95][96][97]։ Իր առաջին գոլը ազգային հավաքականի կազմում խփեց նոյեմբերի 15-ին՝ Ռուսաստանի դեմ ընկերական խաղում[98][99]։
Remove ads
Ակումբային վիճակագրություն
2019 թվականի նոյեմբերի 2-ի դրությամբ[100]
| Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Հոֆենհայմ II | 2012–13 | Ռեգիոնալլիգա | 4 | 0 | — | 4 | 0 | |||||
| 2013–14 | 2 | 0 | 2 | 0 | ||||||||
| Ընդհանուր | 6 | 0 | 0 | 0 | 0 | 0 | 0 | 0 | 6 | 0 | ||
| Հոֆենհայմ | 2012–13 | Բունդեսլիգա | 2 | 0 | 0 | 0 | — | 2 | 0 | 4 | 0 | |
| 2013–14 | 25 | 4 | 3 | 1 | — | 28 | 5 | |||||
| 2014–15 | 15 | 1 | 2 | 0 | 17 | 1 | ||||||
| 2015–16 | 33 | 0 | 1 | 0 | 34 | 0 | ||||||
| 2016–17 | 33 | 2 | 1 | 0 | 34 | 2 | ||||||
| Ընդհանուր | 108 | 7 | 7 | 1 | 0 | 0 | 2 | 0 | 117 | 8 | ||
| Բավարիա Մյունխեն | 2017–18 | Բունդեսլիգա | 27 | 2 | 5 | 0 | 9 | 0 | 1 | 0 | 42 | 2 |
| 2018–19 | 31 | 2 | 4 | 0 | 6 | 0 | 1 | 0 | 42 | 2 | ||
| 2019–20 | 8 | 0 | 1 | 0 | 2 | 0 | 1 | 0 | 12 | 0 | ||
| Ընդհանուր | 66 | 4 | 10 | 0 | 17 | 0 | 3 | 0 | 96 | 4 | ||
| Կարիերայի ընդհանուր | 180 | 11 | 17 | 1 | 17 | 0 | 5 | 0 | 219 | 12 | ||
Միջազգային վիճակագրություն
2019 թվականի նոյեմբերի 2-ի դրությամբ[100]
| Գերմանիա | ||
|---|---|---|
| Տարի | Խաղեր | Գոլեր |
| 2016 | 1 | 0 |
| 2017 | 7 | 0 |
| 2018 | 8 | 1 |
| 2019 | 8 | 0 |
| Ընդհանուր | 24 | 1 |
Միջազգային գոլեր
| # | Ամսաթիվ | Մարզադաշտ | Մրցակից | Հաշիվ | Արդյունք | Մրցաշար |
|---|---|---|---|---|---|---|
| 1. | Նոյեմբերի 15, 2018 | Ռեդ Բուլ Արենա, Լայպցիգ, Գերմանիա |  Ռուսաստան |
2–0 | 3–0 | Ընկերական խաղ |
Ակումբային
Բավարիա Մյունխեն
- Բունդեսլիգա. 2017–18[37], 2018–19[55]
- Գերմանիայի գավաթ. 2018–19[52]
- Գերմանիայի սուպերգավաթ. 2017[28], 2018[44]
Միջազգային
Գերմանիա
- Ամառային օլիմպիական խաղեր. երկրորդ տեղ. 2016[73]
- ՖԻՖԱ Կոնֆեդերացիաների գավաթ. 2017[86]
Անհատական
- Բունդեսլիգայի խորհրդանշական հավաքական. 2016–17[19]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads