Նիլ Ֆիլատով

Նիլ Ֆեոդորի Ֆիլատով (ռուս.՝ Нил Фёдорович Филатов; հունիսի 2, 1847(1847-06-02)^[1], Միխայլովկա, Սարանսկի վարչական շրջան, Պենզայի գուբերնիա, Ռուսական կայսրություն - փետրվարի 8, 1902(1902-02-08)^[1], Մոսկվա, Ռուսական կայսրություն), ռուս մանկաբույժ, Ռուսաստանում մանկաբուժության հիմնադիրներից, Վլադիմիր Ֆիլատովի հորեղբայրը։

Նիլ Ֆիլատով
Ծնվել է	հունիսի 2, 1847(1847-06-02)[1]
Ծննդավայր	Միխայլովկա, Սարանսկի վարչական շրջան, Պենզայի գուբերնիա, Ռուսական կայսրություն
Մահացել է	փետրվարի 8, 1902(1902-02-08)[1] (54 տարեկան)
Մահվան վայր	Մոսկվա, Ռուսական կայսրություն
Գերեզման	Վագանկովյան գերեզմանատուն
Քաղաքացիություն	Ռուսական կայսրություն
Կրթություն	Մոսկվայի համալսարանի բժշկական ֆակուլտետ (1869)
Գիտական աստիճան	բժշկության դոկտոր
Մասնագիտություն	բժիշկ և մանկաբույժ
Աշխատավայր	Մոսկվայի կայսերական համալսարան
Nil Filatov Վիքիպահեստում

Ավարտել է Մոսկվայի համալսարանի բժշկական ֆակուլտետը (1869 թ.), աշխատել Մոսկվայի Սոֆիայի (այժմ՝ Ն․ Ֆիլատովի անվան) մանկական հիվանդանոցում։ 1891 թվականից՝ Մոսկվայի համալսարանի մանկական հիվանդությունների առաջին ինքնուրույն ամբիոնի պրոֆեսոր և ղեկավար։ Ֆիլատովը մանկաբուժության մեջ զարգացրել է կլինիկա-ֆիզիոլոգիական ուղղությունը։ Ապացուցել է ջրծաղիկ հիվանդության ինքնուրույնությունը (1877 թ.), նկարագրել քութեշային կարմրախտը, վարակիչ մոնոնուկլեոզը (1885 թ.) և այլն։

Շատ աշխատանքներ վերաբերում են մանկական նյարդախտաբանությանը։ 1892 թվականին նրա նախաձեռնությամբ կազմակերպվել է Ռուսաստանի մանկաբույժների ընկերությունը։

Վիքիպահեստն ունի նյութեր, որոնք վերաբերում են «Նիլ Ֆիլատով» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։

1. Педагоги и психологи мира (ռուս.) — 2012.