Յուրգեն Կլինսման

Յուրգեն Կլինսման (գերմ.՝ Jürgen Klinsmann; հուլիսի 30, 1964(1964-07-30)^{[1][2][3][…]}, Գյոպինգեն, Nordwürttemberg Government Region, Բադեն-Վյուրթեմբերգ, Գերմանիայի Ֆեդերատիվ Հանրապետություն^[4] ), գերմանացի ֆուտբոլիստ, հարձակվող, բոլոր ժամանակների լավագույն գերմանացի ֆուտբոլիստներից մեկը։ Մազերի գույնի և գոլեր խփելու ունակության համար համար ստացել է «ոսկե ռմբարկու» մականունը։

Յուրգեն Կլինսման գերմ.՝ Jürgen Klinsmann
Անձնական տվյալներ
Ամբողջական անուն	Յուրգեն Կլինսման
Քաղաքացիությունը	Գերմանիա
Մականուն	Klinsi
Ծննդյան ամսաթիվ	հուլիսի 30, 1964(1964-07-30)[1][2][3][…] (60 տարեկան)
Ծննդավայր	Գյոպինգեմ, Բադեն-Վյուրթեմբերգ, ԳՖՀ
Հասակ	181 սմ
Քաշ	75 կիլոգրամ
Դիրք	հարձակվող
Ակումբային տեղեկություններ
Ներկա ակումբ	ԱՄՆ
Մասնագիտական կարիերա*
Տարի	Ակումբ	Խաղ	(Գոլ)
1981-1984 Շտուտգարտ Կիկերս 61(22) 1984-1989 Շտուտգարտ 156 (79) 1989-1992 Ինտեր 95 (34) 1992-1994 Մոնակո 65 (29) 1994-1995 Տոտենհեմ Հոտսպուր 41 (21) 1995-1997 Բավարիա Մյունխեն 65 (31) 1997 Սամպդորիա 8 (2) 1998 Տոտենհեմ Հոտսպուր 15 (9)
Ազգային հավաքական
1980-1984 ԳՖՀ (Մ16) 3 (0) 1984 - 1958 ԳՖՀ (Մ21) 8 (3) 1987 - 1988 ԳՖՀ (օլիմպ.) 14 (8) 1987 - 1998 Գերմանիա 108 (47)
Մարզչական կարիերա
Գերմանիա 2008 - 2009 Բավարիա Մյունխեն 2011 - ԱՄՆ
Պարգևներ Գերմանիայի տարվա ֆուտբոլիստ Football Manager of the Year? և Գերմանիայի տարվա ֆուտբոլիստ
* Մասնագիտական կարիերայում ընդգրկված են միայն առաջնության խաղերը և գոլերը:

Ֆուտբոլիստի կարիերան

Ակումբային կարիերան

Ֆուտբոլ խաղալ սկսել է 8 տարեկանից, խաղալով բոլոր դիրքերում, նույնիսկ դարպասապահ։ Պրոֆեսիոնալ կարիերան սկսել է 16 տարեկանից, հանդես գալով Գերմանիայի 2-րդ դիվիզիոնի «Շտուտգարտ Կիկերս» ակումբում։ 1984 թվականից սկսել է խաղալ արդեն բունդեսլիգայի «Շտուտգարտ» ավելի հեղինակավոր ակումբում։ Կլինսմանը հանդես է եկել նաև Մյունխենի Բավարիայի, Ինտերի, Մոնակոի, Սամպդորիայի և Տոտենհեմ Հոտսպուրի կազմում։

Հավաքականի կարիերան

Կլինսմանը Գերմանիայի ֆուտբոլի ազգային հավաքականի կազմում խաղալով ունեցել է փայլում կարիերա, խաղալով 108 խաղ և խփելով 47 գնդակ։ Իր խաղային լավագույն տարիներին համարվում էր հավաքանի առաջատար հարձակվողն ու գլխավոր հարվածային ուժը։ 1998 թվականին ավարտել է խաղային կարիերան որպես ֆուտբոլիստ և աշխատել է որպես մարզիչ։

Մրցանակներ և փաստեր

• 1988 թվականի Օլիմպիական խաղերի բրոնզե մեդալակիր
• Մասնակցել է ֆուտբոլի Եվրոպայի 1988, 1992 և 1996 թթ. առաջնություներին
  • 1992 թվականի արծաթե մեդալակիր
  • 1996 թվականի Եվրոպայի չեմպիոն
• Մասնակցել է ֆուտբոլի աշխարհի 1990, 1994 և 1998 թթ. առաջնություններին
  • 1990 թվականի աշխարհի չեմպիոն է, խփել է 3 գոլ
  • 1994 թվականին խփել է 5 գոլ
  • 1998 թվականին խփել է 3 գոլ
• Կլինսմանը ֆուտբոլի պատմության առաջին ֆուտբոլիստն է, ով մասնակցելով 3 Ֆուտբոլի աշխարհի առաջնությունների, յուրաքանչյուր առաջնությունում խփել է 3 և ավելի գնդակ։
• Ընդգրկվել է ՖԻՖԱ 100 ցանկում։
• ՈւԵՖԱ-ի գավաթի 1991 և 1996 թվականի հաղթող (համապատասխանաբար Ինտերի և Բավարիայի կազմում)
• Գերմանիայի 1994 և 1998 թթ. տարվա լավագույն ֆուտբոլիստ
• Անգլիայի 1995 թվականի տարվա լավագույն ֆուտբոլիստ (Անգլիայի ֆուտբոլի պատմության առաջին արտասահմանցի ֆուտբոլիստը, ով արժանացել է այդ մրցանակին)
• Գերմանիայի 1997 թվականի չեմպիոն
• Ընդհանուր թվով հավաքականի կազմում մասնակցել է 130 խաղի, խփել 58 գնդակ, իսկ ակումբային խաղերում մասնակցել 506 խաղի խփելով 277 գնդակ

Մարզչական կարիերան

2004 թվականի հուլիսի 26-ից եղել է Գերմանիայի ֆուտբոլի ազգային հավաքականի գլխավոր մարզիչը, փոխարինելով Ռուդի Ֆյոլլերին։ 2006 թվականի հուլիսի 12-ից նրան փոխարինել է Յոահիմ Լյովը։ 2008 թվականի հուլիսի 1-ից մինչև 2009 թվականի ապրիլի 27-ը մարզել է Բավարիա ակումբը։ 2010 թվականի նոյեմբերի 3-ից պաշտոնապես նշանակվել է «Տորոնտո» ակումբի մարզիչ-խորհրդատու։ 2011 թվականի հուլիսի 29-ից փոխարինել է Բոբ Բրեդլիին ԱՄՆ-ի ֆուտբոլի հավաքականի գլխավոր մարզչի պաշտոնում^[5][6][7][8]։ Իսկ 2011 թվականի օգոստոսին նրա մարզչությամբ ԱՄՆ-ն անցկացրել է 2 հանդիպում Մեքսիկայի և Ֆիլադելֆիայի հետ։

Մարզչական մրցանակներ

• 2006 թվականի Ֆուտբոլի աշխարհի առաջնության բրոնզե մեդալակիր
• 2006 թվականին ճանաչվել է Գերմանիայի տարվա լավագույն մարզիչ

Անձնական կյանք և այլ գործունեություն

Կլինսմանը իր կարիերայի ընթացքում հանդես գալով արտասահմանյան երկրներում, իր մայրենի գերմաներենից բացի տիրապետել է նաև անգլերեն, ֆրանսերեն, իտալերեն և իսպաներեն լեզուներին«The Person». klinsmann.com. 2014 թ․ հունիսի 16. Արխիվացված է օրիգինալից 2014 թ․ հունիսի 4-ին. Վերցված է 2014 թ․ հունիսի 16-ին.</ref>։ 1995 թվականին ամուսնացել է նախկին մոդել Դեբբի Չինի հետ (ծնունդով Սան-Խոսե քաղաքից), ունեն երկու երեխա` աղջիկը Լեյլա և տղան Ջոնաթան^[9][10]։ 1998 թվականից բնակվում է ԱՄՆ-ի Կալիֆորնիա նահանգի Լոս-Անջելես քաղաքի Հանտինգտոն-Բիչ թաղամասում։ Մինչև ԱՄՆ-ի հավաքականի գլխավոր մարզիչ աշխատելը աշխատել է նաև Los Angeles Galaxy ակումբում որպես գլխավոր մարզչի օգնական։

Կլինսմանը 2000 թվականին ստեղծված Գերմանիայի երիտասարդական ֆուտբոլի ֆոնդի նախագահության անդամ է։ Ֆոնդը Գերմանիայում զբաղվում է պատանեկան և երիտասարդական, ինչպես նաև այսպես կոչված բակային ֆուտբոլի զարգացմանը։ Յուրգեն Կլինսմանը զբաղվում է նաև բարեգործական աշխատանքներով։ Նա հիմնել է Agapedia բարեգործական ընկերությունը, ով օգնում է հիվանդ երեխաներին։ 2001 թվականից նա ԱՄՆ-ի սպորտային խորհրդատվական ընկերության ֆուտբոլի բաժնի փոխնախագահն է։

Լուսանկարներ

• 
  1989 թ. Դինամո Դրեզդեն - Շտուտգարտ հանդիպման ժամանակ
• 
  Գերմանիայի հավաքականին մարզելու ժամանակ, 2005 թ. լուսանկար
• 
  ԱՄՆ հավաքականի մարզիչ, 2011 թ. լուսանկար
• 
  2014 թ. լուսանկար

Արտաքին հղումներ

• պաշտոնական կայք Արխիվացված 2006-07-21 Wayback Machine (անգլ.) (գերմ.)
• Յուրգեն Կլինսմանը մարզիչ (ռուս.)

Ծանոթագրություններ

1. Augustyn A. Encyclopædia Britannica
2. Transfermarkt.com(բազմ․) — 2000.
3. filmportal.de — 2005.
4. Deutsche Nationalbibliothek Record #118841181 // Gemeinsame Normdatei (գերմ.) — 2012—2016.
5. «Клинсманн стал главным тренером сборной США». Чемпионат.com. 2011 թ․ հուլիսի 29. Արխիվացված է օրիգինալից 2011 թ․ օգոստոսի 25-ին. Վերցված է 2011 թ․ հուլիսի 30-ին.
6. «Klinsmann Named Head Coach of U.S. Men's National Team» (անգլերեն). US Soccer. 29.07.2011. Արխիվացված է օրիգինալից 2011 թ․ օգոստոսի 25-ին. Վերցված է 2011 թ․ հուլիսի 30-ին.
7. «Klinsmann neuer Fußball-Nationaltrainer der USA» (գերմաներեն). transfermarkt.de. 29.07.2011. Արխիվացված է օրիգինալից 2011 թ․ օգոստոսի 25-ին. Վերցված է 2011 թ․ հուլիսի 30-ին.
8. «Bradley's Tenure as Head Coach of U.S. Men's National Team Ends» (անգլերեն). Official site of US Soccer and the United States National Soccer Teams. 28.07.2011. Արխիվացված է օրիգինալից 2011 թ․ օգոստոսի 25-ին. Վերցված է 2011 թ․ հուլիսի 30-ին.
9. «Klinsmann may finally be next U.S. soccer coach». Yahoo Sports. 2011 թ․ հուլիսի 28. Վերցված է 2011 թ․ հուլիսի 28-ին.
10. Zeigler, Mark (2006 թ․ հունիսի 7). «The face of Germany». utsandiego.com. Վերցված է 2013 թ․ փետրվարի 8-ին.

Վիքիպահեստն ունի նյութեր, որոնք վերաբերում են «Յուրգեն Կլինսման» հոդվածին։