Մևլյութ Չավուշօղլու

Մևլյութ Չավուշօղու (թուրքերեն՝ Mevlüt Çavuşoğlu; ծնվ. փետրվարի 5, 1968 թվական, Ալանիա, Թուրքիա), թուրք քաղաքական գործիչ։ 2010- 2012 թվականներին եղել է ԵԱՀԿ նախագահ, իսկ 2014 թվականից զբաղեցնում է Թուրքիայի արտաքին գործերի նախարարի պաշտոնը` փոխարինելով Ահմեդ Դավութօղլուին։

Մևլյութ Չավուշօղլու
Կուսակցություն՝	Արդարության և զարգացման կուսակցություն[1]
Կրթություն՝	Անկարայի համալսարանի քաղաքագիտության ֆակուլտետ, Լոնդոնի տնտեսության և քաղաքական գիտությունների դպրոց, Լոնգ Այլենդի համալսարան, Բիլքենթ համալսարան և Անկարայի համալսարան
Մասնագիտություն՝	քաղաքական գործիչ
Դավանանք	իսլամ
Ծննդյան օր	փետրվարի 5, 1968(1968-02-05)[2][3] (56 տարեկան)
Ծննդավայր	Ալանիա, Անթալիայի մարզ, Թուրքիա
Քաղաքացիություն	Թուրքիա
Կայք՝	mevlutcavusoglu.com
Ինքնագիր
Պարգևներ	Մոսկվայի պետական համալսարանի պատվավոր դոկտոր և

Կենսագրություն

Ծնվել է 1968 թվականի փետրվարի 5-ին Թուրքիայի Ալանիա քաղաքում։ 1988 թվականին ավարտել է Անկարայի համալսարանի քաղաքագիտության ֆակուլտետը` ստանալով միջազգայնագետի որակավորում։ 1991 թվականին ստացել է տնտեսագիտության մագիստրոսի կոչում Լոնգ Այլենդի համալսարանում` ԱՄՆ-ում։ Զբաղվել է գիտական գործունեությամբ Բիլքենթի համալսարանում^[4]։ Թեկնածուական ատենախոսությունը պաշտպանել է Լոնդոնի տնտեսագիտության դպրոցում։

Տիրապետում է անգլերեն, գերմաներեն և ճապոներեն լեզուներին, սովորում է ռուսերեն։ Թուրքիայի խորհրդարանի ֆուտբոլի հավաքականի անդամ է^[4]։ Ամուսնացած է, ունի մեկ երեխա^[5]։

Քաղաքական կարիերա

1995 թվականին աշխատել է Թուրքիայի բնապահպանության նախարարության միջազգային համագործակցության վարչությունում։ Այնուհետև զբաղվել է բիզնեսով ^[6]։

2001 թվականին եղել է Արդարություն և զարգացում կուսակցության համահիմնադիրներից մեկը, և մինչ 2009 թվականը եղել է մեջլիսի միջազգային հարաբերությունների հանձնաժողովի նախագահի տեղակալը^[6]։

2002 և 2007 թվականներին ընտրվել է թուրքական մեջլիսի պատգամավոր Անթալիայի մարզից։ Երկար ժամանակ ղեկավարել է Ճապոնիայի և ԱՄՆ-ի հետ խորհրդարանական բարեկամական խմբերը^[4]։

2003 թվականից ղեկավարում է ԵԱՀԿ-ում թուրքական պատվիրակությունը։ Եղել է եվրոպական դեմոկրատական խմբի անդամ (ԵԴԽ)։ Համարվում է ԵԽԽՎ գլխավոր քարտուղարի տեղակալը^[4]։ 2007 թվականից եղել է ԵԱՀԿ-ում թուրքական պատվիրակության ղեկավար և դրան զուգընթաց ԵԱՀԿ նախագահի տեղակալ։ 2009 թվականին եղել է ԵԴԽ-ի երկրորդ տեղակալը ^[6]։ Աշխատել է ԵԽ-ի նկատմամբ անդամ պետությունների պարտավորությունների կոմիտեում և իրավական կոմիտեում^[7]։ Եղել է 1930-ական թվականներին Ուկրաինայում տեղի ունեցած սովի հիմնական զեկուցողը ԵԱՀԿ-ում^[8]։

2009 թվականի սեպտեմբերին ԵԴԽ-ից ընտրվել է ԵԱՀԿ նախագահի թեկնածու, որի ընտրությունները պետք է տեղի ունենային 2010 թվականին^[4]։ 2010 թվականին ընտրվել է այդ պաշտոնում^[9]։

Եղել է ԵՄ հարցերով Թուրքիայի նախարարը։ 2014 թվականի օգոստոսից զբաղեցնում է Թուրքիայի արտագին գործերի նախարարի պաշտոնը^[6]։

Ծանոթագրություններ

1. https://www.workwithdata.com/person/mevlut-cavusoglu-1968
2. Munzinger Personen (գերմ.)
3. Դավոս 2014 մասնակիցների ցանկ
4. МГИМО, 2010
5. «Who is Mevlüt Çavuşoğlu?». Mevlüt Çavuşoğlu. 2009. Արխիվացված է օրիգինալից 2011 թ․ հուլիսի 14-ին. Վերցված է 2010 թ․ հունվարի 10-ին.
6. Коммерсантъ, 2014
7. «Представитель Турции Чавушоглу возглавил ПАСЕ». РИА Новости. 2010 թ․ հունվարի 25. Վերցված է 2015 թ․ ապրիլի 4-ին.
8. «Russia to cooperate with PACE on famine report». The Voice of Russia. 2009 թ․ նոյեմբերի 25. Արխիվացված է օրիգինալից 2010 թ․ հունվարի 29-ին. Վերցված է 2010 թ․ հունվարի 10-ին.
9. Sariişik, Dönduü (2010 թ․ հունվարի 25). «Turkish parliamentarian elected president of PACE». Հուրիեթ. Վերցված է 2010 թ․ հունվարի 26-ին.

Արտաքին հղումներ

• «Чавушоглу Мевлют». МГИМО. октябрь 2010 года. Արխիվացված է օրիգինալից 2015 թ․ ապրիլի 9-ին. Վերցված է 2015 թ․ ապրիլի 4-ին.
• «Мевлют Чавушоглу». Коммерсантъ. 2014 թ․ օգոստոսի 29. Արխիվացված է օրիգինալից 2015 թ․ մարտի 11-ին. Վերցված է 2015 թ․ ապրիլի 4-ին.

Վիքիպահեստն ունի նյութեր, որոնք վերաբերում են «Մևլյութ Չավուշօղլու» հոդվածին։