Մարբելյա

Մարբելյա (իսպ.՝ Marbella), մունիցիպալիտետ և քաղաք Իսպանիայում։ Մտնում է Մալագա պրոնվիցիայի մեջ՝ Անդալուզիա ինքնավար համայնքում^[1]։ Մունիցիպալիտետը գտնվում է Կոստա դել Սոլ Օքսիդենտալ շրջանում։ Նրա տարածքը գրավում է 117 կմ², իսկ բնակչությունը կազմում է 136 322 մարդ 2010 թվականի մարդահամարի տվյալների համաձայն։ 2012 թվականին քաղաքի բնակչությունը կազմել է 140,473 մարդ^[2]։ Վարչական կենտրոնից գտնվում է 58 կմ հեռավորության վրա։

Քաղաք
Մարբելյա
Marbella
Դրոշ Զինանշան
Տեսարան Մարբելյայից
Երկիր	Իսպանիա
Ինքնավար համայնք	ԱնդալուսիաԱնդալուսիա
Նահանգ	Մալագա
Շրջան	Կոստա դել Սոլ Օքսիդենտալ
Քաղաքապետ	Մարիա Անխելես Մունյոս Ուրիոլ
Մակերես	117 կմ²
ԲԾՄ	22 մետր
Կլիմայի տեսակ	Միջերկրածովյան կլիմա տաք ամառերով
Բնակչություն	136 322 մարդ (2010)
Խտություն	1098 մարդ/կմ²
Տեղաբնականուն	Marbellí marbellero marbellense
Ժամային գոտի	UTC+1, ամառը UTC+2
Հեռախոսային կոդ	(+34) 952
Փոստային դասիչ	29600
Ավտոմոբիլային կոդ	MA
Պաշտոնական կայք	marbella.es
Մարբելյա (Իսպանիա)
Մարբելյա Վիքիպահեստում

Քաղաքն ունի զգալի հնագիտական ժառանգություն^[3] մի քանի թանգարաններ^[4][5] ներկայացումների համար նախատեսված վայրեր^[6] և մշակութային օրացույց^[7][8] օպերային և այլ ներկայացումների հետ կապված^[9]։

Մարբելյան Իսպանիայի միջերկրածովյան շրջանների զբոսաշրջային հանգստավայր է։ Մարբելյայից 4 կմ հեռու գտնվում է ժամանականկից ստանդարտներին համապատասխանող Պուերտե Բանուս նավահանգիստը։

Տեսարժան վայրեր

Բրոնզե քանդակ Ավենիդա դել Մարում՝ Սալվադոր Դալիի ստեղծագործություն

Նարինջների հրապարակում գտնվող քաղաքապետարանի շենք

Կասա դել Կորեգիդորի մասամբ պահպանված շենքը, XVI դարի կառույց, որը գտնվում է Նարինջների հրապարակում

Մարբելյան գեղեցիկ բնությունով առողջարանային և զբոսաշրջային քաղաք է, որը հայտնի է մասսայական լողափերով։ Հին քաղաքը վերականգնվել է։ Դրա կենտրոնը Նարինջի հրապարակն է, որտեղ տեղակայված է քաղաքապետարանի շենքը։

Քաղաքի տեսարժան վայրերն են՝

• Արաբական պաշտպանական պատ
• Ավենիդա դել Մար պողոտան, որտեղ տեղադրված են Սալվադոր Դալիի քանդակները
• Փորագրանկարների թանգարան
• Iglesia de la Encarnación հին եկեղեցի
• (Cocodrilo Park) Կոկորդիլոսի զբոսայգի
• Ջրաշխարհ

Հետաքրքիր փաստեր

• Քաղաքի անունն ունի Հռոմեական ժամանակաշրջանի ստուգաբանություն․ անվանումը ծագել է MAR («ջրառատ») և BILA/BILLA («լեռ») բառերիի միացումից։
• Քաղաքի հովանավոր պաշտպանը Սուրբ Բերնաբեն է։
• Սաուդյան Արաբիայի թագավոր Ֆահդը սովորություն է ունեցել ամեն օր 5 միլիոն եվրո ծախսել Մարբելյայում։
• Քաղաքը հայտնի է Հյուսիսային Եվրոպայից^[10], Մեծ Բրիտանիայից, Իռլանդիայից, Գերմանիայից, Սաուդյան Արաբիայից և Արաբական Էմիրություններից որպես զբոսաշրջիկ ժամանած բնակիչներով^[11]։ Մարբելյան հայտնի է ազնվականներով և հարուստ մարդկանցով^[12]։ Այն շքեղ զբոսանավերի համար հայտնի վայր է^[13]։
• 1997 թվականի հոկտեմբերի 4-ին այստեղ վախճանվել է Օտտո Օրսթ Ռեմմերը (գերմ.՝ Otto-Ernst Remer, 18 օգոստոսի, 1912}}, Նոյբրագենբուրգ, Մաքլենբուրգ — 4 հոկտեմբերի, 1997, Մարբելյա, Մալագա պրովինցիա, Իսպանիա)՝ գեներալ։

Քույր քաղաքներ

Բալեր,  Ֆիլիպիններ Բաթումի  Վրաստան[14] Կաբուրգ,  Ֆրանսիա Դոհա, Կատար Ջեհադ,  Սաուդյան Արաբիա

Մայամի (Ֆլորիդա),  ԱՄՆ Նաբեուլ,  Թունիս Նեվերս,  Ֆրանսիա[15] Պունտա դել Էստե,  Ուրուգվայ Էլ Քուվեյթ,  Քուվեյթ

Աշխարհագրություն

Գտնվում է Միջերկրական ծովի ափին՝ տարածվելով դեպի հարավ։ Ջրամերձ տարածքներում ուրբանիզացիայի մակարդակը խիստ բարձ է։

Երկրագրություն

Սիեռա Բլանկա

Այստեղ առկա են 5 երկրաձևաբանական միավորներ՝ Սիեռա Բլանկա լեռը, որի ամենաբարձր գագաթն ունի 1,275 մ բարձրություն, Սիեռա Բլանկա Պիեդմոնտ (նախալեռներ), ցածրադիր շրջաններ, հարթավայրեր, ափամերձ տարածքներ^[16]։

Սիեռա Բլանկան գտնվում է պրովինցիայի առավել կենտրոնական հատվածում։ Այս լեռը եռագագաթ է՝ La Concha, Juanar Cross, Mount Lastonar։

Մարբելյային բնորոշ է փոփոխական տեղագրություն․ առկա են հարթավայրեր և դրանց կողքին՝ լեռներ^[17]։

Ջրագրություն

Ամբողջ տարածաշրջանը սնուցվում է Միջերկրական ծովի ավազանից։ Գետերը կարճ են և ունեն թեք գետեզրեր, այնպես, որ ջուրը հաճախ ափերից դուրս է գալիս^[18]։

Գուադալիմա գետ

Գետերից են Գուադալաման, Գուադաիզան, Վերդեն և Ռիո Ռեալը, որոնք էլ ապահովում են հիմնական ջրային պաշարը։ Տեղումների անկանոնությունը հանգեցրել է կիսացամաքած գետերի առաջացմանը, որոնք ամռանը չորանում են։

Կլիմա

Մարբելյան հյուսիսային կողմից պաշտպանված է Կորդիլերներով։ Այստեղ առկա է միկրոկլիմա, տարեկան միջին ջերմաստիճանը կազմում է 18 °C (64 °F)։ Ամենաբարձր լեռների գագաթները երբեմն ծածկվում են ձյան շերտով, որոնք սովորաբար հալչում է մի կամ երկու օր անց։ Տեղումների միջին քանակը կազմում է 628 լ/մ ²^[19]։

Կենսաբազմազանություն

Այստեղ հանդիպում են քարարծիվ, վայրի այծ, եղջերու, աղվես, նապաստակ և այլն^[20]։

Դունաս դե Արտոլայի ափն ունի բնական հուշարձանի կարգավիճակ, այդ թվում Կոստա դել Սոլը, որտեղ աճում են բազմաթիվ բույսեր և խոտաբույսեր, որոնց մեծ մասն ունեն կարևոր նշանակություն։ Յստեղ հանդիպում է Juniperus macrocarpa փշատերև բուսատեսակը^[21]։

Պատկերասրահ

• 
  Մալբելյայի բնապատկեր
• 
  Լողափ
• 
  Նավահանգիստ Պուերտո Բանուս
• 
  Կաբոպինո նավահանգիստ
• 
  Դյունաս դե Արտոլա, Պլայա դե Կաբոպինո
• 
• 
  Մարբելյայում գտնվող հռոմեական ժամանակաշրջանի կամրջի ավերակներ
• 
  Պաշտպանական պատ
• 
  Փորագրումների թանգարան
• 
  Սանտո Քրիստոյի եկեղեցի
• 
  Զբոսայգի
• 
  1963, դոն Պեպեյի հյուրանոց՝ նախագծված Eleuterio Población կողմից

Ծանոթագրություններ

1. Մարբելյայի մասին տվյալներ
2. 28 հունվարի 2013, Instituto de Estadística y Cartografía de Andalucía(չաշխատող հղում)
3. «Archaeology Marbella». PGB España. Արխիվացված է օրիգինալից 2012 թ․ հունիսի 29-ին. Վերցված է 2013 թ․ ապրիլի 14-ին.
4. «Marbella Museums and Art Galleries». World Guides. Արխիվացված օրիգինալից 2013 թ․ հունվարի 28-ին. Վերցված է 2013 թ․ ապրիլի 14-ին.
5. «An up-and-coming cultural quarter for Marbella?». Déjà Vu Marbella. 2012 թ․ նոյեմբերի 19. Արխիվացված է օրիգինալից 2013 թ․ հունիսի 15-ին. Վերցված է 2013 թ․ ապրիլի 14-ին.
6. «Costa del Sol Concerts for Summer 2012». i-Marbella.com. Արխիվացված օրիգինալից 2012 թ․ հուլիսի 11-ին. Վերցված է 2013 թ․ ապրիլի 14-ին.
7. «Marbella events and activities». Marbella Family Fun. Արխիվացված օրիգինալից 2013 թ․ հունվարի 29-ին. Վերցված է 2013 թ․ ապրիլի 14-ին.
8. «Reggaeville: World of Reggae in One Village». Reggaeville. Արխիվացված է օրիգինալից 2018 թ․ դեկտեմբերի 26-ին. Վերցված է 2014 թ․ դեկտեմբերի 21-ին.
9. «Marbella Opera Festival & Other August Events». Enforex Spanish Language School. Արխիվացված է օրիգինալից 2009 թ․ օգոստոսի 8-ին. Վերցված է 2013 թ․ ապրիլի 13-ին.
10. Myra Shackley (2012 թ․ մայիսի 23). Atlas of Travel and Tourism Development. Routledge. էջ 104. ISBN 978-1-136-42782-4. Վերցված է 2013 թ․ ապրիլի 22-ին.
11. Conal Urquhart (2013 թ․ մարտի 9). «How the influx of new global elites is changing the face of Europe». The Guardian. Արխիվացված օրիգինալից 2013 թ․ մարտի 15-ին. Վերցված է 2013 թ․ ապրիլի 23-ին.
12. Ken Bernstein (1990). Spain. Berlitz. էջ 182. ISBN 978-2-8315-0494-0. Վերցված է 2013 թ․ ապրիլի 17-ին.
13. Berlitz Guides (1993 թ․ հունվարի 1). Berlitz Travellers Guide: Spain 1993. Berlitz International, Incorporated. էջ 775. ISBN 978-2-8315-1783-4. Վերցված է 2013 թ․ ապրիլի 17-ին.
14. «Batumi - Twin Towns & Sister Cities». Batumi City Hall. Արխիվացված է օրիգինալից 2012 թ․ մայիսի 4-ին. Վերցված է 2013 թ․ օգոստոսի 10–ին-ին.
15. «|título = Corporaciones locales españolas hermanadas con Europa |editor = Federación Española de Municipios y Provincias |fechaacceso = 30 de mayo de 2009» (PDF). Արխիվացված է օրիգինալից (PDF) 2009 թ․ հուլիսի 8-ին. Վերցված է 2014 թ․ դեկտեմբերի 21-ին.
16. Marbella: mapa geológico de España. Ministerio de Industria y Energía. 1978. Վերցված է 2013 թ․ հունվարի 28-ին.
17. Teresa Moreno (Ph. D.) (2002). The Geology of Spain. Geological Society. էջ 85. ISBN 978-1-86239-127-7. Վերցված է 2013 թ․ հունվարի 28-ին.
18. Andrés Díez Herrero; Luis Laín Huerta; Miguel Llorente Isidro (2009). A handbook on flood hazard mapping methodologies. IGME. էջ 23. ISBN 978-84-7840-813-9. Վերցված է 2013 թ․ ապրիլի 12-ին.
19. «Marbella Weather». World Weather Online. Վերցված է 2013 թ․ հունվարի 29-ին.
20. Pilar Rodríguez Quirós (2007 թ․ սեպտեմբերի 23). «La Sierra de las Nieves crece mirando al mar». Diario Sur (Spanish). Արխիվացված օրիգինալից 2008 թ․ հոկտեմբերի 25-ին. Վերցված է 2013 թ․ ապրիլի 11-ին.{{cite news}}: CS1 սպաս․ չճանաչված լեզու (link)
21. Muñoz-Reinoso, José Carlos (2004 թ․ մայիսի 6). «Diversity of maritime juniper woodlands». Forest Ecology and Management. 192 (2–3): 267–276. doi:10.1016/j.foreco.2004.01.039.

Արտաքին հղում

• Քաղաքապետի պաշտոնական կայք Արխիվացված 2011-02-24 Wayback Machine

Վիքիպահեստն ունի նյութեր, որոնք վերաբերում են «Մարբելյա» հոդվածին։